బైపాస్ సర్జరీ అంటే ఏమిటి ?

మామూలుగా నిత్యం మనం బైపాస్ అనే మాట వింటూ ఉంటాం. ట్రాఫిక్ సమస్యలు అధికంగా ఉంటే సాధారణంగా బైపాస్ రోడ్డు వెంబడి వెళతాం. అదే విధంగా ఇక్కడ కూడా సన్నపడిన ఈ రక్తనాళాల బదులు వేరే రక్తనాళాలను ఉపయోగించి ఈ చికిత్స చేస్తారు. కాబట్టి దీనికి బైపాస్ సర్జరీ అని పేరు. ఈ బైపాస్ సర్జరీతో మొదటగా శరీరంలోని ఆరోగ్యవంతమైన రక్తనాళాన్ని ఉపయోగిస్తారు. ఉదాహరణకు కాలినుంచి ఒక రక్తనాళం తీసి దానిని గుండె నుంచి వచ్చే ప్రధాన రక్తనాళానికి అతికిస్తారు. దీని యొక్క ఇంకో చివరను కొలెస్ట్రాల్ చేరడం వలన లోపలి వ్యాసం తగ్గి రోగపూరితమైన రక్తనాళానికి అతుకు పెడతారు.

అలా అతికించే రక్తనాళాలు రెండు రకాలు. అవి
1. కాలినుండి గుండెకు రక్తాన్ని తీసుకొని వెళ్ళే ఒక సిరను ఉపయోగిస్తారు. దీనికి వీనస్ గ్రాఫ్ట్ అని పేరు.
2. ఛాతీ లోపల ఉండే ఇంటర్నల్ మెమొరీ ఆర్టరీని లేదా ఛాతినుంచి రేడియల్ ఆర్టరీని ఉపయోగిస్తారు. దీనికి ఆర్టీరియల్ గ్రాఫ్ట్స్ అని పేరు. అయితే, ఈ రక్తనాళాలను తీసి ప్రధాన రక్తనాళానికి, రోగపూరితమైన రక్తనాళానికి అంటించడం వలన ఏ ఇతర దుష్ప్రభావాలు ఉండవు.

ఈ బైపాస్ సర్జరీ ఎప్పుడు చేస్తారు?
ఈ విషయం తెలుసుకునేముందు మనం గుండెకు రక్తాన్ని సరఫరా చేసే అతి ప్రధానమైన మూడు రక్తనాళాల గురించి తెలుసుకోవాల్సి ఉంటుంది. అవి
1. కుడి కరోనరీ ఆర్టరీ లేదా ధమని
2. లెఫ్ట్ మెయిన్ యాంటీరియర్ డిసెండింగ్ ఆర్టరీ
3. లెఫ్ట్ సర్ కాంప్లెక్స్.
అక్కడ గుండెలో కుడి, ఎడమ వైపున వచ్చే ప్రధాన కరోనరీ ఆర్టరీలు ఎడమవైపు వచ్చే ఆర్టరీ తిరిగి రెండుగా విభజన చెందుతుందన్నమాట.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.