Improve Heart Health: రోజూ ఇలా చేస్తే గుండె జబ్బులు రమ్మన్నా రావు, అవేంటంటే..

1. చురుకుగా ఉండాలి

వ్యాయామం ప్రతి ఒక్కరికీ అవసరం. శారీరక శ్రమ లేని ఉద్యోగాల్లో, వ్యాపారాల్లో ఉన్న వాళ్లు తప్పనిసరిగా క్రమం తప్పకుండా వ్యాయామం చేయాలి. వ్యాయామం చేయడం వల్ల గుండె ఆరోగ్యం మెరుగుపడుతుంది.

2. స్మోకింగ్ మానేయాలి

స్మోకింగ్ అలవాటు ఉంటే దానిని క్రమంగా మానేయాలి. ఉన్నపళంగా మానేయడం కష్టం అనుకునే వారు క్రమంగా తగ్గించుకుంటూ రావాలి. స్మోకింగ్ వల్ల అనేక ఆరోగ్య సమస్యలు వస్తాయి. గుండె ఆరోగ్యం కూడా దెబ్బతింటుంది.

3. ఆరోగ్యకరమైన బరువు

ఆరోగ్యకరమైన బరువు మెయింటైన్ చేయాలి. బరువు ఎక్కువగా ఉండటం వల్ల అనేక సమస్యలు వస్తాయి. ఊబకాయంతో కొలెస్ట్రాల్ పెరగడం, గుండె రక్తాన్ని తీసుకెళ్లే ధమనులు మూసుకుపోతాయి. అందుకే ఆరోగ్యకరమైన బరువు నిర్వహించాలి.

4. ఆరోగ్యకరమైన ఆహారం

ఆరోగ్యానికి ఆహారమే కీలకం. తిండిని మనం నియంత్రించుకోగలిగితే చాలా జబ్బులు రాకుండా చూసుకోవచ్చు. గుండె ఆరోగ్యానికి కూడా ఆహారం చాలా ముఖ్యం. హృదయ ఆరోగ్యాన్ని మెరుగుపరిచే తాజా కూరగాయులు, పండ్లు, చేపలు, గుడ్లు తినాలని వైద్యులు సూచిస్తున్నారు.

5. చాక్లెట్లు మంచివే

చాక్లెట్లు, రెడ్ వైన్ గుండె ఆరోగ్యానికి మంచివే. అయితే వాటిని మితంగా మాత్రమే తీసుకోవాలని వైద్యులు సూచిస్తున్నారు. వైన్, కోకో చాక్లెట్లలో యాంటీఆక్సిడెంట్లు ఉంటాయి. ఇవి మంచి కొలెస్ట్రాల్ ను పెంచడమే కాకుండా చెడు కొలెస్ట్రాల్ ను తగ్గిస్తాయి. రక్త సరఫరాను మెరుగుపరుస్తాయి.

6. అతిగా తినొద్దు

అతి సర్వత్రా వర్జయేత్.. ఇది పెద్దలు చెప్పిన మాట. అంటే దేనినీ అతిగా తీసుకోవద్దు, తినొద్దు, చేయవద్దు అని. ముఖ్యంగా ఆహారం విషయంలో ఇది అతికినట్టుగా సరిపోతుంది. అతిగా తినడం వల్ల అనేక ఆరోగ్య సమస్యలు వస్తాయి. రోజులో ఒక పూట ఎక్కువగా తిని, మిగిలిన సమయాల్లో అతి తక్కువగా తినడం వల్ల ఎలాంటి ఉపయోగం ఉండదు.

7. ఒత్తిడికి గురికావొద్దు

పనిలో అయినా, వ్యాపారంలో అయినా, కుటుంబ సమస్యల్లో అయినా ఒత్తిడిని అనుభవించొద్దని వైద్యులు సూచిస్తున్నారు. ఒత్తిడిగా అనిపించినప్పుడు మీకిష్టమైన ఏదైనా పనిని చేయాలని చెబుతున్నారు. ఒత్తిడి వల్ల గుండె కొట్టుకునే వేగం విపరీతమైన హెచ్చుతగ్గులకు గురవుతుంది. దీని వల్ల గుండె పోటు వచ్చే ప్రమాదం కూడా ఉంటుంది.