పరగడుపున ఈ నీళ్లు తాగితే..థైరాయిడ్, షుగర్, జుట్టు రాలడం ..అన్నింటికీ ఒకే బ్రహ్మాస్త్రం!

ఈ రోజుల్లో చేసే పనితో సంబంధం లేకుండా అందరి లైఫ్ లు బిజీగా మారిపోయాయి. ఈ బిజీ లైఫ్ లో థైరాయిడ్, మధుమేహం వంటి జీవక్రియ, హార్మోన్ల సమస్యలు సర్వసాధారణంగా మారిపోయాయి. చాలామంది ఈ వ్యాధులను కేవలం మందులతోనే అదుపు చేయవచ్చని భావిస్తారు.

కానీ మన దైనందిన ఆహారపు అలవాట్లు కూడా ఈ వ్యాధుల నియంత్రణలో కీలక పాత్ర పోషిస్తాయని మీకు తెలుసా? సరైన, ఆరోగ్యకరమైన ఆహారం మన శరీరంలోని జీవక్రియను మెరుగుపరచడమే కాకుండా, హార్మోన్లను సహజంగా సమతుల్యం చేస్తుంది. తద్వారా మన సంపూర్ణ ఆరోగ్య స్థితి మెరుగుపడుతుంది.

ఈ క్రమంలోనే ప్రముఖ న్యూట్రిషన్ అండ్ వెల్‌ నెస్ నిపుణురాలు ఖుషీ ఛబ్రా ఒక అద్భుతమైన సూపర్‌ ఫుడ్ గురించి వివరించారు. అదే మన వంటగదిలో సులభంగా దొరికే కలోంజీ (నల్ల జీలకర్ర). ఉదయాన్నే పరగడుపున కలోంజీ తీసుకోవడం వల్ల థైరాయిడ్, మధుమేహం వంటి మొండి వ్యాధులు అదుపులో ఉండటమే కాకుండా, బరువు తగ్గడానికి, జుట్టు రాలడాన్ని నివారించడానికి ఇది ఎంతగానో సహాయపడుతుంది.

ప్రతిరోజూ ఉదయం నిద్రలేవగానే ఖాళీ కడుపుతో అర టీస్పూన్ కలోంజీ గింజల పొడిని గోరువెచ్చని నీటిలో కలుపుకుని తాగాలని ఖుషీ ఛబ్రా సూచిస్తున్నారు. అసలు కలోంజీ వల్ల కలిగే అద్భుతమైన ప్రయోజనాలు ఏమిటో ఇక్కడ చూడండి.

థైరాయిడ్ సమస్యకు సహజసిద్ధమైన చెక్

కలోంజీ గింజల్లో థైమోక్వినోన్(Thymoquinone) అనే అత్యంత శక్తివంతమైన బయోయాక్టివ్ సమ్మేళనం ఉంటుంది. ఇందులో యాంటీ ఆక్సిడెంట్లు, యాంటీ ఇన్ఫ్లమేటరీ (మంటను తగ్గించే) లక్షణాలు పుష్కలంగా ఉన్నాయి. ఇవి థైరాయిడ్ గ్రంథి పనితీరును మెరుగుపరిచి, హార్మోన్ల ఉత్పత్తిని క్రమబద్ధీకరిస్తాయి. తరచూ ఈ గింజలను తీసుకోవడం ద్వారా థైరాయిడ్ పనిచేయకపోవడాన్ని సహజ పద్ధతిలో తిప్పికొట్టవచ్చని నిపుణులు చెబుతున్నారు.

మధుమేహం నియంత్రణ, బరువు తగ్గుదల

కలోంజీ గింజలు డయాబెటిస్‌ తో బాధపడేవారికి ఒక వరం లాంటివి. వీటిని క్రమం తప్పకుండా తీసుకోవడం వల్ల రక్తంలోని షుగర్ లెవల్స్ అదుపులో ఉంటాయి. అంతేకాకుండా అధిక బరువు తగ్గాలనుకునేవారికి ఇది అద్భుతంగా పనిచేస్తుంది.

ఇందులోని క్రియాశీలక సమ్మేళనమైన థైమోక్వినోన్.. ఆకలిని నియంత్రించి, కడుపు ఎక్కువసేపు నిండుగా ఉన్న భావనను కలిగిస్తుంది. శరీరంలో పేరుకుపోయిన అదనపు కొవ్వును కరిగించి, కొవ్వు జీవక్రియను వేగవంతం చేయడంలో కలోంజీ అద్భుతమైన పాత్ర పోషిస్తుంది.

జుట్టు రాలడానికి బ్రేక్

కాలుష్యం, ఒత్తిడి వల్ల ఈ రోజుల్లో జుట్టు రాలడం అతిపెద్ద సమస్యగా మారింది. కలోంజీ గింజలు తలమీద చర్మం ఆరోగ్యాన్ని కాపాడతాయి. తలపై మంటను, ఇన్ఫెక్షన్లను తగ్గించి, జుట్టు మూలాలకు లోపలి నుండి పోషణను అందిస్తాయి. దీనివల్ల కురులు రాలడం ఆగిపోయి, జుట్టు బలంగా, ఆరోగ్యంగా పెరుగుతుంది.

రోగనిరోధక శక్తికి బ్రహ్మాస్త్రం

కలోంజీ గింజలను జీవ విత్తనాలు అని కూడా పిలుస్తారు. ప్రతిరోజూ కొన్ని కలోంజీ గింజలను నమలడం వల్ల శరీరంలో రోగనిరోధక శక్తి అమాంతం పెరుగుతుంది. వాతావరణ మార్పుల వల్ల వచ్చే జలుబు, దగ్గు వంటి సాధారణ ఇన్ఫెక్షన్ల నుండి తీవ్రమైన వ్యాధుల వరకు తట్టుకునే బలాన్ని మన శరీరానికి ఇవి అందిస్తాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.