వర్షాకాల వ్యాధులు.... చాయ్ చేసే మేలు!

Wellness

oi-Nageswara Sharma

By B N Sharma

Published: Monday, August 22, 2011, 11:09 [IST]

వర్షాకాలంలో సహజంగా కొన్ని వ్యాధులు వచ్చి అనారోగ్యం కలుగుతుంది. తొలకరి చినుకు భూమి మీద పడటం ఆలస్యం అందరూ 'ఇక మనం అనారోగ్యం పాలవుతాం' అనుకుంటారు. అయితే ఈ వర్షాకాల వ్యాధులనుండి రక్షించుకోడానికి కొన్ని మార్గాలున్నాయి. వర్షాలు ఎపుడు వచ్చేది తెలియదు. మనం కూడా కొన్ని సార్లు, వర్షం పడితే అవసరమైన గొడుగు, రెయిన్ కోట్ లాంటివి మరచి బయటకు వచ్చేస్తూనే వుంటాం. అంత మాత్రం చేత వర్షాకాల వ్యాధులకు గురికావాలని లేదు. కొద్దిపాటి ముందు జాగ్రత్తలు తీసుకుంటే ఈ వ్యాధులను నివారించుకోవచ్చు.వర్షాకాలంలో వచ్చే వ్యాధులను అరికట్టటానికి అందరూ పాటించదగిన అయిదు మార్గాలు దిగువ ఇవ్వబడుతున్నాయి. పరిశీలించి ఆచరించటానికి ప్రయత్నించండి.

1. హెర్బల్ చాయ్ తాగండి: హెర్బల్ టీ లో సహజసిద్ధమైన ఆరోగ్య దినుసులు మిరియాలు, లవంగం, జింజర్, టీ ఆకులు, మింట్, తులసి, అశ్వగంధి మొదలైనవి వుంటాయి. ఇవన్నిసహజంగా చల్లదనాన్ని దగ్గర చేరనీయవు. దగ్గు, జలుబులకు మంచి నివారణ. గొంతు శరీరంలో చల్లదనాన్ని త్వరగా గ్రహించే ఒక భాగం. వర్షాకాలంలో ఉదయం వేళలో ఒ హెర్బల్ టీ తాగితేగొంతు సంబంధిత బాధలు రాకుండా వుంటాయి.

2. యూకలిప్టస్ ఆయిల్ వాడండి: ముక్కు కారుతుంటే, మీ కర్చీఫ్ లో నాలుగు చుక్కలు యూకలిప్టస్ ఆయిల్ వేసి రోజంతా దానిని వాసన చూస్తుండండి. ఘాటైన దీని వాసన మీ శ్వాసను హాయిగా వుంచుతుంది. ఈ ఆయిల్ ప్రతి మందుల షాపులోను లభిస్తుంది.

3. వేపను ఉపయోగించండి. వేప చెట్టులో కావలసినన్ని ఔషధ గుణాలుంటాయి. వర్షాకాలంలో ఎలర్జీ కలుగకుండా వాడచ్చు. మరిగే వేడి నీటిలో వేపాకులు వేసి దాని ఆవిరి పీల్చండి. ఇది సాధ్యం కాకపోతే, వేప నూనె సబ్బులు వాడండి. ఈ చర్య వ్యాధుల నుండి సహజ రక్షణ కల్పిస్తుంది.

4. కాళ్ళు సరిగా శుభ్రం చేసుకోండి: కాళ్ళు వానలప్పుడు బురద, మట్టి మొదలైన వాటికి గురవుతాయి. దీనిలోని బాక్టీరియా సరిగా శుభ్రం చేయకపోతే శరీరానికి వ్యాపిస్తుంది. జబ్బు పడకూడదనుకుంటే, ఈ కాలంలో కాళ్ళను వీలైనంత పరిశుభ్రంగా వుంచుకోవాలి. వీలైతే వేడి నీటిలో కాళ్ళను కనీసం అయిదు నిమిషాలు నానపెట్టి తర్వాత సబ్బుతో శుభ్రం చేయండి.

5. వేడి నీరు తాగండి: వర్షాకాలంలో తాగే నీరు పొట్ట సంబంధిత వ్యాధులను తెస్తుంది. కనుక ఈ వ్యాధులనుండి రక్షణ పొందాలంటే కాచి చల్లార్చిన నీరు తాగాల్సిందే. నీటిని కనీసం 10 నిమిషాలు మరగించండి మరిగేటపుడు కాసిని తులసి ఆకులు కూడా వేయండి.

ఈ చర్యలను పాటించి వర్షాకాల వ్యాధులనుండి రక్షణ పొందండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.