ఆనందమే కాదు...అనారోగ్యం కూడా!

By B N Sharma

Published: Friday, October 28, 2011, 15:14 [IST]

పండుగ మూడు రోజులు నగరాలు జన సమ్మర్దమే కాదు..నిరంతరం పేలే టపాకాయలతో విషపూరిత కాలుష్య వాయువులు, చెవులు చిల్లులు పడే ధ్వనులుతో నిండిపోతాయి. అన్ని వయసుల వారు టపాసులు కాల్చడంతో ఆనందిస్తూనే వుంటారు. ఇక పండుగ అట్టహాసంగా చేయాలనుకునే రాజకీయ నాయకులు, ఇతర ప్రముఖులు అధిక టపాసులు రోజంతా కాల్చి తమ హోదాలను చాటుకుంటారు. ఈపండుగ రోజుల్లో చాలామంది శ్వాస సంబంధిత సమస్యలు, గుండె సంబంధిత వ్యాధులతో బాధలు పడుతూంటారు. విపరీతమైన ధ్వనులకు కాలుష్యానికి వయసుపైబడిన వారు మరింత బాధ పడతారు.

1. చిన్నపాటి కాల్పులు, ఇతర ప్రమాదాలే కాక పిల్లలు కాలుష్య పొగలను పీల్చి ముక్కు, గొంతు మంటలు ఏర్పడతాయి.

2. టపాసుల పొగ కళ్ళను మండించి నీరు తెప్పించటమే కాక, ఎరుపు రంగుకు మారుస్తాయి. చెవులు ఒకో సారి పనిచేయటం మానేస్తాయి. చెముడు కూడా వచ్చే ప్రమాదం వుంది.

3. టపాసులు కాలిస్తే అధిక రక్తపోటు వికారం, తలనొప్పి, వంటివే కాక గుండె సంబంధిత వ్యాధులుంటే అధికమవుతాయి.

4. ఊపిరితిత్తుల వ్యాధులు అంటే దగ్గు, తుమ్ములు, ఆస్తమా, ఉబ్బసం మొదలైనవి ఈ రోజుల్లో అధికం అవుతాయి. శ్వాస కష్టమవుతుంది.

5. విషవాయువులు గర్భిణీలపై చెడు ప్రభావం చూపుతాయి. మానసికంగా సరి లేని వారు కూడా ఈ పండుగరోజుల్లో డిప్రెషన్, భయం, ఒత్తిడిలకు గురవుతారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.