విమాన ప్రయాణ అనారోగ్యం అరికట్టేందుకు ఆరు మార్గాలు!

Wellness

oi-Nageswara

By B N Sharma

Published: Friday, April 27, 2012, 8:44 [IST]

ప్రయాణాలనేవి ఆనందంగా, ఉత్సాహంగా వుంటాయి. మీలోని ఎడ్రినాలిన్ పైకి వచ్చి మీ కొత్త ప్రయాణాలను ఆనందింపజేస్తుంది. కాని మీరు ఒక విమానంలో కూర్చున్నప్పటికి కూడా అది మీకు ఎయిర్ సిక్ నెస్ కలిగిస్తుంది. విమానంలో ప్రయాణించే చాలామంది ప్రయాణీకులకు ఆరోగ్య సమస్యలు వస్తాయి. అందుకనే కొందరు విమానం ఎక్కాలంటే భయపడతారు. కదలికల సమస్య, చెవులు దిమ్మరపోవటం, తలనొప్పి, చెవినొప్పులు వంటివి సాధారణంగా విమాన ప్రయాణాలు చేసే వారికి వచ్చే ఆరోగ్య సమస్యలు. వీటిని అధిగమించటానికిగాను కొన్ని పరిష్కార మార్గాలు చూడండి.

తక్కువ తినండి - కడుపు నిండుగా వుంటే, కదలికల సమస్య వస్తుంది. కనుక విమానం ఎక్కేముందు తక్కువ తినండి. మీకిష్టమైన స్నాక్స్ మీతో తీసుకెళ్ళండి. ఈ చిరుతిండి మీకు ఎయిర్ సిక్ నెస్ రాకుండా చేస్తుంది.

ఆలోచించకండి - మీ మనస్సును వేరే విషయంపై పెట్టండి. వీడియో గేములు ఆడటం, నిద్ర వచ్చే చక్కటి మ్యూజిక్ వినటం వంటివి చేసి మీ మనస్సు ప్రయాణంపై ఆలోచించకుండా చేయండి.

దూదులు చెవికి పెట్టండి - చెవినొప్పులు, వినపడకపోవటం వంటివి ఎయిర్ సిక్ నెస్ వున్న వారికి తప్పని సరి. చెవులలో కలిగే శబ్దం, మీ సమస్యను ఎక్కువ చేస్తుంది. కనుక ఎయిర్ సిక్ నెస్, లేదా చెవి నొప్పులవంటివి రాకుండా వుండాలంటే సరిగ్గా విమానం బయలుదేరబోయే ముందు, చెవులలో దూదులు పెట్టుకోండి.

మౌత్ ఫ్రెషనర్స్ - బిజీగా వుండాలంటే ఇది మంచి ఆలోచన. మింట్ వంటివి నోటిలో వేసుకోండి. అవి మీకు హాయిభావన కలిగిస్తాయి. అల్లం లేదా ఉసిరి కాయ ముక్కలు వంటివి కూడా వాంతి భావన కలుగకుండా చేస్తాయి.

శారీరక కదలికలు పెంచండి - మంచి పాట వింటూంటే, మీ చేతులు, కాళ్లు ఆటోమేటిక్ గా కదలాలి. అదే విధంగా, మీరు విమానంలో ప్రయాణించేటపుడు మీ కాలి వేళ్ళు, చేతులు, చేతి వేళ్ళు ఆడించండి. దీనివలన మీ మైండ్ డైవర్ట్ అవటమే కాక కదలికల సమస్య కూడా పోతుంది.

నీరు తాగండి - విమానంలో మీరు బాగా లేరనుకుంటే, చల్లని నీటిని తరచుగా తీసుకోండి. పండ్లరసాలు లేదా రుచి, సువాసన కల ఇతర ద్రవాలు మీ మైండ్ ను మళ్ళిస్తాయి. మీకిష్టమైన డ్రింక్ ఏదైనా వుంటే, దానిని చప్పరిస్తూ ఎయిర్ సిక్ నెస్ దూరం చేసుకోండి.

ఈ చిన్నపాటి పరిష్కారాలు మీకు విమాన ప్రయాణ సిక్ నెస్ పోగొడతాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.