అద్భుత ఆరోగ్యాన్నిచ్చే పెరుగు?

By B N Sharma

Published: Wednesday, May 9, 2012, 12:24 [IST]

పెరుగు ప్రాచీన కాలంనుండి అద్భుతమైన పోషక విలువలతో మానవాళికి మంచి ఆహారంగా ఉపయోగపడుతోంది. దీనితో ఎన్నో ఆరోగ్య ప్రయోజనాలు. అందాన్ని పెంచుకోవడానికి కూడా మహిళలు పెరుగును ఒక బ్యూటీ ఉత్పత్తిగా కూడా వాడతారు. ఆయుర్వేద వైద్యంలో పెరుగును రాత్రివేళ తినరాదంటారు. ఎన్ని ఆరోగ్య ప్రయోజనాలను అది ఇస్తున్నప్పటికి పెరుగు అధికంగా తినరాదు. పెరుగు తాజాగా ఉన్నపుడే వినియోగించాలి. పులిసిన పెరుగు తినరాదు. పెరుగును చర్మంపై మసాజ్ కొరకు వినియోగించి చర్మం నునుపుగా, తెల్లగా వచ్చేలా చేస్తారు. చర్మం సుతి మెత్తగా వుంటుంది. హెయిర్ కండిషనర్ గా వాడి జుట్టూ ఊడకుండా చేయవచ్చు. ఎండ వేడికి కమిలిన చర్మానికి పెరుగు మంచి మెరుగుపడుతుంది.

పెరుగు తింటే వచ్చే ఆరోగ్య, పోషక విలువలు -
- మీ జీర్ణక్రియను మెరుగుపరుస్తుంది
- మీ రోగనిరోధక వ్యవస్ధను పటిష్టం చేస్తుంది.
- పెరుగు మనం ఇతర ఆహార పదార్ధాలనుండి వచ్చే పోషకాలను మినరల్స్ ను శరీరం బాగా పీల్చుకొనేలా చేస్తుంది.
- గట్టి ఎముకలు, పళ్ళు ఏర్పడేందుకు అవసరమైన కాల్షియం అందిస్తుంది. ఎముకల అరుగుదల ఏర్పడకుండా చేస్తుంది.
- అధిక రక్తపోటు రాకుండా చేస్తుంది.
-కొల్లెస్టరాల్ అధికంగా వుంటే తగ్గిస్తుంది.

పెరుగు ఎలా తినాలి?

ప్రతిరోజూ మధ్యాహ్న భోజనంలోనే కాకుండా, ఇంకా వివిధ రకాలుగా పెరుగు తీసుకోవచ్చు. సాధారణంగా మన ప్రాంతాలలో రుచికరమైన పెరుగన్నం విరివిగా ప్రతి ఇంటిలోనూ ప్రతిరోజూ తింటూనే వుంటారు. ఆహారంలో కారం అధికంగా వుందనుకుంటే పెరుగు చేర్చి తింటారు. పెరుగును చిలికి మజ్జిగగా తయారు చేసి దానితో భోజనం చివరిలో ఆహారాన్ని తింటే, జీర్ణక్రియ ప్రక్రియకు అది బాగా సహకరిస్తుంది. పెరుగు, మజ్జిగ, లస్సి, మొదలైన రూపాలలో దీనిని తింటారు. కరివేపాకు, ఆవాలు, మిర్చి మొదలైనవి వేసి మజ్జిగ తయారు చేసి వేసవిలో ఎండవేళ తాగి ఆనందిస్తారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.

Comments

Story first published: Wednesday, May 9, 2012, 12:24 [IST]

Latest Updates

A Mouthful of Curd for Good Health! | పెరుగు తింటే...వంటికి ఆరోగ్యం?