లేటుగా నిద్ర లేస్తే... ?

Wellness

oi-Nageswara

By B N Sharma

Published: Friday, February 3, 2012, 9:58 [IST]

సాధారణంగా అందరూ ఉదయంవేళ త్వరగా నిద్ర లేవాలని ఎంతో ఆరోగ్యమని చెపుతూంటారు. వినే వారికి ఆచరించేవారికి కూడా బాగానే వుంటుంది. అయినప్పటికి నేటి రోజుల్లో చాలామంది ఉదయంవేళ లేటుగా నిద్రలేస్తూవుంటారు. ఆలస్యంగా నిద్ర లేవటం వలన కూడా కొన్ని ప్రయోజనాలున్నాయి. అవేమిటో పరిశీలించండి.

1. త్వరగా నిద్ర లేచే వారికి రాత్రి డిన్నర్ సమయం 7 గంటలుగా అనుకుంటే వారు నిద్రించే సమయం 9 గంటలు లేదా 10 గంటలుగా వుంటుంది. వీరికి తిన్న ఆహారంలో 90 శాతం నిద్రించేసమయానికి జీర్ణమైపోతుంది. లేదంటే అజీర్ణం, కొవ్వుపట్టడం వంటివి వుంటాయి.

2. నేటి జీవన విధానంలో చాలామందికి 9 నుండి సాయంత్రం 6 గంటలవరకు పనిచేసే ఉద్యోగాలు లభించటం లేదు. వీరు రాత్రులందు లేట్ గా పని చేయాలి. మరి ఈ రకంగా పని చేసిన వారికి రోజుకు 8 గంటల నిద్ర వుంటే గాని సరైన విశ్రాంతి లభించదు. కనుక ఉదయంవేళ తగినంత అధిక సమయం నిద్రించాల్సిందే.

3. సాఫ్ట్ వేర్, కంప్యూటర్ ఉద్యోగస్తులు కంప్యూటర్లపై చాలా సమయం పని చేస్తారు. వారి కళ్ళు, మెదడు బాగా అలసిపోతాయి. వారు ఇంటికి ఏ సమయానికి వచ్చినప్పటికి వారికి ప్రధానంగా 8 గంటల నిద్ర కావలసిందే.

4. విద్యార్ధులకు, ప్రత్యేకించి పరీక్షలలో పొద్దుపోయే వరకు చదివితే పరీక్షలు బాగా వ్రాస్తామనే నమ్మకం వుంటుంది. నిద్రించే ముందుగానే వారి సిలబస్ చదివేసి ఉదయం లేటుగా లేచి పరీక్షలు వ్రాసి పాసైన వారు ఎంతోమంది వున్నారు. పెందలకడే లేచి చదివి పాసైనవారు కూడా వున్నారు.

5. మధ్యాహ్నం సమయంలో నిద్రించేకంటే ఉదయం వేళ ఆలస్యంగా లేచి రాత్రివరకు పనులు చక్కబెట్టుకుంటే కూడా బాగానే వుంటుంది. మధ్యాహ్నం నిద్ర తర్వాత లేస్తే అంతా డల్ గానే అనిపిస్తుంది. ఆరోగ్యం అంటూ శరీరాన్ని బలవంతం పెడితే అది మీ ఆనందాన్ని పాడు చేయగలదు. కనుక మీ అవసరాలనుబట్టి తగినంత నిద్రించి ఆనందించడం కూడా మంచిదే.

పిల్లలకు 10 సంవత్సరాల వరకు కనీసం అంటే 10 గంటల మంచి నిద్ర కావాల్సిందే. కనుక వారిని ఆరోగ్యం అంటూ అనవసరంగా బాధించకండి. వారికి కావలసినంత సమయం హాయిగా నిద్రింపజేసి వారి మెదడు రోజు రోజుకు వికసించటం గమనించి ఆనందించండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.