బరువు తగ్గే ఆహార విధానాలు!

Wellness

oi-Nageswara

By B N Sharma

Published: Tuesday, April 3, 2012, 10:24 [IST]

బరువు తగ్గాలి, సన్నగా, నాజూకుగా వుండాలి అనుకునేవారు డైటింగ్ పేరుతో వివిధ ఆహారాలు మానేయడం లేదా తినడం, తినే సమయాలు మార్చడం వంటివి చేస్తారు. కొన్ని మార్లు వాస్తవంగానే వారు వారి ప్రయత్నాలలో సఫలం అవుతారు. మరికొన్ని మార్లు విఫలం కూడా అవుతారు. అయితే దీనికి కారణం వారు ఆహారాల పట్ల ఏర్పరచుకున్న అపోహలే. మరి వాస్తవాలు ఏమిటి, అపోహలు ఎలా తొలగాలి అనేదానికి దిగువ అంశాలు పరిశీలించండి.

బ్రేక్ ఫాస్ట్ మానేస్తే బరువుతగ్గుతారు అనేది ఒక అపోహ. వాస్తవం ఏమంటే, రీసెర్చర్ల మేరకు ఉదయంవేళ ఆరోగ్యకర ఆహారం తీసుకునేవారు త్వరగా బరువు ఎక్కరు. దీనికి కారణం రోజులో తర్వాత సమయంలో వారికి ఆకలి తక్కువగా వుండి తక్కువ తింటారు. బ్రేక్ ఫాస్ట్ వారి మెటబాలిజం పెంచుతుంది రోజువారీ దినచర్యలకు అవసరమైన శక్తినిస్తుంది. కనుక సంతులిత ఆహారాల బ్రేక్ ఫాస్ట్ తీసుకోవాలి. షుగర్ కేలరీలు, కొవ్వు ఉదయంవేళ ఆహారంలో అధికంగా వుండరాదు.

చాలామంది తాము లావు ఎక్కటానికి కారణం జీన్స్ అని భావిస్తారు. ఇది ఒక అపోహ మాత్రమే. వాస్తవంలో మీ జీన్స్ ఏవైనప్పటికి బరువు సంతరించుకోవడమనేది అధికంగా తినడం, కేలరీలు అవసరమైనవాటికంటే అధికంగా తీసుకోవడం వలననే వస్తుంది. కనుక ఆరోగ్యకరంగా తింటూవుంటే ఎంత బరువు వుండాలో అంతే వుండటానికి సహకరిస్తుంది.

రాత్రులందు ఆలస్యంగా తింటే బరువు పొందుతారనేది ఒక అపోహ. అనారోగ్యకర ఆహారాలు ఎపుడు తిన్నప్పటికి అధిక బరువు పొందుతారనేది గ్రహించండి. రాత్రులందు తిన్నప్పటికి అధికంగా కాకుండా, తేలికగా జీర్ణమయ్యే ఆరోగ్యకర ఆహారాలు మీరు బరువు ఎక్కకుండా చేస్తాయి. అయితే, ఆలస్యంగా తినకుండా వుంటే అది మీ గాఢనిద్రకు సహకరిస్తుంది. రాత్రులందు గాఢ నిద్ర పోయే వారు త్వరగా బరువెక్కే అవకాశం తక్కువని రీసెర్చి తెలుపుతోంది.

గ్రీన్ టీ తాగితే బరువు తగ్గుతారనేది ఒక అపోహ కాకపోయినప్పటికి, దాని ఫలితం కనపడాలంటే, హాని చేసే ఇతర ఆహారాలు తినరాదు. ఎంత టీ తాగినప్పటికి మీరు తినకూడని పదార్ధాలు తింటూ వుంటే టీ ఫలితం వుండదు. అధిక బరువు సంతరించుకుంటారు. అయితే, తీపిలేని గ్రీన్ టీ తక్కువ కేలరీలు కలిగి మీకు ప్రయోజనంగా వుంటుందనేది గుర్తుంచుకోండి. అయితే, హెర్బల్ టీ తయారు చేసేటపుడు దానిలోని చేదును తొలగించటానికి మరిగిన వేడినీటిని వాడండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.