పొట్టలో గ్యాస్ ఏర్పడితే ఏం చేయాలి ?

గ్యాస్ ఏర్పడటానికి కారణాలను మరింత వివరంగా పరిశీలిస్తే, వ్యాయామం లేకపోవడం, తిన్న వెంటనే అతిగా నిద్రపోవడం, కొన్ని మందుల వలన జీర్ణాశయంలో, కొన్ని సూక్ష్మ జీవుల వలన అని చెప్పవచ్చు. గ్యాస్ ఏర్పడితే, పైనుండి నోటి ద్వారా త్రేన్పులవలన లేదా కిందనుండి అపాన వాయువగా గాని బయటికి పోవాలి. లేకుంటే ఎంతో అసౌకర్యంగా వుంటుంది. జీర్ణవ్యవస్థ, పేగుల ఇన్ ఫెక్షన్ లోపంవంటివాటి వల్ల, కార్బోహైడ్రేట్లు అంటే దుంపకూరలు, పప్పులు వంటివి ఎక్కువగా వాడడం వల్ల పేగులలో వుండే ఒకరకమైన బ్యాక్టీరియా వల్ల కూడా గ్యాస్‌ ఏర్పడుతుంది.
కడుపు ఉబ్బరిస్తుంది. ఆయాసంకలుగుతుంది, గుండెలో మంట, తేన్పులు వస్తాయి.

కడుపు ఉబ్బరాన్ని నివారించడానికిగాను వ్యాయామం అతిముఖ్యమైంది. అందుకుగాను ప్రతి రోజు అరగంట నుండి ఒక గంట వరకు ఉదయం, లేక సాయంత్రంవేగంగా నడవాలి. లేదా అరబిక్, స్విమ్మింగ్, సైకిలింగ్ వంటి వ్యాయామాలు చేయాలి. నీళ్లు బాగా తాగాలి. రాత్రిపూట ఆహారం తిన్న వెంటనే నిద్రించరాదు. ఆహారానికి నిద్రకు ఉపక్రమించటానికి కనీసం రెండు లేదా మూడు గంటల వ్యవధి వుండాలి. గ్యాస్‌ ఎక్కువ చేసే ఆహారాలు తగ్గించాలి. మసాలాలు, బేకరీ ఆహారాలు తగ్గించాలి. ఒకే సమయానికి మితంగా ఆహారం తినాలి. ఈ చిట్కాలతో గ్యాస్ ఏర్పడటం తగ్గకపోతే, వైద్యులను సంప్రదించి తగిన మందులు వాడాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.