అన్ని మంచి అలవాట్లయితే?

Wellness

oi-Nageswara

By B N Sharma

Published: Wednesday, May 16, 2012, 9:26 [IST]

నేటి రోజులలో మైగ్రేన్ తలనొప్పి సాధారణమైంది. చాలామంది ఈ తలనొప్పితో బాధపడుతున్నారు. ప్రపంచ వ్యాప్తంగా షుమారుగా 10 శాతం పైనే ప్రస్తుత జనాభాలో మైగ్రేన్ తలనొప్పితో బాధపడేవారున్నారు. మైగ్రేన్ తలనొప్పి నివారణకు మార్గాలు ఎన్నో వున్నాయి కాని, అవి శాశ్వత పరిష్కారం చూపలేవు. తాత్కాలికంగా తగ్గినా కొద్ది రోజుల తర్వాత మరల వస్తుంది. అయితే, మైగ్రేన్ తలనొప్పి సహజంగా తగ్గాలంటే ఆరోగ్యకర ఆహారాలు సరైన విధంగా తింటూ తగిన వ్యాయామాలు చేయటమే. అందుకుగాను కొన్ని చిట్కాలు చూడండి.

మైగ్రేన్ తలనొప్పి పోగొట్టుకోవాలంటే ఆరోగ్యపు అలవాట్లు ఎలా వుండాలి?
సమయానికి తినండి - ఏ కారణంచేతైనా సరే మీరు భోజనం మానేస్తే అది మీ ఆరోగ్యాన్ని అనేక విధాలుగా పాడుచేస్తుంది. మైగ్రేన్ తో బాధపడుతూ డైటింగ్ చేసేవారైతే, భోజనం మానేయటం మీ అధికబరువుతగ్గిస్తుందని భావించకండి. అది మీలో బ్లడ్ షుగర్ స్ధాయిలను పెంచుతుంది. ఇది చివరకు మైగ్రేన్ కలిగిస్తుంది. భోజనం మానేస్తే ఎసిడిటీ కలిగి మీ బ్రెయిన్ సరిగా పనిచేయక తలనొప్పి కలుగుతుంది. ఈ రకమైన సమస్యలకు పరిష్కారం సరైన సమయానికి క్రమం తప్పకుండా ఆహారం తీసుకోవడం. అతి తక్కువగా తినటం లేదా భోజనం మానేయటం చేయకండి.

వ్యాయామం - ఆరోగ్యకర శరీరంలో ఆరోగ్యమైన మైండ్ వుంటుంది. బలంగా, చురుకుగా వుండేందుకు క్రమం తప్పని వ్యాయామం చేయండి. ఇది మైగ్రేన్ రాకుండా కూడా సహకరిస్తుంది. ఒత్తిడి కలిగితే, చిన్నపాటి నడక, స్విమ్మింగ్ లేదా యోగా వంటివి చేయండి. ఇవి మైగ్రేన్ తగ్గించటమే కాక మీరు తాజాగా, ఉత్సాహంగా ఉండేందుకు తోడ్పడతాయి.

తగినంత నిద్ర- నిద్ర అధికం లేదా తక్కువ వుండరాదు. రెండూ కూడా అనారోగ్యమే. తగినంత నిద్ర మైగ్రేన్ దూరం చేస్తుంది. పెద్దలు రాత్రులందు 6 నుండి 7 గంటల నిద్ర పోవాలి. రోజుకు 9 గంటలు మించరాదు.

చెడు అలవాట్లు - చెడ్ అలవాట్లు వదలండి. పొగతాగటం, ఆల్కహాల్ మైగ్రేన్ నొప్పిని పెంచుతాయి. సిగరెట్ లో వుండే నికోటైన్ గొంతు, ఊపిరితిత్తులకు మంట కలిగించటమే కాక మత్తు కలిగిస్తుంది. ఆల్కహాల్ లో మైగ్రేన్ కలిగించే టిరమైన్ అనే పదార్ధం వుంది. ఇది అధికమైతే తలనొప్పి, హేంగోవర్ లు కలిగిస్తుంది.

పనిలో బ్రేక్ - ఉదయం నుండి సాయంత్రం వరకు నిరంతరంగా పనిచేయకండి. అది ఒత్తిడి కలిగించి మీరు చేయాలనుకునేది కూడా చేయలేకపోతారు. మధ్య మధ్యలో బ్రేక్ ఇస్తూ కొద్ది నిమిషాలు విశ్రాంతి పొందండి. ఉదాహరణకు తోటి ఉద్యోగితో సంభాషణ లేదా రెస్ట్ రూమ్ లో 5 నిమిషాలు గడపటం వంటివి చేయాలి. అదే సమయంలో మీ పని సమర్ధవంతంగా కూడా వుండాలి.

ఈ మంచి అలవాట్లు మీ రోజువారీ కార్యక్రమంలో ఆచరిస్తే, మైగ్రేన్ తలనొప్పి రాకుండా వుండే అవకాశం వుంది. ఉన్నవారికి పోతుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.