మైగ్రేన్ తలనొప్పి వస్తే ఏం చేయాలి?

Wellness

oi-Nageswara

By B N Sharma

Published: Friday, May 11, 2012, 8:29 [IST]

మైగ్రేన్ తలనొప్పి మెదడులోని రక్తనాళాలు వ్యాకోచం, నరాలు ఉబ్బటం వలన వస్తుంది. నొప్పి అధికమవుతున్నకొద్ది రక్తనాళాలు వ్యాకోచిస్తాయి. దీనితో నొప్పి మరింత అధికమవుతుంది. ఈ స్ధితిలో వికారంగా వుండటం, వెలుగు చూడలేకపోవటం జరుగుతుంది. ఈ తలనొప్పి సమస్యలకు వైద్య చికిత్స కూడా తక్కువే. మరి మైగ్రేన్ తలనొప్పి వ్యాధితో బాధ పడేవారు ఏం చేయాలి? ఏం చేయకూడదు? అనేవి పరిశీలించండి.

- మైగ్రేన్ నిర్ధారించబడిన రోగులు వారి నిర్దేశిత మందులు తీసుకోవాలి

- మైగ్రేన్ రోగులు తరచుగా ఉష్ణోగ్రతల మార్పుకు గురికారాదు.

- ఇంటిలో చేసే ప్రత్యామ్నాయ చికిత్సలు మానండి

- మైగ్రేన్ తలనొప్పి కొన్నిసార్లు దుర్మరణం కలిగిస్తుందని కూడా గ్రహించండి. కనుక స్వంత చికిత్సలకంటే వైద్య సలహా ఎల్లపుడూ మంచిది.

- 6 నుండి 8 గంటల గాఢ నిద్ర పోయేలా చూసుకోండి.

- యోగా, ధ్యానం, మార్నింగ్ వాక్ ల వంటివి మిమ్మల్ని ఆరోగ్యంగా వుంచుతాయి. ప్రతి రోజూ క్రమం తప్పని వ్యాయామం చేయండి.

- అనారోగ్య జీవన విధానం మైగ్రేన్ తలనొప్పి కలిగిస్తుంది. ప్రత్యేకించి సమయానికి భోజనం చేయకపోవడం, లేదా మానివేయడం వంటివి సరికాదు. ఉపవాసం వుండటం లేదా కొవ్వుకల ఆహారాలు తీసుకోవడం కూడా చేయవద్దు.

- ఘాటైన సువాసన ద్రవ్యాల వాడకం మానండి.

- ఒత్తిడి మైగ్రేన్ నొప్పి కలిగిస్తుంది.

- సూర్య రశ్మి నేరుగా పడేలా ఎండకు గురికాకండి. నల్లకళ్ళజోడు లేదా గొడుగుల వంటివి బయట తిరిగేటపుడు వాడండి.

- నొప్పులు తగ్గించే అనాల్జసిక్ లు దీర్ఘకాలం కొనసాగించకండి.

- మైగ్రేన్ తలనొప్పికి పారాసిటమాల్ లేదా యాస్పిరిన్ బాగా పని చేస్తాయి. అయితే 16 సంవత్సరాలలోపు పిల్లలు యాస్పిరిన్ తీసుకోరాదు. లక్షణాలు కనపడిన వెంటనే ఒక డోస్ తీసుకోండి. నొప్పి మాత్రలు త్వరగా తీసుకుంటే అది నొప్పి తీవ్రతను తగ్గిస్తుంది లేదా పూర్తిగా తొలగిస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.