బరువు వేగంగా తగ్గించే వెరైటీ వ్యాయామం!

By B N Sharma

Published: Friday, March 16, 2012, 9:15 [IST]

మీరు మరోమారు వ్యాయామాలు చేయాలనుకుంటే ముందుగా వైద్యులచే మీ శారీరక సామర్ధ్యాన్ని పరీక్షించుకోండి. వ్యాయామం అంటే, జిమ్ లో చేరటం భారీ పరికరాలు ఉపయోగించటం వంటివి చేయనవసరంలేదు. మీ శరీర ఆరోగ్యానికి పనికి వచ్చే పార్కులో ఒక నడక, లేదా మీ కాలనీలో ఒక సైకిలు తొక్కడం వంటివి కూడా చేయవచ్చు. స్విమ్మింగ్ చాలా మంచి వ్యాయామం. నీరు శరీరానికి బాగా సహకరించి హాని కలిగించకుండా చేస్తుంది. వీటిని మీ రోజువారీ వ్యాయామంలో చేర్చండి.

వివిధ పనులపై వెళ్ళేటపుడు, అక్కడ వున్న లిఫ్టులు ఉపయోగించకుండా మెట్లు ఎక్కండి. మీరు చేరాలనుకున్న ప్రదేశానికి ఒక స్టాప్ ముందుగానే బస్ దిగి నడక సాగించండి. మీరు చేసే ఇంటిపని లేదా గార్డెనింగ్ వంటి వాటిలో ఉత్సాహంగా చురుకుగా చేయండి. స్నేహితులతో కలసి పాడటం, డ్యాన్స్ చేయటం వంటి వెరైటీ వ్యాయామాలు చేయండి.

ఇప్పటికే బరువు అధికం అనుకునేవారు కొల్లెస్టరాల్, రక్తపోటు, డయాబెటీస్, లేదా గుండె జబ్బులు రాకుండా బాడీ మాస్ ఇండెక్స్ సూచనల మేరకు వ్యాయామం, ఆహారం వంటివి ఆచరించాలి. బరువు సరిగ్గానే వుందనుకునేవారు అదే బరువు మెయిన్టెయిన్ చేస్తూ అదనపు బరువు సంతరించుకోకుండా చూడండి. అందుకుగాను ఆరోగ్యకర ఆహారం తింటూ, వ్యాయామాలు చేయాలి. మీ వైద్యులు లేదా పోషకాహార నిపుణులు మీకు సూచించిన సరైన ఆహార ప్రణాళిక, వ్యాయామ ప్రణాళికలను ఆచరించండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.