ఆరోగ్యానికి ప్రధానం నిద్ర!

Wellness

oi-Nageswara

By B N Sharma

Published: Wednesday, March 28, 2012, 10:10 [IST]

రాత్రులందు గాఢ నిద్ర పడితే, జీవితంలో సగం సమస్యలు పరిష్కరించబడినట్లే అనే సామెత వుంది. గాఢ నిద్ర పోతే ఎన్నో ఆరోగ్య ప్రయోజనాలు. ఒత్తిడి మాయం అవుతుంది. మీలో సామర్ధ్యం, ఉత్పాదకత పెరుగుతుంది. నిద్ర సరిగా లేకుంటే అది దీర్ఘ కాలంలో చెడు మానసిక భావనలు, మనోవేదన, ఆందోళన మొదలైనవి కలిగిస్తుంది. నిద్రవలన ప్రయోజనాలు అనేకం. నిద్ర మీ జీవన నాణ్యతకు ఎంతో అవసరం. కనుక తగినంత సమయాన్ని నిద్రకు కేటాయించడం. బాగా నిద్రించటానికి అనువైన పరిస్ధితులు ఏర్పరచుకోవడం చేయాలి.

నిద్ర మీ జ్ఞాపక శక్తిని అభివృధ్ధి చేస్తుంది. పనిపై ఏకాగ్రత సాధించలేకపోతున్నారా? బహుశ మీకు నిద్ర సరిగా లేకపోవచ్చు. నిద్ర మీ బ్రెయిన్ నూతన అనుభవాలను పొందేట్లు చేస్తుంది. కొత్త విషయాలను తెలుపుతుంది. మీ సామర్ధ్యాన్ని మెరుగుపరుస్తుంది.

అంతేకాదు, నిద్ర మీ శరీరాన్ని రిపేరు చేస్తుంది. మీ శరీరం నిద్రలో అదనంగా ప్రొటీన్ మాలిక్యూల్స్ను ఉత్పత్తి చేస్తుంది. వీటితో మీ శరీరం ఇన్ ఫెక్షన్లతో పోరాడి మిమ్మల్ని ఆరోగ్యంగా వుంచుతుంది. నిద్ర బాగా పడితే అది మీలోని రోగ నిరోధక వ్యవస్ధను మెరుగుపరుస్తుంది. ఒత్తిడిని తగ్గించే ఏకైక సహజ సాధనంగా నిద్రను చెప్పవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.