గాఢ నిద్ర పెంచే సంతోషకర ఆలోచనలు!

By B N Sharma

Published: Friday, May 4, 2012, 8:20 [IST]

అలసిన శరీరానికి నిద్ర ఎంతో అవసరం. రాత్రివేళ గాఢ నిద్ర పోతే ఆరోగ్యం అద్భుతంగా వుంటుందని అందరకు తెలిసినదే. అసలు రాత్రివేళ ఎన్ని గంటలు నిద్రించాలి? అంటే కనీసం 6 నుండి 7 గంటలైనా వుండాలి. ఆరు గంటల గాఢ నిద్ర మీ శరీరానికి ఎంతో విశ్రాంతినిస్తుంది. మరుసటి రోజు మీ రోజువారీ చర్యలు ఉత్సాహంగా చేసుకునేలాచేస్తుంది. శారీరకంగానే కాక, మానసికంగా కూడా మిమ్మల్ని ఉత్సాహ పరుస్తుంది. మంచి ఆలోచనలు వచ్చేలా సహకరిస్తుంది. అన్నిటికి మించి మీ ఆలోచనలు పాజిటివ్ గా వుండేలాగా కూడా చేస్తుందని తాజాగా చేసిన ఒక అధ్యయనం చెపుతోంది.

గాఢ నిద్రపై చేసిన ఒక స్టడీలో రీసెర్చర్లు 70 మంది వ్యక్తులను రెండు గ్రూపులుగా విభజించారు. ఒక గ్రూపును రాత్రంతా గాఢంగా నిద్రింపజేసి మరొక గ్రూపును రాత్రంతా మెళకువగా వుండాల్సిందిగా కోరారు. ఈ రెండు గ్రూపుల వ్యక్తులను మరుసటి రోజు కొన్ని పాజిటివ్ చిత్రాలు అంటే కుక్కపిల్లలు, పూవులు వంటి వాటిని, ఫర్నిచర్, మరియు డైనింగ్ ప్లేటులు వంటి వాటిని చూడవలసినదిగా కోరారు.

ఈ రకంగా చూసిన వారి మెమొరీల చిత్రాలను షుమారు పన్నెండు గంటల తర్వాత పరీక్షించారు. నిద్రించిన వారి మైండ్ లోని చిత్రాల జ్ఞాపకాలు ఎంతో బలంగా ముద్రవేసినట్లు నిద్ర లేని వారి మెమొరీ చాలా బలహీనంగా వున్నట్లు కనుగొన్నారు. రీసెర్చి ఫలితాలు, నిద్ర మన మానసిక పాజిటివ్ మెమొరీలను మెరుగు పరుస్తుందని తెలుపుతున్నట్లు రీసెర్చి నిర్వహించిన మస్సాచుటీస్ యూనివర్శిటీ ప్రొఫెసర్ రెబెకా స్పెన్సర్ వెల్లడించారు.

అంతేకాదు ఈ ఫలితాలు, మానసిక వ్యాధులు, ఒత్తిడి తగ్గించే చికిత్సా విధానంలో కూడా సహకరిస్తాయని అధ్యయనకారులు భావిస్తున్నారు. రాత్రి నిద్ర అందరకు ఎంతో అవసరం. ప్రతి ఒక్కరూ రాత్రివేళ కనీసం ఆరు నుండి ఏడు గంటలపాటు తప్పక నిద్రించాలని, దాని ప్రభావం మరుసటిరోజు దైనందిన కార్యక్రమాలపై పడి ప్రతి ఒక్కరూ చేసే పనిపై ప్రభావం చూపుతుందని వీరు వెల్లడి చేసినట్లు ది డెయిలీ మెయిల్ ప్రచురించింది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.

Comments

Story first published: Friday, May 4, 2012, 8:20 [IST]

Latest Updates

Sound Sleep Boosts Happy Thoughts! | ఆలోచనలు పాజిటివ్ గా వుండాలంటే?