ఏమిటి ఈ..... ఎనిమిది గంటల నిద్ర కల్పితమా?

Wellness

oi-Nageswara

By B N Sharma

Published: Wednesday, March 14, 2012, 10:11 [IST]

అర్ధరాత్రి నిద్ర మెళకువ వచ్చేస్తుంది. మళ్ళీ నిద్ర పట్టదు. ఏదో అంశంపై ఆలోచనలు. మరోపక్క ఎనిమిది గంటల నిద్ర లేకుంటే పగటిపూట పని ఖరాబైపోతుందనే ఆందోళన.... అవసరంలేదు. ఆందోళన చెందకండి. తాజా అధ్యయనాలు ఎనిమిదిగంటల నిద్ర అసలు అసహజం అంటున్నాయి. 1990లలో ఒక మానసిక వేత్త తన ప్రయోగాలకుగాను ఒక గ్రూపు వ్యక్తులను ఒక నెలరోజులపాటు రోజుకు 14 గంటలవరకు చీకట్లో నిద్రింపజేశాడట. వీరి ఈ నిద్రా పద్ధతికి కొంత సమయం పట్టినప్పటికి నాలుగో వారంలో వారంతా దానికి అలవాటు పడ్డారు. మొదట వారు 4 గంటలు నిద్రించారు. మరల లేచి ఒకటినుండి రెండు గంటలు గడిపి మరల రెండవసారి 4 గంటలు నిద్రించారు.

సైంటిస్టులు ఈ నిద్రా పద్ధతికి తృప్తి చెంది ఈ రకమైన నిద్ర సరిపోతుందని భావించినప్పటికి మనం మాత్రం ఇంకా వరుసగా 8 గంటల నిద్ర వుండాలని భావిస్తూనే వున్నాం. 2001 లో మరో సైంటిస్టు 16 సంవత్సరాలు నిద్రపై పరిశోధన చేసి మానవులు రెండు సార్లుగా నిద్రిస్తారని వెల్లడించాడు. ఈ రకంగా రెండు మార్లుగా నిద్రించవచ్చనే దానిపై షుమారుగా 500 రుజువులు దొరుకుతున్నాయి. అమ్మాయి తన భర్తను అర్ధరాత్రి అవసరానికి లేపేసినప్పటికి అతను మళ్ళీ హాయిగా రెండోమారు నిద్రించాడనే సంఘటన 1595 సంవత్సరంలోనే రికార్డయిందట. చీకటిపడిన రెండు మూడు గంటలకు నిద్రించటం, మధ్యలో లేవటం రాత్రి పని చేసుకుని మరల రెండోమారు నిద్రించడం వంటివి పురాతనకాలంగా చరిత్రలో ఎన్నో నిదర్శనాలు కనపడుతున్నాయి. ఇలా మధ్యలో నిద్ర లేచినవారు మరింత ఉత్సాహంగా ఆ సమయంలో వుంటున్నారట. టాయ్ లెట్ కు వెళ్ళడం, ఒక సిగరెట్ కాల్చేయడం ఆపై భార్య పని చూడటం, వీలైతే పొరుగువారికి హల్లో అనడం కూడా చేస్తారట. అయితే చాలామంది, బెడ్ వదలకనే చదవటం, వ్రాయటం అపుడపుడూ దేముడిని ప్రార్ధించటం కూడా చేస్తారు.

ఇలా రాత్రి మధ్యలో నిద్ర లేచి దేముడికి ప్రార్ధన చేసి మరల పడుకోవడం అనేది 15వ శతాబ్దం నుండి కూడా జరుగుతున్నట్లు చరిత్ర సాక్షాలున్నాయట. మరి తరచుగా పక్కనపడుకున్న భార్యతో రతి క్రీడలు నిరాటంకంగా సాగించేయటం కూడాను. 16 వ శతాబ్దంలో ఒక డాక్టర్, పిల్లలు పుట్టాలంటే, రాత్రివేళ ఒక సారి నిద్రపోయి లేచి భార్యతో రతి సాగిస్తే త్వరగా పుడతారని వారికి మరింత ఆనందంగా వుంటుందని వైద్య సలహా కూడా ఇచ్చేవాడట. అయితే 17వ శతాబ్దం వచ్చేసరికి ఈ రెండుమార్ల రాత్రి నిద్ర అలవాటు మాయమైంది. ఉత్తర ఐరోపాలోని ధనవంతులు తర్వాతి 200 సంవత్సరాల పాటు ఏకధాటీగా రాత్రులందు నిద్రించేయటం అదే అలవాటును పాశ్చాత్యులకు అప్పగించటం జరగటంతో ఇపుడ మనమంతా ఎనిమిది గంటల నిద్ర కావాలని గాఢంగా నమ్మేస్తున్నాం.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.