బరువు తగ్గాలంటే మెటబాలిజం ఎలా వుండాలి?

By B N Sharma

Published: Wednesday, February 22, 2012, 10:38 [IST]

బరువు తగ్గాలంటే మీ మెటబాలిజం రేటు అధికంగా వుండాలి. అపుడే కేలరీలు బాగా ఖర్చవుతాయి. మరి మీ బరువు తగ్గే ప్రక్రియలో భాగంగా మెటబాలిజం ప్రక్రియ గూర్చి కొన్ని అంశాలు పరిశీలించండి. మెటబాలిజం ప్రక్రియను పూర్తిగా మార్చలేమని గుర్తించండి. అయితే, కేలరీలు తీసుకోవడం, శారీరక శ్రమ అధికం చేయడం ద్వారా దానిని మార్చవచ్చు. మీ కేలరీలు పూర్తిగా తగ్గించడం బరువు తగ్గడానికి సహకరించదు. బరువు తగ్గాలంటే ఆరోగ్యకర ఆహారాలు ఒక పద్ధతిలో తినాలి. చురుకైన రీతిలో మీ జీవన విధానం వుండాలి. అందుకు సహకరించేందుకు ఒక మాదిరి నుండి అధికమైన శారీరక వ్యాయామం చేయాలి. వేగవంతమైన నడక, జాగింగ్ మొదలైనవి మీ డైలీ రొటీన్ లో భాగంగా వుండాలి.

మెటబాలిజం పెంచాలంటే, బరువులెత్తడం, కండలు ఏర్పరచుకోడం మంచి వ్యాయామం. ఆరోగ్యకరంగా బరువు తగ్గాలంటే 6 నుండి 8 గంటల పూర్తి నిద్ర ప్రతిరోజూ అవసరం. నిద్ర అంతకు తగ్గితే, శరీరంలోని బ్లడ్ షుగర్ నియంత్రించబడదు. నిద్రలేక వచ్చే ఒత్తిడి మీ లావుకు తోడవుతుంది. వయసు అధికమయ్యే కొద్ది మీ జీవప్రక్రియ తగ్గుతుంది. ధైరాయిడ్ సరిగా పని చేయకున్నా మీ మెటబాలిజం తగ్గుతుంది. కనుక ధైరాయిడ్ పరీక్షచేయించుకోవాలి.

కేఫైన్ వాడకం మెటబాలిజం పెంచినప్పటికి మీ కేంద్ర నరాల వ్యవస్ధను దెబ్బతీస్తుందని గుర్తించండి. కేలరీలు లెక్కించేకంటే, తీసుకునే కేలరీలు, మీ శారీరక శ్రమల మధ్య సమన్వయం చేకూర్చండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.