శరీర నొప్పులు తగ్గేందుకు మసాజ్!

Wellness

oi-Nageswara

By B N Sharma

Published: Friday, June 8, 2012, 16:01 [IST]

శరీరానికి నొప్పులు రావటం అనేది చాలా దురదృష్టం. నొప్పులనేవి ఆధునికజీవన విధానాల దుష్ప్రభావాలు. చాలామంది ఉద్యోగస్తులు, వ్యాపారస్తులు, డెస్క్ జాబ్ చేసుకునేవారు ఎల్లపుడూ ఏదో ఒక శారీరక నొప్పితో బాధ పడుతూనే వుంటారు. ప్రత్యేకించి వీరికి 30 ఏళ్ళు వచ్చాయంటే ఇక అవి క్రమం తప్పకుండా వస్తూనే వుంటాయి. దీనికి కారణం దీర్ఘ కాల సమయం వారు ఒకే చోట కూర్చొని వుండటం కూడాను. మరి ఈ నొప్పులకు మీరు పెయిన్ కిల్లర్ టాబ్లెట్లు వేసుకోవటం సూచించదగినది కాదు. దానికి ప్రత్యామ్నాయంగా మసాజ్ ఉత్తమం అని చెప్పవచ్చు. మసాజ్ చేస్తే ఎటువంటి శారీరక నొప్పి అయినప్పటికి తగ్గిపోతుంది. అయితే, ఈ మసాజ్ లో ఎన్నో రకాలుంటాయి. త్వరితంగా నొప్పి తగ్గాలంటే, ఏ రకమైన మసాజ్ లు చేయాలి? అనేది పరిశీలిద్దాం

1. ధాయ్ మసాజ్ - ధాయ్ మసాజ్ ఎంతో ఆనందం ఇస్తుంది. బ్యాంకాక్ సందర్శకులకు ఇది ఒక మంచి అనుభవం. ఈ మసాజ్ లో శరీరంలోని ఎనర్జీ అంతా ఒక వరుసకు తెస్తారు. మసాజ్ చేసేవారు తమ చేతి వేళ్ళతో మరియు ఒక నల్లటి సూదంటు రాయితో శరీరంపై వున్న సున్నిత స్ధానాలపై ఒత్తిడి తెస్తారు. మసాజ్ చేయించుకుంటే చాలు మీకు ఎంతో శక్తి వస్తుంది.

2. హాట్ స్టోన్ మసాజ్ - దీనినే కేరళ మసాజ్ అని కూడా అంటారు. ఇది కేరళ రాష్ట్రంలో పుట్టింది. మీ శరీర నొప్పి కనుక గట్టితనం లేదా గట్టి కండరాలు భావిస్తూంటే, ఈ మసాజ్ మీకు మంచిది. వేడి చేసిన, వివిధ సైజుల రాళ్ళతో మీ శరీరంపైగల సున్నిత స్ధానాలను మర్దన చేస్తారు. అపుడు మీకు నొప్పులు తగ్గి హాయి భావన కలుగుతుంది.

3. టిష్యూ మసాజ్ - ఈ మసాజ్ చర్మం పై చేసినప్పటికి చర్మం కింది పొరలవరకు చేరుతుంది. ఈ మసాజ్ లో కలిగే ఒత్తిడి దెబ్బలు తగిలి కోలుకొనే వారికి ఎంతో ప్రయోజనకరంగా వుంటుంది. కనుక వైద్యులు బాధనుండి విముక్తి పొందాలంటే దీనినే సూచిస్తారు.

4. ఆరోమా ధిరపీ మసాజ్ - ఈ ఆరోమా ధిరపీ మసాజ్ లో మీ ఇంద్రియాలను చైతన్యవంతం చేస్తారు. వివిధ రకాల వాసన నూనెలు మరియు సెంట్లు వంటివి మీ కండరాలను సడలించేందుకు రాస్తారు. ఒత్తిడి తగ్గించే భావనలు కలిగేలా చేస్తారు. వివిధ రకాల సుగంధ ద్రవ్యాలను కూడా వారు వాడతారు. ఈ మసాజ్ దేశంలోని అన్ని స్పా ల లోను, మసాజ్ సెంటర్లలోను విరివిగా లభిస్తుంది. అది చేస్తే చాలు కనీసం అయిదు లేదా ఆరు రోజులపాటు మీ శరీర కండరాలు ఎంతో సరళంగా హాయిగా భావిస్తాయి.

5. స్వీడిష్ మసాజ్ - స్వీడిష్ మసాజ్ కూడా సాధారణమైనదే, మొదటి సారి మసాజ్ చేయించుకొనేవారికి ఇది మంచిది. శరీరం అంతా చేస్తారు. చక్కటి సున్నితమైన చేతి ఒత్తిడి కలిగిస్తారు. మెత్తటి దెబ్బలు వేసి బాధనుండి విముక్తి చేస్తారు. సాధారణ శరీర నొప్పులకు బాగా పనిచేస్తుంది. కాని మసాజ్ మెళకువ కలిగిన వారు చేయాలి. చాలా కాలంగా శారీక నొప్పులు వుంటే, మాత్రం దీనికి బదులుగా పైన తెలిపిన నాలుగు మసాజ్ లు బాగా పనిచేస్తాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.