ఆల్కహాల్ తీసుకోవడం వల్ల 15 మేజర్ హెల్త్ ప్రాబ్లెమ్స్ ఇవే....

సిర్రోసిస్ ఆఫ్ లివర్: ఈ వ్యాధి సోకిన వారికి శరీరమంతా నీరు చేరుతుంది. ముఖంలో, కాళ్ళలో వాపు వస్తుంది. కడుపులో నీరు చేరుతుంది. కడుపులో నుంచి నీటిని తీసివేసినప్పటికీ మళ్ళీ చేరుతుంది. ఇది ఒక ప్రాణాంతక వ్యాధిగా మారుతుంది.

హై బ్లడ్ ప్రెజర్: ఆల్కహాల్ తీసుకోవడం వల్ల బ్లడ్ ప్రెజర్ పెరుగుతుంది. బ్లడ్ ప్రెషర్(బిపి) అంటే తెలియని వారు ఉండరు. ఎందుకంటే ప్రస్తుత కాలంలో మారుతున్న జీవిన శెలితో పాటు ఆనారోగ్యాలు కూడా ఎక్కువవుతున్నాయి. అందులోనూ అధికంగా హైబీపీ, లోబీపికి గురిఅవుతున్నట్లు చాలా అధ్యాయాలు పేర్కొన్నాయి. సాధారణంగా ఆరోగ్యవంతుల రక్తపోటు సిస్టోలిక ప్రెషర్‌ 90 నుండి 120 మి.మీ గాను, డయాస్టోలిక బ్లడ్‌ ప్రెషర్‌ 60 నుండి 80 మి.మీగాను నమోదు కావచ్చు.

అధిక పొట్ట-జీర్ణకోశ వ్యాధులు: జీర్ణకోశం వ్యాధులు: ఆల్కహాల్‌లో ఉండే హానికర గుణం వల్ల, అది సంక్రమించే లోప పోషణ వల్ల కాలేయం దెబ్బ తింటుంది. పోషకాహారం దృష్ట్యా తగిన ఆహారం తీసుకుంటు న్నప్పటికీ, మద్యం ఎక్కువగా తాగడం వల్ల కాలేయం దెబ్బ తింటుంది. కొవ్వు పేరుకోవడం వల్ల కాలేయం పెరుగుతుంది. ఉదయం పూట వికారంగా ఉండి వాంతి వస్తున్నట్టు ఉంటుంది. నీళ్ళ విరోచనాలు అవుతాయి. పొత్తి కడుపు కుడి వెైపు పెైభాగాన నొప్పిగా ఉంటుంది. కాలేయం వాపు వస్తుంది. ఇది ముదిరే కొద్ది కామెర్లు వస్తాయి.

గుండె జబ్బులు: బి1 (థెైయమిను) లోపసం వల్ల గుండెలోని కండరాలకు హాని కలగడం చేత గుండె ఆగిపోయే ప్రమాదం ఉంది. గుండె పని చేయుటలో తేడాలు రావచ్చు.

రక్తహీనత: మద్యపానీయాలలో రక్తహీనత ఎక్కువగా ఉంటుంది. తెల్ల కణాల శాతం తగ్గి వ్యాధి నిరోధక శక్తి సన్నగిల్లుతుంది. కాలేయం దెబ్బతిని పేగుల నుండి రక్తం స్రవిస్తుంది. రక్తం గడ్డ కట్టే గుణంలో లోపం ఏర్పడుతుంది.

ఒత్తిడి: తాగుడు వల్ల మెదడు మందగిస్తుంది. నరాలలో శక్తి తగ్గుతుంది. దాంతో ఒత్తిడి పెరుగుతుంది విటమిన్లు, ముఖ్యంగా ‘బి' విటమిన్ల లోపం వల్ల మద్యపానం మెదడుపెై పొరలపెై చూపే చెడు ప్రభావం వల్ల ఇలా అవుతుంది. నడక తిన్నగా ఉండదు. మాట తడబడు తుంది. కళ్ళ కదలికలో లోపం ఉంటుంది. మానసికంగా కృంగిపోతారు. పక్షవాతం వచ్చే అవకాశాలు కూడా ఉన్నాయి. మద్యపానం చేసే వ్యక్తి ఒకసారి ఇలాంటి లోపానికి గురయితే చికిత్స చేయడం కష్టమవుతుంది.

గౌట్ పెయిన్: మోకాళ్ళ నొప్పులు. ఆల్కహాలు కసేవించడం వల్ల శరీరంలోని యూరిక్ ఆమ్లం తగ్గి జాయింట్ పెయిన్స్ కు దారితీస్తుంది.

ప్యాన్‌క్రియాస్‌: కాలేయం మరియు ప్యాన్‌క్రియాస్‌ దెబ్బతినడం. మద్యసేవనంవల్ల కాలేయానికి సంబంధించి సిర్రోసిస్ ఆఫ్ లివర్ అనే వ్యాధి రావచ్చు.

నరాల బలహీనత: మద్యపానంవల్ల మనిషికి ‘స్కెలిటల్ మయోపతి' అనే వ్యాధి వస్తుంది. ఈ వ్యాధి సోకిన వారికి నరాలు క్షీణించి విపరీతమైన బలహీనత కలుగుతుంది. శారీరక శ్రమ చేయలేకపోతారు.

క్యాన్సర్: క్యాన్సర్‌:ఆల్కహాలిసమ్‌ వల్ల జీర్ణావయవాలలో నోరు, గొంతు, కంఠనాళం, కడుపు, శ్వాసావయవాలు, క్యాన్సర్‌ వ్యాధికి గురయ్యే ప్రమాదముంది. కాలేయం క్యాన్సర్‌కు మద్యపానానికి దగ్గరి సంబం ధం ఉంది.

లెైంగిక వాంఛ: పరుషుల్లో మద్యపానం వల్ల లెైంగిక వాంఛ తగ్గిపోతుంది. నపుంసత్వం ఏర్ప డుతుంది. ముఖం మీద వెంట్రుకలు తగ్గి ఆడంగి లక్షణాలు కనిపిస్తాయి. ఇలాంటి సమస్యలున్నపుడు తాగుడు మరింత పెరిగి, వారి పరిస్థితి ఇంకా దిగజారిపోతుంది. తాగుడు పూర్తిగా మానడమే దీనికి విరుగుడు.

నిద్రలోపం: మద్యపానంవల్ల ‘డెలీరియం ట్రెమన్స్'అనే వ్యాధి కూడా రావచ్చు. ఈ వ్యాధివచ్చినవారికి నిద్రలేమి ఉంటుంది. వీరికి విపరీతమైన భయం, దృష్టిలోపం, వినికిడి సమస్య ఎక్కువగా ఉంటాయి. చేతులు వణకడం, చెమట పట్టడం, పిచ్చి పిచ్చిగా మాట్లాడటం, గుండె వేగంగా కొట్టుకోవడం వంటి లక్షణాలు కనిపిస్తాయి.

గర్భిణీ స్త్రీ పై ప్రభావాలు: గర్భవతులు మద్యం తీసుకుంటే పుట్టబోయే పిల్లలకు బుద్ధిమాంద్యం, పెరుగుదల లోపాలు, అంగవైకల్యం రావచ్చు. కొందరిలో ‘‘పీటల్ ఆల్కహాలిక్ సిండ్రోమ్' అనే వ్యాధి వస్తుంది. ఈ వ్యాధి వచ్చిన వారిలో చిన్న తల, చిన్న కళ్ళు, పొట్టి ముక్కు వంటి లక్షణాలు కనిపిస్తాయి. అలాగే మద్యం సేవించే స్ర్తిలలో గర్భస్రావాలు ఎక్కువగా జరుగుతాయి.

థైరాయిడ్ సమస్యలు: మద్యం సేవించేవారిలో థైరాయిడ్ గ్రంధి సక్రమంగా పనిచేయదు. దీనివల్ల శరీరంలో థైరాయిడ్ హార్మోను ఉత్పత్తి తగ్గుతుంది. ఇందువల్ల మనుషుల్లో శారీరక, మానసిక ఎదుగుదల తగ్గుతుంది. తద్వారా నిరుత్సాహం, అలసట కలుగుతాయి.

అందానికి చేటు: మద్యం తాగే వారి స్వరూప స్వభావాలలోనూ చాలా మార్పులు వస్తాయి. బాగా అలిసిపోయినట్లుండటం, ముఖం మీద మచ్చల వంటివి వస్తాయి. మద్యం ఒంట్లో ఉన్న నీటిని బయటకు పంపించేస్తుంది, కొన్ని విటమిన్లు, ఖనిజాలు చర్మానికి అందకుండా అడ్డుకుంటుంది. దీంతో చర్మం పాలిపోయినట్లు, నిర్జీవంగా తయారవుతుంది. చర్మం తేలికగా ఎర్రబారిపోయేలా చేసే 'రొసాసియా' వంటి సమస్యలకూ మద్యంతో సంబంధం ఉన్నట్టు గుర్తించారు.