శరీరంలో అధిక కొలెస్ట్రాల్ చేరడానికి గల టాప్ టెన్ కారణాలు..!?

అనారోగ్యకరమైన ఆహారం: సంతృప్త కొవ్వు వినియోగం అధిక కొలెస్ట్రాల్ కారణం కావచ్చు. సంతృప్త కొవ్వులను అధిక కొలెస్ట్రాల్ మరియు కొవ్వు ఉన్న ఆహారంలో కనుగొనబడింది. అటువంటి ఆహారాలు రెడ్ ఫ్యాటీ మీట్(ఎర్రగా ఉండే కొవ్వు మాంసం), వెన్న, జున్ను, కేకులు, నెయ్యి మొదలైనవి . ఇటువంటి ఆహారాలను సాధ్యమైనంత వరకూ మానుకోడం లేదా పరిమితంగా తీసుకోవడం మంచిది.

వంశానుగత కారణాలు: కుటుంబంలో అధిక కొలెస్ట్రాల్ పెద్దల కాలం నుండి వంశానుగతంగా ఉంటే, అప్పుడు మీరు అధికకొలెస్ట్రాల్ తో బాధపడటానికి ఇది ఒక కారణం కావచ్చు. ఇలా వంశానుగతంగా వచ్చే అధిక కొలెస్ట్రాల్ వల్ల రక్తంలో అడ్డంకులు ఏర్పడి అది స్ట్రోక్ కు దారితీస్తుంది .

అధిక బరువు కలిగి ఉండటం: ఊబకాయం లేదా సాధరణంగానే అధిక బరువును కలిగి ఉన్నట్లైతే అది హై కొలెస్ట్రాల్ కు మరో కారణం అవుతుంది. ఇది కాకుండా, మీ సామాజిక జీవితంలో మార్పులు, అది మరింత అడ్డంకులు కలిగించే ట్రైగ్లిజరైడ్స్ పెంచుతుంది. అందువల్ల, అధిక కొలెస్ట్రాల్ కు ప్రమాదకరమైన అధిక బరువును పారద్రోలి, మీ బరువును క్రమంగా ఉండేలా చూసుకోవాలి.

సోమరితనం: ఎవరైతే రోజు మొత్తం కూర్చొని లేదా రోజులో ఎక్కువగా నిద్రపోయేవారు లేదా బద్దకంగా గడిపే వారు అధిక కొలెస్ట్రాల్ భారీన పడే అవకాశాలు ఉన్నాయి. సంతోషకరమైన చురుకైన జీవనశైలి కలిగి ఉండటం వల్ల లో ట్రైగ్లిజరైడ్స్ పొందడంతో పాటు మీరు సరైన మీ బరువు నిర్వహించడానికి సహాయపడుతుంది.

ధూమపానం: ధూమపానం మీ కొలెస్ట్రాల్ స్థాయిల హెచ్చుతగ్గులలో ముఖ్యమైన పాత్రను పోషిస్తుంది. ఇది మంచి కొలెస్ట్రాల్ తగ్గించేస్తుంది. అలాగే జీవితకాలాన్ని కూడా తగ్గిస్తుంది.అందువలన, మీ కొలెస్ట్రాల్ స్థాయిని నిర్వహించడానికి మరియు ఆరోగ్యకరంగా నివసించడానికి ధూమపానం విడిచిపెట్టండి.

వయస్సు మరియు లింగం మీద ప్రభావం: ఎవరైనా సరై వారి వయస్సు 20 సంవత్సరాలు దాటగానే వారి సాధారణంగానే కొలెస్ట్రాల్ స్థాయి సహజంగా పెరుగడం ప్రారంభమవుతుంది. స్త్రీ -పురుషుల ఇద్దరిలోనూ కొలెస్ట్రాల్ స్థాయి సాధారణంగా 60-65 సంవత్సరాల వయస్సు వరకు పెరుగుతుంది. ఆడవారిలో వారి మోనోపాజ్ దశ ముందు తక్కువ కొలెస్ట్రాల్ స్థాయి కలిగి ఉంటారు. కానీ, మోనోపాజ్ దశ తర్వాత, మహిళలు పురుషుల కంటే కొలెస్ట్రాల్ అధిక స్థాయి కలిగి ఉంటారు. అందువల్ల, మీరు ఒక ఆరోగ్యకరమైన జీవనశైలి మరియు ఆహారం నిర్వహించడానికి ప్రయత్నించండి.

మందులు: కొన్ని మందులు ట్రైగ్లిజరైడ్స్ స్థాయి పెంచుతుంది. అందువలన, ఒక మాత్ర మింగడానికి ముందు, మీ వైద్యుడుని సంప్రదించండి.

మద్యం: క్రమం తప్పకుండా మద్యం సేవించడం వల్ల శరీరంలో అధిక కొలెస్ట్రాల్ స్థాయిలు పెరగడం వల్ల అధిక రక్తపోటు మరియు లివర్ డ్యామేజ్ కు దారితీస్తుంది.

ఒత్తిడి: ఎప్పుడైతే ప్రజలు ఒత్తిడికి గురిఅవుతారు అప్పుడు స్మోకింగ్ చేయడం మరియు ఆల్కహాల్ తీసుకోవడం మరియు ఫ్యాటీ ఫుడ్స్ తినడం వల్ల దీర్ఘకాలం ఒత్తిడి పెరగడంతో శరీరంలో హై కొలెస్ట్రాల్ పెరగడానికి కారణం కావచ్చు.

వ్యాధులు:మధుమేహం మరియు థైరాయిడ్ వంటి కొన్ని వ్యాధులు శరీరంలో కొలెస్ట్రాల్ స్థాయి పెంచడానికి కారణం అవుతాయి.