డెంగ్యూ మహమ్మారిని గుర్తించే 10 లక్షణాలు

తీవ్రమైన తలనొప్పి

డెంగ్యూ లక్షణాల్లో తలనొప్పి ప్రధాన సమస్య. డెంగ్యూ సోకితే.. ఈ తలనొప్పి కొన్ని సందర్బాల్లో మెదడులో రక్తస్రావానికి దారితీయవచ్చు.

జ్వరం

ఉన్నట్టుండి జ్వరం వస్తున్నట్లైతే.. అది డెంగ్యూకి సంకేతమని గుర్తించాలి. ఒక్కసారిగా.. జ్వర తీవ్రత పెరగడం.. కొన్ని సందర్భాల్లో.. టెంపరేచర్ 1020 F స్థాయికి చేరుతుంది. జ్వరం ఈ స్థాయిలో పెరిగితే.. చాలా కష్టం. కాబట్టి హఠాత్తుగా జ్వర తీవ్రత పెరుగుతున్నట్లైతే వెంటనే డాక్టర్ ని సంప్రదించాలి.

కీళ్ల నొప్పులు

డెంగ్యూ లక్షణాల్లో కీళ్ల నొప్పులు కూడా ఒకటి. డెంగ్యూ సోకితే.. కండరాలు, కీళ్ల నొప్పులు తీవ్రంగా బాధిస్తాయి. ఈ నొప్పుల నుంచి ఉపశమనం కోసం పారాసెట్మాల్ వంటి పెయిన్ కిల్లర్స్ ను డాక్టర్లు సూచిస్తుంటారు.

డీ హైడ్రేషన్

సాధారణంగా శరీరంలో నీటి శాతం తగ్గినప్పుడు బాడీ డీహైడ్రేట్ అవుతుంది. హై టెంపరేచర్ ఉన్నప్పుడు ఇలాంటి పరిస్థితి ఎదురవుతుంది. అలాంటప్పుడు డెంగ్యూ రోగులకు.. గ్లూకోజ్ వంటివి అందిస్తారు డాక్టర్లు.

రక్తస్రావం

రక్తస్రావం డెంగ్యూ లక్షణాల్లో ప్రాథమికమైనది. డెంగ్యూ వ్యాధి తీవ్రస్థాయికి చేరుకున్నప్పుడు.. కొన్ని సందర్భాల్లో రక్తస్రావం ఎక్కువైతే.. చనిపోయే అవకాశం ఉంది. కాబట్టి పరిస్థితి ఇక్కడి దాకా రాకముందే జాగ్రత్తలు తీసుకోవడం మంచిది.

ప్లేట్ లెట్స్ తగ్గిపోవడం

డెంగ్యూ వల్ల శరీరంలో ప్లేట్ లెట్లల స్థాయి పడిపోతుంది. డెంగ్యూ లక్షణాల్లో ప్లేట్ లెట్స్ తగ్గిపోవడం చాలా భయంకరమైనది.

లో బీపీ

ప్లేట్ లెట్స్ స్థాయి తగ్గిపోవడం వల్ల.. లో బీపీకి ప్రమాదముంది. దీనివల్ల శరీరం నిస్సత్తువకు లోనవుతుంది. అంతేకాదు.. కనీసం కూర్చోవడానికి, నిలబడటానికి, నడవటానికి కూడా శరీరం సహకరించదు.

నరాల బలహీనత

డెంగ్యూ వ్యాధి లక్షణాల్లో నరాల బలహీనత కూడా ఒకటి. దీని ప్రభావం మెదడుపై చూపించే అవకాశం ఉంది. అది మెదడులో రక్తస్రావానికి కూడా దారితీయవచ్చు.

చర్మంపై దద్దుర్లు

డెంగ్యూ సోకిందనడానికి చర్మంపై దద్దుర్లు ప్రాథమిక ఆధారం. డెంగ్యూ సోకిన వెంటనే దద్దుర్లు కనిపించవు. రెండో రోజు నుంచి ఐదో రోజు లోపు ఇవి కనిపిస్తాయని నిపుణులు చెబుతున్నారు.

వికారం

డెంగ్యూ లక్షణాల్లో ఇది ఒకటి. డెంగ్యూ నివారించడానికి డాక్టర్లు ప్రయత్నిస్తున్నారు. ఇలాంటి లక్షణాలు కనిపించిన వెంటనే డెంగ్యూ అని గుర్తించి డాక్టర్ ని సంప్రదించి సరైన మందులు తీసుకోవడం మంచిది. సమస్య మొదట్లోని గుర్తించి.. తగిన మందులు వాడితే.. డెంగ్యూ వ్యాధి ప్రబలకుండా ఉండేందుకు అవకాశం ఉంటుంది.