మొబైల్ కి అడిక్ట్ అయ్యారా ? అయితే రిస్క్ లో పడ్డట్టే

క్యాన్సర్

మొబైల్ ఫోన్ ఎక్కువగా ఉపయోగించే వాళ్లకు క్యాన్సర్ రిస్క్ పొంచి ఉందని తాజా అధ్యయనాలు చెబుతున్నాయి. మొబైల్స్ లో రేడియో ఫ్రీక్వెన్సీ కారణంగా.. ఆరోగ్యంపై దుష్ర్పభావం చూపుతుంది. అలాగే ఇది బ్రెయిన్ ట్యూమర్ కి కూడా కారణమయ్యే అవకాశముంది.

నిద్ర

నిద్రలేమి సమస్య ఎందుకని ఇప్పటికైనా తెలుసుకున్నారా ? సెల్ ఫోన్లను ఎక్కువగా ఉపయోగించడమే.. నిద్రలేమి సమస్యలకు కారణమని అధ్యయనాలు చెబుతున్నాయి. మొబైల్ ఫోన్ పక్కనే పెట్టుకుని నిద్రపోయే అలవాటు చాలామందికి ఉంది. దీనివల్ల ఇది అనారోగ్య సమస్యలకు కారణమవుతోంది.

యాక్సిడెంట్ రిస్క్

ఎక్కడున్నా.. మొబైల్ మాత్రం చెంతనే ఉండాలన్నది నేటి తరం భావన. కనీసం డ్రైవింగ్ చేసేటప్పుడు సెల్ ఫోన్ ని పక్కనపెట్టరు. చాలామంది డ్రైవింగ్ చేస్తూనే సెల్ ఫోన్ లో మాట్లాడుతూ ఉంటారు. దీనివల్ల.. యాక్సిడెంట్స్ కి కారణమవుతున్నాయి. అలాగే రోడ్ క్రాస్ చేసేటప్పుడు కూడా చాలామంది మొబైల్ ఫోన్ వాడుతూ ఉంటారు. యాక్సిడెంట్స్ పెరగడానికి సెల్ ఫోన్సే ప్రధాన కారణమని.. అధ్యయనాలు చెబుతున్నాయి.

గుండె సమస్యలు

సెల్ ఫోన్ల నుంచి వచ్చే రేడియేషన్ కారణంగా క్రోనిక్ డిసీజ్ లైన గుండె సంబంధిత సమస్యలు తలెత్తుతాయి. కార్డ్ లెస్ ఫోన్స్, సెల్ ఫోన్స్ లోనే ఎక్కువ రేడియేషన్స్ ఉంటాయి. దీనివల్ల గుండె పనితీరు దెబ్బతింటుంది. అలాగే ఎర్ర రక్తకణాల కౌంట్ కూడా తగ్గడానికి కారణమవుతుంది.

ఇన్ఫెర్టిలిటి

సెల్ ఫోన్ల వాడకం ఇన్ఫెర్టిలిటీకి కూడా కారణమవుతోంది. సెల్ ఫోన్ ద్వారా వచ్చే రేడియేషన్ స్పెర్మ్ కౌంట్ తగ్గడానికి కారణమవుతుంది. కాబట్టి సెల్ ఫోన్ ని ఎంత తక్కువగా ఉపయోగించుకుంటే అంత మంచిది.

వినికిడి శక్తి

సెల్ ఫోన్ రేడియేషన్ వినికిడి శక్తి కోల్పోవడానికి కారణమవుతుందని మీకు తెలుసా ? ఎక్కువగా సెల్ ఫోన్ లలో మాట్లాడటం వల్ల వినికిడి శక్తి రానురాను తగ్గిపోతుందట. కాబట్టి.. మొబైల్ ఫోన్ తో కాస్త జాగ్రత్తగా వ్యవహరిచండి.

కంటి సమస్యలు

బుక్ రీడింగ్ ఇష్టపడేవాళ్లు చాలా పెద్ద పొరపాటు చేస్తున్నారు. ఎందుకంటే.. పుస్తకాలకు బదులు.. ఇంటర్నెట్ లో బ్రౌజ్ చేసి.. బుక్స్ చదువుతున్నారు. ఎప్పుడైతే.. చిన్న ఫాంట్ తో ఉన్న స్టోరీలను స్ర్కీన్ పై చూస్తూ చదువుతారో.. అప్పుడు కంటిపై ఒత్తిడి పెరుగుతుంది. అంతేకాదు కళ్లు పొడిబారి, దురదగా అనిపిస్తాయి.

కాబట్టి సెల్ ఫోన్ ని వాడకుండా ఉండలేరు కాబట్టి,.. కాస్త జాగ్రత్తగా, తక్కువగా, అవసరమున్నంత వరకే వాడటం వల్ల ఎలాంటి దుష్ర్పభావం ఉండదు. కానీ.. పదే పదే సెల్ ఫోన్ పై ఆధారపడితే.. చాలా అనర్థాలు జరుగుతాయి.