ఎసిడిటి(అజీర్తి)కి 10 ఇన్ స్టాంట్ ఆయుర్వేదిక్ రెమెడీస్...

1. అజ్వైన్:

ఎసిడిటి, అజీర్తి సమస్యలకు ఇన్ స్టాంట్ రిలీఫ్ కలిగించే గ్రేట్ హోం రెమెడీ..అజ్వైన్ వాటర్ . . ఒక గ్లాసు నీటిలో 1 టీస్పూన్ అజ్వైన్ వేసి బాగా మరిగించాలి. బాగా ఉడికిన తర్వాత, నీటిని వడగట్టి గోరువెచ్చగా తాగాలి.

2. ఆమ్లా:

ఎండిన ఉసిరికాయను తినడం వల్ల ఇన్ స్టాంట్ రిలీఫ్ దొరుకుతుంది. మరియు పొట్ట ఉబ్బరం తగ్గిస్తుంది . ఎండు ఆమ్లా మార్కెట్లో అందుబాటులో ఉంది . లేదా వీటిని ఇంట్లోనే తయారుచేసుకోవచ్చు. చిన్న చిన్న ముక్కలుగా కట్ చేసి ఎండబెట్టుకోవాలి. ఉసిరికాయను ముక్కలుగా కట్ చేసి నీటిలో వేసి ఉడికించి తర్వాత ఉప్పు కలిపి ఎండలో పెట్టి ఎండబెట్టుకోవాలి. ఇలా ఎండబెట్టుకొన్న ఆమ్లా ముక్కలను ఎప్పుడు అవసరం అయితే అప్పుడు తింటుండాలి.

3. లవంగాలు:

లవంగాల్లో జీర్ణక్రియను మెరుగుపరిచే గుణాలు పుష్కలంగా ఉన్నాయి . డైజెస్టివ్ గ్యాస్ ను తగ్గించడంలోసహాయపడుతుంది . దాంతో స్టొమక్ బ్లోటింగ్ తగ్గించుకోవచ్చు . లవంగాలను నేరుగా నమలడం కానీ లేదా రెండు మూడు చుక్కల లవంగాల నూనెను నీటిలో వేసి మిక్స్ చేసి తాగాలి.

4. బ్లాక్ పెప్పర్:

పొట్ట ఉదరంలో బర్నింగ్ సెన్సేషన్ ను నివారించడంలో బ్లాక్ పెప్పర్స్ గ్రేట్ గా సహాయపడుతాయి. అజీర్థి వల్ల కలిగే పొట్టనొప్పి, కడుపు మంటను తగ్గించడం కోసం కొన్ని మిరియాలను పొడి చేసి, మజ్జిగలో మిక్స్ చేసి తాగడం వల్ల ఇన్ స్టాంట్ గా ఉపశమనం కలిగిస్తుంది.

5. అల్లం:

పురాతన కాలం నుండి, జీర్ణ సమస్యలను తగ్గించుకోవడంలో అల్లంను గ్రేట్ రెమెడీగా ఉపయోగిస్తున్నారు. . స్ట్రాంగ్ జింజర్ టీని రెగ్యులర్ గా తాగడం వల్ల లాలాజలం ఉత్పత్తికి సహాయపడుతుంది మరియు గ్యాస్ట్రిక్ సమస్యలను నివారించి జీర్ణక్రియను మెరుగుపరుస్తుంది.

6. తులసి ఆకులు:

ఆహారం తిన్న తర్వాత అసౌకర్యంగా ఫీలవుతుంటే, కొన్ని తులిసి ఆకులను నోట్లో వేసుకొని నమలడం వల్ల జీర్ణ సమస్యలతో పాటు అసిడిక్ రిఫ్లెక్షన్ సమస్యలను తగ్గించుకోవచ్చు.

7. సోంపు:

జీర్ణ సమస్యలను నివారించడంలో సోంపు గ్రేట్ గా సహాయపడుతుంది. భోజనం తర్వాత కొన్ని సోంపుగింజలను నోట్లో వేసుకొని నలమడం వల్ల పొట్టకు సంబంధించిన జీవక్రియలు చురుకుగా జరుగుతాయి. గ్యాస్ ను నివారిస్తుంది మరియు పొట్టను శుభ్రం చేస్తుంది.

8. ఆర్టిచోక్ లీఫ్:

పొట్ట సమస్యలను నివారించడంలో మరో ఎఫెక్టివ్ హెర్బ్ ఆర్టిచోక్ లీఫ్. ఇది అజీర్తి మరియు కడుపుబ్బరం తగ్గించడంలో గ్రేట్ గా సహాయపడుతుంది.

9. చమోమెలీ టీ:

చమోమెలీ టీలో డైజెస్టీవ్ లక్షణాలు పుష్కలంగా ఉన్నాయి. ఎండిన చామంతి పువ్వుతో టీ తయారుచేసి వేడి వేడిగా తాగితే పొట్ట సమస్యలన్నీ తగ్గిస్తుంది . జీర్ణశక్తి పెరుగుతుంది.

10. పసుపు:

మరో సింపుల్ హెర్బల్ రెమెడీ. ఇది ప్రతి ఇంట్లో ఉండే హెర్బల్ మెడిస్ . పెరుగులో కొద్దిగా పసుపు మిక్స్ చేసి తాగాలి. ఇది అజీర్తిని మరియు కడుపుబ్బరాన్ని తగ్గిస్తుంది.