కిడ్నీ ఫెయిల్ అవుతోందని సూచించే డేంజరస్ సిగ్నల్స్..!

యూరిన్

యూరిన్ కలర్ మారడం, కొన్నిసార్లు డార్క్ గా కనిపించడం, అలాగే యూరిన్ కి వెళ్లినప్పుడు ఇబ్బంది ఫేస్ చేయడం, తక్కువగా మోతాదులో యూరిన్ చేయడం లేదా ఎక్కువగా యూరిన్ చేయడం వంటి లక్షణాలన్నీ కిడ్నీ ఫెయిల్యూర్ ని సూచిస్తాయి.

జాయింట్స్ లో వాపు

మోకాళ్లు, కీళ్లు, ముఖంలో వాపు కనిపిస్తోంది అంటే అలర్ట్ అవ్వాలి. కిడ్నీ పనితీరు సరిగా లేనప్పుడు, బలహీనంగా మారినప్పుడు, ఎక్కువ మోతాదులో ఫ్లూయిడ్స్ శరీరం నుంచి బయటకు వెళ్లిపోవడం వల్ల ఇలా జాయింట్స్ లో వాపు వస్తుంది. ఇవన్నీ కిడ్నీ ఫెయిల్యూర్ ని సూచిస్తాయి.

తరచుగా శ్వాస అందకపోవడం

తరచుగా శ్వాస అందకపోవడం వంటి సమస్యలతో బాధపడుతున్నారంటే.. కిడ్నీ ఫెయిల్యూర్ కి సంకేతం. దీనికి ప్రధాన కారణం.. శరీరంలో ఎక్కువ టాక్సిన్స్ పేరుకుపోవడం. దీనివల్ల ఎర్రరక్తకణాలు శరీరంలో తగ్గిపోతాయి. దీనివల్ల శరీరం సరైన ఆక్సిజన్ లెవెల్స్ ని పొందలేకపోతుంది.

మెటాలిక్ టేస్ట్

నోట్లో మెటాలిక్ టేస్ట్ ఉందంటే రక్తంలో వేస్ట్ ఉన్నప్పుడు ఆహారం టేస్ట్ లో మార్పు వస్తుంది. ఇది కూడా చాలా దుర్వాసనకు కారణమవుతుంది. ఆహారంలో హఠాత్తుగా మార్పులు, ఆకలి తగ్గిపోవడం కూడా కిడ్నీ డ్యామేజ్ కి సంకేతం.

మెమరీ లాస్

ఒకవేళ కిడ్నీలు ఫెయిల్ అయితే.. మెదడుకి అందాల్సిన ఆక్సిజన్ తగ్గుతుంది. దీనివల్ల మైకం, మెమరీ కోల్పోవడం, ఏకాగ్రత కుదరకపోవడం, తలనొప్పి వంటి లక్షణాలు కనిపిస్తాయి.

తీవ్రమైన నొప్పి

పక్కటెముకల కింది భాగంలో చాలా తీవ్రమైన నొప్పి వస్తోంది అంటే.. కిడ్నీ స్టోన్ ఉందని సంకేతం. అలాగే యూరినరీ ట్రాక్ ఇన్ఫెక్షన్, నొప్పి కూడా.. కిడ్నీ ఫెయిల్యూర్ ని సూచిస్తాయి.

అలసట

కిడ్నీలు ఆరోగ్యంగా ఉంటే.. అవి శరీరంలో ఎర్రరక్తకణాలను పెంచే హార్మోన్లను ఉత్పత్తి చేస్తాయి. ఇది ఆక్సిజన్ ని పెంచుతాయి. అది శరీరం మొత్తం సరఫరా అవుతుంది. ఒకవేళ రెడ్ బ్లడ్ సెల్స్ కౌంట్ తగ్గితే.. అది అలసటకు, కండరాలు, బ్రెయిన్ ప్రాబ్లమ్ కి కారణమవుతుంది.

కళ్లు

కిడ్నీల ద్వారా ఎక్కువ మోతాదులో ప్రొటీన్స్ యూరిన్ ద్వారా బయటకు వెళ్లినప్పుడు కళ్లు వాపులు వస్తాయి. ఇలాంటి లక్షణం కనిపించగానే డాక్టర్ ని సంప్రదించి బ్లడ్ టెస్ట్ చేయించుకోవడం అలాగే కిడ్నీ టెస్ట్ చేయించుకోవడం చాలా అవసరం.

కండరాలు

ఎలక్ట్రోసైట్ ఇంబ్యాలెన్స్ వల్ల కిడ్నీ ప్రక్రియకు ఆటంకం కలుగుతుంది. ఒకవేళ మీరు రోజంతా కండరాల నొప్పులతో బాధపడుతుంటే.. కిడ్నీలపై దుష్ర్పభావం చూపుతోందని గ్రహించాలి.

చర్మంపై దురద

మీ రక్తంలో మినరల్స్, ప్రొటీన్స్ ని సరైన మోతాదులో కిడ్నీలు బ్యాలెన్స్ చేయలేకపోతే.. చర్మంపై దురద మొదలవుతుంది. దురద ఎక్కువగా ఉన్నప్పుడు క్రీములు, మందులు వాడటం కంటే.. ఒకసారి డాక్టర్ ని సంప్రదించడం మంచిది.