వార్నింగ్: మహిళలు ఏమాత్రం నిర్లక్ష్యం చేయకూడని క్యాన్సర్ లక్షణాలు

బ్రెస్ట్ లో మార్పులు

బ్రెస్ట్ లో వచ్చే మార్పులను మహిళలు ఎప్పటికప్పుడు గమనిస్తూ ఉండాలి. బ్రెస్ట్ లో లంప్ ఏర్పడితే చెక్ చేయించుకోవాలి. అలాగే వాపు, రెడ్ నెస్, నిపుల్ లో మార్పులు, బ్రెస్ట్ ఇతర సమస్యలు.. క్యాన్సర్ ని సూచించే లక్షణాలని గుర్తించాలి.

ఇర్రెగ్యులర్ బ్లీడింగ్

యూరిన్ లో బ్లడ్ రావడం, మలంలో బ్లడ్ కనిపించడం క్లాట్ కాదని తెలుసుకోండి. ఇవి మీ శరీరంలో ఏదో మార్పు జరుగుతోందని గుర్తించండి. ఒకవేళ రక్తస్రావం ఎక్కువైతే.. వెంటనే డాక్టర్ ని సంప్రదించడం చాలా అవసరం.

బ్లోటింగ్

చాలామంది మహిళలు బ్లోట్ అవడాన్ని పీరియడ్ కి సంకేతమని, ఎక్కువగా తినడం వల్ల వచ్చిందని తీసిపారేస్తుంటారు. కానీ.. తరచుగా బ్లోటింగ్ అవడాన్ని మాత్రం నిర్లక్ష్యం చేయకూడదు. అది ఒవేరియన్ క్యాన్సర్ కి సంకేతమని గుర్తించండి. కాబట్టి ఇలాంటి లక్షణాలు కనిపించిన వెంటనే డాక్టర్ ని సంప్రదించి చెక్ చేసుకోవడం మంచిది.

పుండ్లు మానకపోవడం

చర్మంపై పుండ్లు, గాయాలు కావడం.. అవి తగ్గకపోవడం స్కిన్ క్యాన్సర్ కి సంకేతం. నోట్లో చాలా కాలం నుంచి పుండు అయి మానకపోతే.. అది ఓరల్ క్యాన్సర్ కి సంకేతం. ఇలాంటప్పుడు చాలా జాగ్రత్తగా వ్యవహరించాలి. స్మోకింగ్ చేసేవాళ్లు, టొబాకొ నమిలేవాళ్లు, ఆల్కహాల్ తీసుకునేవాళ్లు నోట్లో ఏ చిన్న గాయమైనా.. వెంటనే అప్రమత్తం కావాలి.

వేలి గోళ్లపై గీతలు

చేతివేళ్లు అనేక రకాల వ్యాధుల గురించి వివరిస్తాయి. దాన్ని మొదట్లోనే గుర్తించలేకపోతే.. చాలా ప్రమాదకరంగా మారవచ్చు. గోళ్లపై నల్లగా పొడవాటి గీతలు ఏర్పడితే.. అది చాలా డేంజర్ అని గుర్తించాలి. అయితే ఇది ఎలాంటి నొప్పికి కారణమవదు. కానీ ఇది స్కిన్ క్యాన్సర్ కి సంకేతమని అధ్యయనాలు చెబుతున్నాయి.

అలసట

అలసట చాలా చిన్న సమస్యగా చాలామంది భావిస్తారు. కానీ.. ఇది అనేక రకాల అనారోగ్య సమస్యలను సూచిస్తుంది. తరచుగా అలసిపోవడం, చాలా సమయం రెస్ట్ తీసుకున్నా.. అలసిపోతుండటం వంటి లక్షణాలు కనిపిస్తే.. వెంటనే డాక్టర్ ని సంప్రదించడం మంచిది.

చర్మంలో మార్పులు

సాధారణంగా మనం పుట్టు మచ్చలను శరీరంపై చూస్తుంటారు. మనం పెరిగే కొద్ది వాటి ఆకారం, సైజ్ ఎలా మారిందో అని గమనిస్తూ ఉంటాం. అయితే ఇలాంటి విషయాలు కాకుండా.. మచ్చల దగ్గర మార్పులు కనిపించాయంటే.. కాస్త అలర్ట్ అవ్వాలి. స్కేలింగ్, పీలింగ్, బ్లీడింగ్ స్కిన్, నోట్లో పుండ్లు వంటి లక్షణాలన్నీ క్యాన్సర్ లక్షణాలుగా గుర్తించాలి.