గోళ్లు తెల్లగా, పసుపు రంగులో ఉంటే.. ప్రాణాంతక వ్యాధులకు సంకేతమా?

ఎల్లో నెయిల్స్

మీ గోళ్లు లేత పసుపు రంగులోకి మారితే.. ఏమాత్రం నిర్లక్ష్యం చేయకూడదు. ఇది ఫంగల్ ఇన్ఫెక్షన్ కి మాత్రమే కాదు.. థైరాయిడ్ సమస్య, ఊపిరితిత్తుల వ్యాధులు, డయాబెటిస్ కి సంకేతం.

వైట్ నెయిల్స్

మీ గోళ్లు తెల్లగా మారడం గమనించారంటే.. ముఖ్యంగా గోళ్ల చుట్టూ ఉండే చర్మం కూడా తెల్లగా మారిందంటే.. శరీరంలో ప్రొటీన్ తక్కువగా ఉందని సంకేతం. అలాగే.. కాలేయ వ్యాధులకు సంకేతం.

గోళ్లు చీలిపోవడం

కొన్నిసార్లు గోళ్లు చిట్లిపోవడం, చీలినట్టు కనిపించడం వంటి లక్షణాలు చూస్తుంటాం. ఇలాంటి సంకేతాలు.. థైరాయిడ్ వ్యాధికి సంకేతం. లేదా డయాబెటిస్ మరింత ముదిరిపోయినప్పుడు లేదా బ్లడ్ సర్క్యులేషన్ సజావుగా లేనప్పుడు కనిపిస్తాయి.

గోళ్లపై బ్లూ లేదా బ్లాక్ లైన్స్

గోళ్లపై బ్లాక్ లేదా బ్లూ కలర్ లైన్స్ కనిపిస్తున్నాయంటే.. కాస్త అలర్ట్ అవ్వాల్సిందే. ఇది ఊపిరితిత్తుల సమస్య లేదా మెలనోమా లేదా స్కిన్ క్యాన్సర్ కి సంకేతం. చాలామంది ఇలాంటి సంకేతాలను నిర్లక్ష్యం చేస్తారు.

స్పూన్ షేప్ లో నెయిల్స్

ఒకవేళ మీరు ఐరన్ లోపం లేదా అనీమియాతో బాధపడుతుంటే.. గోళ్లు స్పూన్ రూపంలోకి అంటే పైకి లేచినట్టు మారతాయి. రక్తప్రసరణ చేతులకు సరిగా అందనప్పుడు ఇలాంటి సమస్య వస్తుంది. అలాగే.. థైరాయిడ్ లేదా గుండె సమస్యతో బాధపడుతున్నప్పుడు కూడా.. ఇలాంటి సమస్య కనిపిస్తుంది.

గోళ్లు పైకి ఉబ్బినట్టు

కొన్నిసార్లు గోళ్లు.. పైకి ఉబ్బినట్టు.. ఏర్పడతాయి. ఫింగర్ టిప్స్ చూట్టూ వంకరగా ఏర్పడతాయి. ఇలాంటి సంకేతం.. ప్రాణాంతకమైన లంగ్ డిసీజ్, హార్ట్ ప్రాబ్లమ్, లివర్ డిసీజ్ లు, ఎయిడ్స్ కి హెచ్చరిక.

గోరంతా లైన్స్

గోరంతా.. లైన్స్ మాదిరిగా ఏర్పడి ఉంటాయి. ఇలాంటి లక్షణం జింగ్ లోపంతో బాధపడుతున్నారని సూచిస్తుంది. ఇలాంటి సమస్య జుట్టు రాలడానికి, తీవ్ర కంటి సమస్య, బరువు తగ్గడానికి, మానసిక సమస్యలకు సంకేతం.