హైట్ ని బట్టి మీ హెల్త్ కండిషన్ తెలుసుకోవచ్చా ?

పొట్టిగా ఉండేవాళ్లు

పొట్టి వాళ్లు గట్టివాళ్లు అని వింటూ ఉంటాం. అది నిజమేనేమో. ఎందుకంటే.. పొట్టిగా ఉండే వాళ్లలో క్యాన్సర్, థైరాయిడ్, బ్రెస్ట్, కోలన్ క్యాన్సర్ రిస్క్ తక్కువట. 5'10" ఎత్తు ఉండే ఆడవాళ్లలో 5'2" ఎత్తు ఉన్న ఆడవాళ్ల కంటే 30 నుంచి 40 శాతం క్యాన్సర్ రిస్క్ ఎక్కువగా ఉంటుందని మూడేళ్లపాటు జరిపిన అధ్యయనాల్లో తేలింది.

ఎత్తుగా ఉండేవాళ్లు

ఎత్తుగా ఉండే ఆడవాళ్లలో అవయవాలు పొడవుగా ఉంటాయి. అలాగే ఎక్కువ కణాలుంటాయి. కాబట్టి.. వీళ్లలో క్యాన్సర్ రిస్క్ ఎక్కువని నిపుణులు చెబుతున్నారు. అలాగే హార్మోన్స్, గ్రోత్ ఫ్యాక్టర్స్ క్యాన్సర్ రిస్క్ కి కారణమవుతాయి.

ఎత్తు 5'2"

మీ ఎత్తు 5'2" లేదా అంతకంటే తక్కువ ఉంటే.. మీకు బ్లస్ క్లాట్ రిస్క్ మూడు రెట్లు తక్కువ ఉంటుంది. ఎందుకంటే.. పొడవుగా ఉన్న ఆడవాళ్లలో బ్లడ్ పంప్ అవడానికి చాలా పొడవు సర్క్యులేట్ అవ్వాల్సి ఉంటుంది. దీనివల్ల బ్లడ్ ఫ్లో తగ్గి.. క్లాట్ కి కారణమవుతుంది. హైట్ తగ్గించుకునే ఛాన్స్ ఉండదు కాబట్టి.. బరువు తగ్గితే బ్లడ్ క్లాట్ నివారించవచ్చు. పొడవుగా ఉన్న ఆడవాళ్లు, బరువు హైట్ కి తగ్గట్టు ఉంటే.. బ్లడ్ క్లాట్ రిస్క్ అంతగా ఉండదు.

90 ఏళ్లు హెల్తీగా

పొట్టిగా ఉన్నవాళ్లు 90 ఏళ్ల వరకు హెల్తీగా, స్ట్రాంగ్ గా ఉండే ఛాన్స్ ఉందని.. ఆల్బర్ట్ ఐన్ స్టీన్ కాలేజ్ స్టడీస్ లో తేలింది.

పొడవుగా ఉండేవాళ్లు

5'8" ఎత్తు ఉన్న ఆడవాళ్లు 5'3" ఎత్తు ఉన్న ఆడవాళ్లతో పోల్చితే.. హార్ట్ డిసీజ్ లకు 28 శాతం తక్కువ ఛాన్స్ ఉంటుందని బ్రిటీష్ స్టడీస్ చెబుతున్నాయి.

హార్ట్ డిసీజ్

ఎత్తు రెండున్నర ఇంచులు ఎక్కువ ఉండేకొద్దీ.. వాళ్లలో 14 శాతం హార్ట్ డిసీజ్ రిస్క్ తగ్గుతుందని అధ్యయనాలు చెబుతున్నాయి. అయితే ఎత్తుగా ఉన్నాం.. హార్ట్ రిస్క్ లేదని.. స్మోకింగ్, జంక్ ఫుడ్ తినడానికి ఛాన్స్ లేదు. కాబట్టి కొన్ని జాగ్రత్తలు కూడా అవసరం.

పొట్టిగా ఉంటే

పొట్టగా ఉండేవాళ్లలో కొలెస్ట్రాల్ లెవెల్స్ ఎక్కువగా ఉండే రిస్క్ కూడా పొంచి ఉంది.

మెదడు

5'7" ఎత్తు ఉండే ఆడవాళ్లు 5'1" ఎత్తు ఉన్న ఆడవాళ్లతో పోల్చితే.. డిమెంటియా ( మెదడుకి సంబంధించిన )వ్యాధితో మరణించే ఛాన్స్ 50 శాతం తక్కువగా ఉంటుందని స్టడీస్ చెబుతున్నాయి.

డయాబెటిస్

జర్మన్ స్టడీస్ ప్రకారం.. హైట్ హెల్త్ పై సర్ ప్రైజింగ్ ఇంపాక్ట్ చూపిస్తుందని చెబుతోంది. పొడవుగా ఉండేవాళ్లలో డయాబెటిస్, కార్డియోవాస్కులర్ డిసీజ్ రిస్క్ తక్కువని స్టడీస్ చెబుతున్నాయి. అలాగే పొడవుగా ఉండేవాళ్ల లివర్ లో కూడా ఫ్యాట్ తక్కువగా ఉంటుంది.

సంతోషం

2009 నేషనల్ బ్యూరో ఆఫ్ ఎకనామిక్ రీసెర్చ్ ప్రకారం.. పొడవుగా ఉండే వాళ్లు చాలా పొట్టిగా ఉండేవాళ్ల కంటే చాలా హ్యాపీగా ఉంటారట. వీళ్లలో హ్యాపీనెస్ చాలా ఎక్కువగా ఉంటుందట.