ప్రతిరోజూ దాల్చినచెక్క నీళ్ళు తీసుకోవాలనడానికి గల 6 ప్రధాన కారణాలు !

1. PCOS యొక్క ప్రభావాలను తగ్గించడంలో సహాయపడవచ్చు :

పాలిసిస్టిక్ ఓవరీ సిండ్రోమ్ లేదా పిసిఒఎస్ అనేది హార్మోన్ల రుగ్మతగా ఉంటుంది. అండాశయాల బాహ్యపుటంచులలో చిన్న చిన్న తిత్తులు విస్తరించడం మూలంగా ఈ సమస్య ఏర్పడుతుంది. PCOS అవేర్నెస్ అసోసియేషన్ ప్రకారం, దాల్చిన చెక్కను నానబెట్టిన నీటిలో, తేనెను కలిపి తీసుకోవడం ద్వారా, PCOS ప్రభావాలను తగ్గించడంలో సహాయపడవచ్చు. జర్నల్ ఫెర్టిలిటీ అండ్ స్టెరిలిటీలో ప్రచురించిన ఒక అధ్యయనం ప్రకారం, దాల్చిన చెక్క నీరు PCOS సమస్యతో భాదపడుతున్న మహిళల్లో ఇన్సులిన్ లోపం కూడా క్రమబద్దీకరించబడినట్లు తెలిపింది.

2. రోగనిరోధక శక్తి తత్వాలు పెరుగుతాయి :

ఆశ్చర్యకరంగా, దాల్చిన చెక్కతో కూడిన ఈ ద్రావణం, అనామ్లజనకాలతోపాటు, పాలిఫేనోల్స్ మరియు ప్రొయాంధోసియానిడిన్లలో సమృద్ధిగా ఉంటుంది. ఇవి రోగనిరోధక వ్యవస్థ పెరిగేలా దోహదం చేస్తాయి. దాని యాంటివైరల్, యాంటీ బాక్టీరియల్ మరియు యాంటీ ఫంగల్ లక్షణాలు శ్వాసకోశ రుగ్మతలు, గుండె సమస్యలు, మొదలైన వివిధ ఆరోగ్య సమస్యల అభివృద్ధి అవకాశాలు తగ్గిస్తాయి.

3. ఋతుస్రావం తిమ్మిర్లను వ్యవహరించడంలో సహాయపడుతుంది :

నేషనల్ సెంటర్ ఫర్ బయోటెక్నాలజీ ఇన్ఫర్మేషన్లో జరిపిన ఒక అధ్యయనం ప్రకారం, దాల్చిన చెక్కను తరచుగా ఉపయోగించే మహిళలు తక్కువ ఋతుస్రావం నొప్పిని అనుభవిస్తున్నారని తేలింది. అదికూడా తక్కువ వ్యవధిలోనే ఈ ఫలితాలను చూడడం జరిగింది. ఒక కప్పు గోరు వెచ్చని దాల్చిన చెక్క నీటిని ప్రతి రోజూ తీసుకోవడం మూలంగా ఋతుస్రావం సమయంలో తిమ్మిరి యొక్క ప్రభావాలను తగ్గిస్తుందని చెప్పబడింది.

4. ఊబకాయం తగ్గించడంలో సహాయపడుతుంది :

ఇది పూర్తి స్థాయిలో ఇంకనూ నిరూపించబడలేదు, కానీ తరచుగా దాల్చిన చెక్క నీటిని తీసుకోవడం మూలంగా ఆకలిని తగ్గించడంతో పాటు, ఆహారం మీదకు మనసు వెళ్ళకుండా నిరోధించడాన్ని గమనించడం జరిగింది. క్రమంగా బరువు తగ్గడంలో ఎంతగానో సహాయపడుతుందని చెప్పబడింది.

5. మంట లేదా వాపు సమస్యలను(ఇన్ఫ్లమేషన్) తగ్గించడానికి :

ఉమ్మడి నొప్పి (జాయింట్ పెయిన్స్) లేదా కీళ్ళ నొప్పులతో బాధపడుతున్నవారు ఉపశమనం కోసం దాల్చిన చెక్క నానబెట్టిన నీటిని తీసుకోవలసినదిగా సూచించడం జరుగుతుంది. మితిమీరిన నొప్పిని తగ్గించటానికి సహాయపడే శోథ నిరోధక లక్షణాలకు ప్రసిద్ది చెందిన దాల్చిన చెక్కకు కృతజ్ఞతలు తెలుపుకోవలసిందే. ఇది కీళ్ళనొప్పులు పరిస్థితులను తగ్గించడంలో భాగంగా రక్త ప్రసరణను పెంచడంలో సహాయపడుతుంది.

6. పార్కిన్సన్స్ వ్యాధి యొక్క ప్రభావాలను తగ్గిస్తుంది :

న్యూరోఇమ్యూన్ ఫార్మకాలజీ జర్నల్లో ప్రచురించబడిన ఒక అధ్యయనం ప్రకారం, దాల్చిన చెక్క, పార్కిన్సన్స్ వ్యాధి యొక్క పెరుగుదలను మందగిస్తుంది.

ఏదైనా దీర్ఘకాలిక సమస్యలతో బాధ పడుతున్న వారు, ముఖ్యంగా మధుమేహ వ్యాధిగ్రస్తులు దాల్చిన చెక్క నానబెట్టిన నీటిని స్వీకరించడానికి ముందుగా మీ వైద్యుని సంప్రదించండి. వాస్తవానికి అనేకమంది హెర్బల్-టీ లలో భాగంగా దాల్చిన చెక్క వినియోగాన్ని కూడా కలిగి ఉంటారు. అనుసరించేవారు తప్పక ప్రయోజనాలను పొందగలరు.