Adenovirus Cases: ఆందోళనకరరీతిలో అడెనోవైరస్ కేసులు, పిల్లలతో నిండిపోతున్న దవాఖానాలు

అడెనోవైరస్ లక్షణాలు:

• సాధారణ జలుబు లేదా ఫ్లూ లక్షణాలు
• జ్వరం
• గొంతు మంట
• తీవ్రమైన బ్రోన్కైటిస్, చెస్ట్ కాఫ్
• న్యూమోనియా
• పింక్ ఐ
• తీవ్రమైన గ్యాస్ట్రోఎంటెరిటిస్(అతిసారం, వాంతులు, వికారం, కడుపు నొప్పి, పేగుల వాపు)

అడెనోవైరస్ వల్ల కలిగే తక్కువ సాధారణ లక్షణాలు:

• మూత్రాశయ వాపు
• మూత్రాశయ ఇన్‌ఫెక్షన్
• నాడీ సంబంధిత వ్యాధి(మెదడు మరియు వెన్నుపామును ప్రభావితం చేసే పరిస్థితులు)



అడెనోవైరస్ ఎలా వ్యాపిస్తుంది:

అడెనోవైరస్ లు సాధారణంగా సోకిన వ్యక్తి నుండి ఇతరులకు సోకుతుంది. వారిని తాకడం, షేక్ హ్యాండ్ ఇవ్వడం వంటి చర్యల ద్వారా అడెనోవైరస్ వ్యాపిస్తుంది. దగ్గు, తుమ్ములు, లాలాజలం, గాలి ద్వారా కూడా అడెనోవైరస్ సోకుతుంది.

నోటి లాలాజలం తాకి అదే చేతితో వస్తువులను తాకితే, అదే వస్తువును ఇతరులు తాకినప్పుడు అడెనోవైరస్ వ్యాప్తి చెందుతుంది. అడెనోవైరస్ లు వస్తువుల ఉపరితలాలపై ఎక్కువ కాలం జీవించి ఉంటాయి. ఆలోపు ఎవరైనా ముట్టుకుని అదే చేతిని ముక్కు, నోరు, కళ్లను తాకితే అడెనోవైరస్ శరీరంలోకి ప్రవేశిస్తుంది.



అడెనోవైరస్ ను నివారించడం ఎలాగంటే:

• కనీసం 20 సెకన్ల పాటు చేతులను సబ్బుతో కడుక్కోవాలి.
• చేతులను కడుక్కోకుండా కళ్లు, ముక్కు, నోటిని తాకకూడదు.
• అనారోగ్యంతో ఉన్న వ్యక్తులకు దూరంగా ఉండాలి.
• అడెనోవైరస్ సోకిన వారికి దగ్గరికి వెళ్లకూడదు. వెళ్లాలనుకుంటే మాస్కులు ధరించాలి.
• దగ్గినప్పుడు, తుమ్మినప్పుడు నోటిని, ముక్కును మూసుకోవాలి.
• ఇతరులతో దుస్తులు, వంట పాత్రలు, ఇతర వస్తువులు పంచుకోవద్దు.
• ఇతరులను ముద్దు పెట్టుకోవద్దు.
• వ్యక్తిగత శుభ్రత పాటించాలి.
• కరోనా సమయంలో ఎలాంటి జాగ్రత్తలు పాటించామో ఇప్పుడూ అలాంటి జాగ్రత్తలు పాటించాలి.



అడెనోవైరస్ చికిత్స:

సెంటర్ ఫర్ డిసీజ్ కంట్రోల్ అండ్ ప్రివెన్షన్(CDC) ప్రకారం అడెనోవైరస్ కు ఇప్పటి వరకు సరైన చికిత్స అందుబాటులో లేదు. ఆమోదించబడిన యాంటీ వైరల్ మందులు లేవు. లక్షణాలను తగ్గించడానికే చికిత్స చేస్తూ వస్తున్నారు. వైరస్ వ్యాప్తి చెందకుండా నిరోధించడమే ఉత్తమ మార్గమని వైద్యులు సూచిస్తున్నారు. ఎప్పుడూ సబ్బుతో చేతులు కడుక్కోవాలని, పరిశుభ్రతను పాటించాలని వైద్యులు చెబుతున్నారు.