Running during periods: పీరియడ్స్ నొప్పిని భరించలేకపోతున్నారా? రన్నింగ్ ఇలా చేయండి

ఋతు సంబంధ లక్షణాలు తగ్గుతాయి:

పరుగెత్తడం సహా ఇతర వ్యాయామాల వల్ల ఋతు తిమ్మిరి, ఉబ్బరం, పీరియడ్స్ తో సంబంధం ఉన్న ఇతర లక్షణాలు తగ్గుతాయి. వ్యాయామం రక్త ప్రవాహాన్ని పెంచుతుంది. ఎండార్ఫిన్‌లను విడుదల చేస్తుంది. ఇది నొప్పిని తగ్గిస్తుంది. మానసిక స్థితిని మెరుగుపరుస్తుంది.

శక్తి పెరుగుతుంది:

చాలా మంది మహిళలు తమ పీరియడ్స్ సమయంలో అలసటగా ఉంటారు, నీరసంగా అయిపోతారు. అయితే వ్యాయామం చేయడం వల్ల ఈ పరిస్థితి తలెత్తదని పరిశోధనలు చెబుతున్నాయి. రన్నింగ్ చేయడం వల్ల అడ్రినలిన్, ఎండార్ఫిన్ లు విడుదల అవుతాయి. ఇవి శక్తిని పెంచుతాయి. అలాగే ఏకాగ్రతను మెరుగుపరుస్తాయి.

మెరుగైన నిద్ర:

మెరుగైన నిద్ర పోవడానికి వ్యాయామం ఉత్తమ మార్గం. రన్నింగ్ చేయడం వల్ల శరీరం అలిసిపోతుంది. దీని వల్ల త్వరగా నిద్ర పడుతుంది. అలాగే ఎక్కువసేపు నిద్రపోవడానికి సహాయపడుతుంది. మంచి ఆరోగ్యానికి కంటి నిండా పోవడం చాలా అవసరం.

ఎముకలు బలపడతాయి:

స్త్రీలకు బోలు ఎముకల వ్యాధి వచ్చే ప్రమాదం ఎక్కువ. ఈ వ్యాధి ఎముకలను బలహీనపరుస్తుది. పగుళ్లు వచ్చే ప్రమాదాన్ని పెంచుతుంది. ఋతు విరతి సమయంలో, ఆ తర్వాత ఈ ప్రమాదం పెరుగుతుంది. రన్నింగ్, ఇతర బరువు మోసం వ్యాయామాలు ఎముకలను బలోపేతం చేయడానికి, బోలు ఎముకల వ్యాధి ప్రమాదాన్ని తగ్గించడానికి సహాయపడతాయి.

మెరుగైన మానసిక ఆరోగ్యం:

మెరుగైన మానసిక ఆరోగ్యంతో వ్యాయామం ముడిపడి ఉంటుంది. రన్నింగ్ చేయడం వల్ల ఒత్తిడి, ఆందోళన తగ్గుతుంది. మానసిక స్థితిని మెరుగుపరుస్తుంది. దీని వల్ల మొత్తం ఆరోగ్యం మెరుగుపడుతుంది.

పరుగు లేదా ఇతర వ్యాయామాలు చేయడం మీకు అలవాటు లేకపోతే ఎక్సర్‌సైజ్‌లను నెమ్మదిగా ప్రారంభించాలి. క్రమంగా తీవ్రత పెంచుతూ పోవాలి. శరీరం ఏం చెబుతోంది అర్థం చేసుకోవాలి. వ్యాయామాల మధ్య విరామం ఇస్తుండాలి. వారానికి 5, 6 రోజుల కంటే ఎక్కువ వ్యాయామం చేయకూడదు. మిగతా రోజుల్లో విశ్రాంతి తీసుకోవాలి. దీని వల్ల కండరాలు రిపేర్ అవడానికి సమయం దొరుకుతుంది.

పీరియడ్స్ సమయంలో రన్నింగ్ చేయడం వల్ల శారీరక, మానసిక ఆరోగ్యానికి అనేక ప్రయోజనాలు ఉన్నాయి. రన్నింగ్ చేయడం వల్ల ఋతుక్రమం లక్షణాలు తగ్గుతాయి, ఓపిక ఉంటుంది, మంచి నిద్ర పడుతుంది, ఎముకలు బలంగా తయారవుతాయి, మానసిక ఆరోగ్యం మెరుగుపడుతుంది.