వయాగ్రా ఆడవాళ్లు వాడొచ్చా? వేసుకుంటే లాభాలేంటి, నష్టాలేంటి?

మహిళలు వయాగ్రా తీసుకోవచ్చా?:

వయాగ్రా కేవలం పురుషుల కోసమే తయారు చేయబడింది. వారు వాడటానికి మాత్రమే ఆమోదించబడింది. అయితే కొంత మంది డాక్టర్లు మహిళలు కూడా వయాగ్రా వాడొచ్చని ఆఫ్-లేబుల్ సూచిస్తుంటారు. అన్ని ఔషధాల్లాగే వయాగ్రా వాడటం వల్ల కూడా దుష్ప్రభావాలు ఉంటాయి. ఇతర మందులతో కూడా సంకర్షణ చెందుతుంది. అందుకే వయాగ్రా వాడే ముందు వైద్యుల సలహా తీసుకోవాలని సూచిస్తారు.

వయాగ్రా అనేది ఫాస్ఫోడీస్టేరేస్ 5 (PDE5) నిరోధకం. ఇది రక్త ప్రవాహాన్ని ప్రభావితం చేసే ఎంజైమ్.

వయాగ్రా ప్రయోజనాలు:

మగవారిలో వయాగ్రా రక్తనాళాలను విడదీసి పురుషాంగానికి రక్త ప్రసరణను పెంచుతుంది. వయాగ్రా తీసుకునే స్త్రీల జననాంగాలకు రక్త ప్రసరణ కూడా పెంచవచ్చు. అది సున్నితత్వం, ఉద్రేకం, ఉద్వేగం పనితీరు పెంచడంలో సహాయపడవచ్చు. మహిళల్లో వయాగ్రా ప్రభావంపై అధ్యయనాలు మిశ్రమ ఫలితాలను కలిగి ఉన్నాయి. అయితే తక్కువ లిబిడో ఉన్న మహిళలకు ఇది ప్రయోజనకరంగా ఉండకపోవచ్చు.

మహిళల్లో వయాగ్రా తీసుకోవడం వల్ల సైడ్ ఎఫెక్ట్స్:

వయాగ్రా పురుషుల్లో రక్త నాళాలను విస్తరించడానికి, పురుషాంగానికి రక్త ప్రసరణను పెంచడానికి ఉపయోగిస్తారు. అదే విధంగా స్త్రీ విషయంలోనూ వయాగ్రా జననేంద్రియాలకు రక్త ప్రవాహాన్ని పెంచుతుందని నిపుణులు వివరిస్తున్నారు. ఇది లైంగిక పనితీరు, సున్నితత్వాన్ని పెంచడానికి సహాయపడుతుంది.

వయాగ్రా వాడటం వల్ల దుష్ప్రభావాలు కూడా ఉన్నాయి. అవేంటంటే..

• తలనొప్పి
• రక్తపోటు తగ్గడం
• తల తిరగడం
• కళ్ల ముందు ఫ్లాషెస్
• ముక్కు దిబ్బడ
• అజీర్ణం
• గుండెలో దడ దడ



మహిళలు ఎంత మోతాదులో వయాగ్రా తీసుకోవచ్చు:

వయాగ్రా 25మి.గ్రా., 50మి.గ్రా., 100మి.గ్రా. మోతాదులో లభిస్తుంది. సాధారణంగా పురుషులను అత్యల్ప మోతాదులో ప్రారంభించమని సలహా ఇస్తారు. అది పని చేయకపోతే మాత్రమే డోసు పెంచాలని వైద్యులు సూచిస్తుంటారు. లైంగిక చర్యకు 30 నిమిషాల నుండి 4 గంటల ముందు వయాగ్రా తీసుకోవాలి. అలాగే పురుషులు రోజుకు 100 మిల్లీగ్రాముల కంటే ఎక్కువ తీసుకోకూడదు.

వయాగ్రా పురుషుల కోసమే తయారు చేయబడింది. కాబట్టి ప్రొడక్ట్ లేబుల్ పై స్త్రీలు ఎంత మోతాదులో తీసుకోవచ్చన్న సమాచారం ఉండదు. కాబట్టి మహిళలు కూడా అత్యల్ప మోతాదు నుండి ప్రారంభించడం ఉత్తమం.

పురుషులైనా, మహిళలైనా డాక్టర్ సూచించిన మోతాదులోనే వయాగ్రా తీసుకోవడం మాత్రం మర్చిపోవద్దు.

Reference:https://www.healthline.com/health/i-am-a-woman-and-i-took-viagra