Lassa fever:లస్సా ఫీవర్ లక్షణాలేంటి? ఈ వైరస్ ప్రమాదకరమా? ఇది రాకుండా తీసుకోవాల్సిన జాగ్రత్తలేంటి?

లస్సా జ్వరం అంటే ఏమిటి?

సెంటర్స్ ఫర్ డిసీజ్ కంట్రోల్ అండ్ పొల్యూషన్(CDC) ప్రకారం, లస్సా ఫీవర్ కారక వైరస్ పశ్చిమ ఆఫ్రికాలో 1969 సంవత్సరంలో నైజీరియాలోని లస్సాలో తొలిసారిగా కనుగొనబడింది. ఇది ఎలుకల ద్వారా వ్యాపిస్తుంది. ప్రధానంగా పశ్చిమ ఆఫ్రికాలోని సియెర్రా, లైబీరియా, లియోన్, గినియా మరియు నైజీరియా వంటి దేశాలలో ఇది ఎక్కువగా ఉంటుంది. ఎలుక మూత్రం లేదా మలంతో కలుషితమైన ఆహార పదార్థాలతో సంబంధం కలిగి ఉన్న ఈ వ్యాధి బారిన పడొచ్చు. అనారోగ్యంతో బాధపడుతున్న వ్యక్తి యొక్క శరీర ద్రవాలతో లేదా కళ్లు, ముక్కు లేదా నోటి ద్వారా ఇది వ్యాప్తి చెందుతుంది. కొన్ని అరుదైన సందర్భాల్లో సంపర్కం వేళ కూడా ఈ వ్యాధి సోకుతుంది. సోమవారం రోజున నైజీరియా మీడియా ఆ దేశంలో తాజాగా 48 మంది ఈ వైరస్ బారిన పడి ప్రాణాలు కోల్పోయినట్లు నివేదించింది. వీరిలో 20 ఏళ్లలోపు ప్రధానంగా ప్రభావితమైన వయస్సు గలవారు ఎక్కువగా ఉన్నారట.

లస్సా ఫీవర్ లక్షణాలు..

లస్సా ఫీవర్ సోకిన వారిలో తేలికపాటి లక్షణాలలో జ్వరం, అలసట, బలహీనత మరియు తలనొప్పి వంటివి కనిపిస్తాయి. ఈ వ్యాధి తీవ్రంగా ఉంటే మాత్రం రక్తస్రావం, శ్వాస తీసుకోవడంలో ఇబ్బంది, వాంతులు, ముఖం వాపు, ఛాతీ, వీపు మరియు కడుపులోకి నొప్పి ఉంటాయి. ఈ లక్షణాలన్నీ 1-3 వారాల తర్వాత సాధారణంగా మారిపోతాయి. ఇక సిడిసి(CDC) ప్రకారం, జ్వరంతో సంబంధం ఉన్న వారికి వినికిడి సమస్యలు కూడా రావొచ్చు.

ఇది ప్రమాదకరమైనదా?

ఈ వ్యాధి సోకిన వారిలో చాలా మంది కోలుకుంటున్నారని నివేదికలు చెబుతున్నాయి. అయితే కొన్నిసార్లు ఇది తీవ్రమైన అనారోగ్యంగా సంభవించొచ్చు. WHO(వరల్డ్ హెల్త్ ఆర్గనైజేషన్) ఈ వ్యాధి సోకిన వారి మరణాల రేటును 1% శాతంగా పేర్కొంది. అయితే తీవ్రమైన కేసులతో ఆసుప్రతిలో చేరిన రోగులలో గమనించిన రేటు మాత్రం 15%గా ఉంది.

హెల్త్ సెక్యూరిటీ ఏజెన్సీ(UKHSA) ప్రకారం, ఈ వ్యాధి వల్ల ప్రమాదం చాలా తక్కువే. ‘ఈ వ్యాధి సంక్రమణ నిర్ధారణకు ముందు కేసులతో సన్నిహిత సంబంధాలు కలిగి ఉన్న వ్యక్తులను పరిశీలిస్తున్నామని, వారికి మద్దతు మరియు సలహాలు అందిస్తున్నట్లు' ఆ సంస్థ ప్రతినిధులు తెలిపారు.

ఎలా నిరోధించాలి?

* ఈ వ్యాధి బారిన పడకుండా ఉండేందుకు ఉత్తమ మార్గం ఎలుకలతో సంబంధాన్ని నివారించండం.

* ముఖ్యంగా ఈ వ్యాధి చెందుతున్న దేశాల్లో, ఎలుకలు ఎక్కువగా ఉండే ప్రదేశాల్లో సంబంధాన్ని నివారించడం.

* ఎలుకలు ఇంట్లోకి ప్రవేశించకుండా నిరోధించడానికి అన్ని ప్రాంతాలను పరిశుభ్రంగా ఉంచుకోవాలి.

* ఎలుకల కోసం ప్రత్యేక బోన్లలో ఆహారం ఉంచడం..

* ఎలుకలను బోనులో ఇరుక్కునేలా ప్రణాళికలు సిద్ధం చేసుకోవడం వంటివి చేయాలని CDC సలహా ఇస్తోంది.