New Covid-19 variant in South Africa:దక్షిణాఫ్రికాలో దడ పుట్టిస్తున్న కోవిద్..కొత్తవేరియంట్ లక్షణాలు ప్రమాదమా?

రోగ నిరోధక శక్తి మార్పు..

దక్షిణాఫ్రికాలో కనిపించిన కోవిద్ కొత్త వేరియంట్ ‘బి.1.1.529' రకం మనుషుల శరీరంలోని రోగ నిరోధక శక్తిలో మార్పు వచ్చేలా చేస్తుందని, ఇది చాలా వేగంగా వ్యాపిస్తుందని శాస్త్రవేత్తలు వివరించారు. ఇప్పటికే దక్షిణాఫ్రికా, బోట్స్ వనాల్లో ఈ రకానికి చెందిన 100 కేసులను గుర్తించినట్లు చెప్పారు. ఇది ఎంతటి ప్రమాదకరం, దీని కారణంగా ఎదురయ్యే పరిణామాలు ఎలా ఉంటాయనే దాన్ని అంచనా వేసేందుకు వరల్డ్ హెల్త్ ఆర్గనైజేషన్(WHO)నిపుణులు సమావేశమయ్యారు.

ఎంత ప్రమాదమంటే..

రోగ నిరోధక శక్తి తక్కువగా ఉండే వారిలో, హెచ్ఐవి/ఎయిడ్స్ సోకిన వారు, చికిత్స తీసుకోని వారి బాడీలో ఈ కొత్త రకం వేరియంట్లు వేగంగా వ్యాప్తి చెందుతాయని భావిస్తున్నట్లు నిపుణులు చెబుతున్నారు. అయితే ఇది ఎంత వేగంగా వ్యాప్తి చెందుతుంది.. ఇది ఎంత ప్రమాదకరమనే విషయాన్ని ప్రస్తుతం తాము చెప్పలేమని సౌతాఫ్రికా జాతీయ అంటువ్యాధుల కేంద్రం ఒక ప్రకటనలో వివరించింది.

పరిశీలన చేస్తూ..

ఈ కోవిద్ కొత్త రకం వేరియంట్ ను తమ శాస్త్రవేత్తలు నిశితంగా పరిశీలిస్తున్నారని.. దీని పరిణామాక్రమాన్ని పగలు, రాత్రి అనే తేడా లేకుండా గమనిస్తున్నారని వివరించింది. మరోవైపు ఇలాంటి కేసులు హాంగ్ కాంగ్ లోనూ ఈ వేరియంట్ కేసులు బయటపడ్డాయి.

కోవిద్ -19 కొత్త వేరియంట్ లక్షణాలు..

* దక్షిణాఫ్రికాలో బయటపడ్డ కొత్త రకం వేరియంట్లో ఏకంగా 32 మ్యూటేషన్లు ఉన్నట్లు తేలింది

* కె417ఎన్-కరోనాను ఎదుర్కొనే యాంటీబాడీలను మార్చేస్తుంది

* ఈ448ఎ-యాంటీ బాడీలకు దొరకదు

*ఎన్440కే-యాంటీ బాడీలను బోల్తా కొట్టించగలదు

*ఎన్501వై.. వైరస్ వ్యాప్తిని వేగవంతం చేస్తుంది

*ఈ వైరస్ కొమ్ముల్లో మరే దాంట్లోనూ లేనన్ని మ్యూటేషన్లు ఉన్నాయి.

* ప్రస్తుత వ్యాక్సిన్ల ద్వారా ఉత్పత్తయ్యే యాంటీ బాడీలు ఇప్పటివరకు ఉన్న వేరియంట్లను మాత్రమే గుర్తించగలవు.

* అందుకే ఇది తేలిగ్గా యాంటీబాడీలు కల్పించే రక్షణను తప్పించుకుని బాడీలో వ్యాప్తి చెందగలదు.

వీరితో జాగ్రత్త..

కోవిద్ కొత్త వేరియంట్ దక్షిణాఫ్రికాలో బయటపడటంతో అందరూ అప్రమత్తంగా ఉండాలని శాస్త్రవేత్తలు చెబుతున్నారు. ముఖ్యంగా దక్షిణాఫ్రికా, బోట్స్వానా, హాంగ్ కాంగ్ దేశాల నుండి వచ్చే ప్రయాణికులతో వీలైనంత దూరంగా ఉండాలని.. వారికి కచ్చితంగా టెస్టులు చేయాలని.. ముఖ్యంగా భారతదేశం అప్రమత్తంగా ఉండాలని సూచించారు.