పెట్స్ పెంపకంలో అవగాహణా లోపం...

Published: Tuesday, March 20, 2012, 15:15 [IST]

విశ్వాసానికి మరో పేరుగా నిలిచే కుక్కల పెంపకంపై ప్రజల ఆసక్తి పెరిగింది. వృద్దులు , జీవితంలో ఒంటరి వారు జీవితంలో ఓ తోడుగా శునకాలను పెంచుతుండగా మరి కొందరు శునకాల పెంపకాన్ని ఇంటి రక్షణకే కాకుండా అరుదైన జాతి శునకాన్ని పెంచడం గౌరవంగా భావిస్తున్నారు. అన్ని తరగతుల వారు వీటి కొనుగోలు , పెంపకానికి వెనుకాడడం లేదు. వాటికైయే ఖర్చుకు వెనుకాడటం లేదు. ఏదైనా అనారోగ్యం కలిగితే ఎంతో హైరానా పడిపోతున్నారు. శునక పెంపకానికి అలవాటు పడ్డ ప్రజలు అవి లేకుండా జీవించటమే కష్టతరంగా భావిస్తుంటారు.

రకరకాల జాతి కుక్కపిల్లలను పెంచుకోవడానికి పట్టణ ప్రజలే కాకుండా, పల్లె ప్రజలు సైతం ఆసక్తిని కనబరుస్తున్నారు. ఇంటిల్లిపాది వారి శ్రేయస్సును కుక్క కోరుకుంటుందనేది అందరికీ తెలిసి విషయమే. అయితే కుక్కలను పెంచుకోవడంలో సరైన అవగాహాన ఉండటం లేదు. శునకాల పెంపకంలో ప్రత్యేక శ్రద్ధ, ఆహారం, ఆరోగ్య పరిరక్షణపై అవగాహన కొందరిలో సైతం ఉండటంలేదు. దీంతో కుక్కలు పెంచుతున్నామని ఆనందమే తప్ప, వాటి పరిరక్షణలో విఫలమవుతున్నారు.

కుక్క పిల్ల పుట్టినప్పటి నుంచి మూడో నెల వరకు రోజుకు కనీసం ఆరు సార్లయినా పాలు పట్టించాలి. మూడు నెలలు దాటితే ఉదయం పాలు, మద్యాహ్నం పప్పు, నెయ్యితో అన్నం, సాయంత్రం పెరుగు అన్నం పెట్టాలి. ముఖ్యంగా వాటికి పెట్టే ఆహారంలో న్యూట్రిషియన్స్, విటమిన్స్, ప్రోటీన్స్, మినరల్స్, మరియు కాలరీస్ ఉండేలా చూసుకోవాలి.

డాబర్‌ మాన్‌, అల్‌ సేషన్‌ తదితర జాతులు రాత్రి వేళలో కాపలా ఉండాలి కనుక రాత్రి సమయాలలో భోజనం పెట్టకూడదు. వారానికి మూడు సార్లు మాంసాహారంతో కూడిన భోజనం పెట్టాలి. పెద్ద కుక్కలకు 200 గ్రాముల మాంసం, చిన్న కుక్కలకు 100 గ్రాములు ఇవ్వాలి. ప్రతి రోజు ఉడకపెట్టిన గుడ్డు ఇవ్వాలి.

పుట్టిన దగ్గర నుంచి కుక్క పిల్లలకు ఒక్క సారైనా ఏలిక పాములు, పరాన్న జీవుల నివారణకు మందులు వాడాలి. ఆరు నెలలకు మందు మార్పిడి చేయాలి. అలా చేస్తే కుక్కలు ఆరోగ్యంగా ఉంటాయి. శునకాలు ఎన్నో రకాల వ్యాదులకు గురవుతూ ఉంటాయి. టీకాలు సక్రమంగా వేయించాలి. ఏదైనా సమస్య వస్తే వెంటనే పశువైధ్యాధికారిని సంప్రదించాలి.

వేసవిలో వాటికి ప్రత్యేకమైనటు వంటి చల్లగా ఉండే విధంగా కేజ్ లను ఏర్పాటు చేయాలి. వేసవిలో వాటి ఎక్కువగా బయట తిప్పకుండా చూడటమే మంచిది. వేసవిలో ఇంట్లో పెంచుకునే కుక్క జీవన విధానంలో ఏదైన మార్పు కనిపించిన వెంటనే వెటర్నరీ డాక్టర్ ను సంప్రదించాలి. వేసవిలో కుక్క ఎక్కువ మంచినీటిని తాగివిధంగా చూసుకోవాలి.