International Yoga Day 2022 : బాబా రాందేవ్ కన్నా ముందున్న ప్రముఖ యోగా గురువులు వీరే...

తిరుమలై క్రిష్ణమాచార్య..

ఈయనను ‘ఆధునిక యోగా పితామహుడు'అని కూడా పిలుస్తారు. ఈయన విన్యాసాల యొక్క వాస్తు శిల్పిగా ప్రసిద్ధి చెందాడు. ఈ గురువుకు యోగాతో పాటు ఆయుర్వేద శాస్త్రంలోనూ మంచి పరిజ్ణానం ఉంది. ఈయన గుండె కదలికలపై ఎలా నియంత్రణ కలిగి ఉండాలో.. హార్ట్ బీట్ ను కంట్రోల్ చేసే కళలో ప్రావీణ్యం సాధించాడని చాలా మంది నమ్ముతారు.

స్వామి శివానంద..

ఈ గురువు వృత్తి రీత్యా వైద్యుడు మరియు సాధువు. ఈయన అందరినీ సులభంగా నవ్వించగలడు. ఈయన ఒక యోగికి ఉండాల్సిన 18 లక్షణాలను వివరించే పాటను సైతం రాశాడు. అందులో హాస్యానికి ఎక్కువ ప్రాధాన్యత ఇచ్చాడు. అందుకే ఈయన హాస్యం విషయంలో బాగా ప్రసిద్ధి చెందాడు. ఈ గురువు యోగా యొక్క సమ్మేళనం అయిన ట్రినిటీ యోగా నేర్పించారు.

బికెఎస్ అయ్యంగార్..

తిరుమలై క్రిష్ణమాచార్య ప్రారంభ విద్యార్థులలో ఈయన ఒకరు. విదేశాలలో యోగా ప్రాచుర్యం పొందడం వెనుక ఈయన చేసిన క్రుషి విశేషమైనది. బాల్యం నుండి ఈయన అనేక వ్యాధులతో పోరాడాడు. అప్పుడు తను చాలా బలహీనంగా ఉండేవాడు. ఆ సమయంలో యోగాను చేయడం ప్రారంభించాడు. అదే సమయంలో పతంజలి యొక్క యోగా సూత్రాలను పునర్వించించాడు. చివరికి ఈయన ‘అయ్యంగార్ యోగా'ను ప్రపంచానికి బహుమతిగా ఇచ్చాడు. ఈయన 95 సంవత్సరాల వయసులో తుది శ్వాస విడిచాడు. అయితే అంత వయసులోనూ ఆయన విరామం లేకుండా అరగంట సేపు శీర్షాసనం చేయగలిగాడు.

కె పట్టాభి జోయిస్..

ఈ యోగా గురువు అష్టాంగ విన్యాస యోగా లేదా అష్టాంగ యోగాను పరిచయం చేశారు. దీన్ని యోగా కొరుంట అనే పురాతన గ్రంథం ఆధారంగా రూపొందించారు. ఈ యోగా బాలీవుడ్ మరియు హాలీవుడ్, టాలీవుడ్ తో సహా చాలా మంది ప్రముఖలను బాగా ఆకర్షించింది. అంతేకాదు చాలా మంది సెలబ్రెటీలు మంచి ఫిట్ నెస్ సాధించడానికి సహాయపడింది. ఉదాహరణకు కరీనా కపూర్, మడోన్నా, గ్వినేత్ పాల్ట్రో, అనుష్క వంటి వారు మంచి బాడీ షేప్ పొందారు.

మహర్షి మహేష్ యోగి..

ఈయన ఒక ప్రముఖ అమెరికన్ బ్యాండ్ బీటిల్స్ ను ఆకర్షించి పారదర్శక ధ్యాన పద్ధతిలో పరిపూర్ణత సాధించాడు. ఈ గురువు మంత్ర ధ్యానం యొక్క రూపం మరియు కళ్లు మూసుకుని ఎలా సాధన చేయడంలో నేర్పించాడు.

పరమహంస యోగానంద..

ఈ గురువు పాశ్చాత్య దేశాలలో పాశ్చాత్య క్రియా యోగా యొక్క సాంకేతికతను పరిచయం చేశాడు. ఈయన యోగా రూపం క్రియా అని పిలువబడే ఒక నిర్దిష్ట చర్య ద్వారా అనంతంతో ఏకం కావడానికి ఉద్ఘాటిస్తుందని వివరించారు.

బాబా రాందేవ్..

ఇక బాబా రాందేవ్ విషయానికొస్తే.. ఈయన కాలంలో యోగా బాగా ప్రాచుర్యంలోకి వచ్చింది. ఈయన మన దేశంలో సామూహిక యోగా శిబిరాలు నిర్వహిస్తూ అందరిలో అవగాహన పెంచే ప్రయత్నం చేశారు. ముఖ్యంగా ప్రత్యక్ష ప్రసారాలు మరియు ప్రతి ఒక్కరూ ఇంట్లో టివి చూస్తూ సులభంగా యోగా సాధన చేయమని ప్రజలను ప్రోత్సహించారు.