మసాజ్ తో మెరుగైన నిద్ర...!

Baby

oi-Nageswara

By B N Sharma

Published: Monday, November 7, 2011, 14:59 [IST]

సాధారణంగా, ఆయిల్ మసాజ్ స్నానం అంటే... పిల్లలు ఎంతో ఇష్టపడతారు. మసాజ్ చేసేటపుడు చెయ్యి తగిలి నోట్లోకి నూనె పోవచ్చు. కాబట్టి మసాజ్ కి వాడే ఆయిల్ నాణ్యమైందిగా ఎంచుకోవాలి. అది పిల్లల పరిపూర్ణ ఆరోగ్యానికి ఉపకరిస్తుంది. మసాజ్ చేయించే సమయంలో పిల్లలకి బట్టలు మార్చేటపుడు గది తలుపులు, కిటికీలు మూసి వుంచడం మంచిది. శీతాకాలంలో చలి ఎక్కువగా ఉంటుంది. కాబట్టి తగినంత ఉష్ణోగ్రత అవసరం. దీనికోసం రూమ్ హీటర్ పెట్టుకోవచ్చు.

మసాజ్ చేయించేటపుడు మరే ఇతర పనులు పెట్టుకోవద్దు. టీవీ చూస్తూ లేదా కబుర్లు చెపుతూ ఉంటే చేసే మసాజ్ పై మీరు పూర్తిగా దృష్టి పెట్టలేకపోవచ్చు. హడావుడి పడకుండా స్ధిమితంగా చేతి మునివేళ్ళతో మెత్తగా మసాజ్ చేయాలి. తర్వాత ప్రశాంత వాతావరణంలో ఊయలలో వేసి ప్రేమగా జోలపాట పాడితే పిల్లలు చాలా సేపు హాయిగా నిద్రపోతారు. తల్లితండ్రులు పిల్లల ఆరోగ్యానికి ఇది చాలా అవసరమని గ్రహించాలి.

మసాజ్ స్నానం చేయించేటపుడు మీ చేతి గాజులు, వాచీ లేదా ఉంగరాలు, మెడలో గొలుసు వంటివి తీసేయండి. అవి గుచ్చుకుంటే పిల్లలు ఏడుస్తారు. కారణం తెలియక మనకు ఆందోళన కలుగుతుంది. పిల్లలకు మృదువుగా, మెత్తగా మసాజ్ చేస్తే చిరాకు లేకుండా సహకరిస్తారు. మెడపైన, పొట్టపైన సున్నితంగా రుద్దుతూ మసాజ్ చేస్తే పిల్లలు పేచీ పెట్టరు. పని సులువవుతుంది. వంటికి రాసిన నూనె పూర్తిగా శరీరానికి ఇంకేటంతవరకు సున్నితంగా పొట్ట, కాళ్ళు, చేతులు రుద్దండి.