బొడ్డు కనుక బొద్దుగా, గుండ్రంగా వుంటే...!

పిల్లలు తినే ఆహారంలో అన్ని రకాల పోషక పదార్ధాలు లభిస్తున్నాయా? వారు తినేవి ఆరోగ్యాన్నిస్తున్నాయా? అనే విషయాలను తల్లితండ్రులు ఇంటివద్దే ఎప్పటికపుడు గమనిస్తూండాలి. అందుకుగాను పిల్లల కళ్ళు, పాదాలు, గోళ్ళు వంటివి పరీక్షించాలి. పసిపిల్లల కళ్ళకింద ఉబ్బెత్తుగా కనిపిస్తున్నా, లేక కళ్ళు బాగా లోపలికిపోయినట్లు కనపడినా, కాళ్ళు, పాదాలలో నీరు చేరినట్లు అనిపించినా లేక గోళ్ళరంగు పూర్తిగా తెలుపు రంగుకు మారినా వారి శరీరానికి సరైన పోషక పదార్ధాలు అందటం లేదని భావించాలి.

అలానే శరీరంలోని బొడ్డు కూడా పిల్లలలో ఆరోగ్యాన్ని సూచిస్తుంది. బొడ్డు కనుక గుండ్రంగా, బొద్దుగా కనపడుతూంటే వారు ఆరోగ్యంగా వున్నట్లే. వారి బొడ్డు లోపలికి పోయినా లేక చదునుగా వున్నా వారి శరీరానికవసరమైన పోషక పదార్ధాలు లభించటం లేదని గ్రహించాలి. వెంటనే వారికవసరమైన పోషక పదార్ధాల ఆహారాలను తినిపించాలి.