మీ బిడ్డను ఒంటరిగా ఎందుకు నిద్రింపజేయాలి?

By B N Sharma

Published: Friday, September 30, 2011, 13:17 [IST]

మీ బిడ్డ ఒంటరిగా నిద్రిస్తోందా? అలా పడుకోకుంటే అతి త్వరగా మీరు వారిని ఒంటరిగా పడుకునేలా చేయాలి. నేటి రోజులు పిల్లలు స్వతంత్రంగా వ్యవహరించేవారిలా వుండాలనే కోరుకుంటాయి. మీరు బిడ్డకు ఎంత అతుక్కుంటే బిడ్డను అంత బలహీనుడిని చేస్తున్నారన్నమాట. నేటికి కొంతమందిపిల్లలు ప్రతి దానిలోను తమకు స్వతంత్రత కావాలంటూనే, ఇంకా వారి పేరెంట్స్ పడక గది రక్షణకై కోరటం జరుగుతోంది. మీరు బిడ్డకు స్వతంత్రంగా పడుకోవటానికి అవసరమైన ఏర్పాట్లు ఇంకా చేయలేదంటే....మీరు తప్పక ఆ ఏర్పాట్లను ఎందుకు చేయాలనేదానికి కారణాలు వివరిస్తున్నాం చూడండి......!

మీకు ఎంత ప్రయివసీ కావాలో....మీ బిడ్డకు కూడా అంత ప్రయివసీ వుండాలి. మీరు తల్లితండ్రులైనంత మాత్రాన మీ బిడ్డ ఏం చేస్తోందోనని ఎల్లపుడూ చెక్ చేయాల్సిన అవసరం లేదు. హాస్పిటల్ నుండి బిడ్డను ఒక బేబీగా తెచ్చారు. కాని నేడు ఒక స్వతంత్రత కల వ్యక్తిగా రూపొందిస్తున్నారు. మీ పిల్లాడు మీకు తెలియకుండా ఒక పర్సనల్ డైరీ రాయాలనుకోవచ్చు లేదా ఒక పుస్తకం చదవాలనుకోవచ్చు. ఒక్కొక్క సారి చక్కగా ఆలోచించుకోవాలంటే కూడా ఒంటరితనం కావాలి. మీ పిల్లాడు సృజనాత్మక కలవాడైతే తప్పక ఒక ప్రత్యేక బెడ్ రూమ్ ఏర్పరచండి. చాలామంది తల్లితండ్రులుతమ బిడ్డ ఒంటరిగా పడుకోవాలంటే వ్యతిరేకిస్తారు. అది వారి బందుత్వంలో దూరం తెస్తుందనుకుంటారు. తమ బిడ్డ జీవితంలో తాము మిస్ అయిపోతున్నామంటారు.

కాని, మీకు తెలియనిదేమంటే......మీనుండి దూరంగా నిద్రింపచేస్తున్నంత మాత్రాన పిల్లాడిని మీరు ఎక్కడికో పంపేయటం లేదు. మరి కొద్ది రోజులలో పిల్లాడు కోరుకొనే అంశాన్ని మీరు వాడికి అందజేస్తున్నారు. మీ పిల్లాడు మీకు తెలియకుండా ఏం చేస్తున్నాడో అనిమీరు ఎపుడూ వాడిని వాచ్ చేస్తూ వుండాలని మీరేమీ ఖంగారు పడకండి. అతని దైనందిన చర్యలపై ఒక కన్ను వేస్తూనే వుండండి. వాడు పడుకునే గది బోల్టు లేదా గొళ్ళెం తొలగించండి. ఇక వారు తమ రూమ్ లాక్ చేసుకోలేరు. పిల్లల గదిలో టెలివిజన్ ఎపుడూ పెట్టద్దు. ఒక సారి పెడితే ఇక వారు అందులో ఏం చూస్తున్నారనేదానిపై మీ నియంత్రణ వుండదు.

ఈ ప్రయివసీ మీ పిల్లాడికే కాదు. మీ ప్రయివసీ కూడా మీరు చూసుకోవాలి? మీ జీవిత భాగస్వామితో సరదాగా వుండాలని మీకన్పించదా? మీకు మీ భాగస్వామికి కూడా కొన్ని మధుర క్షణాలుండాలికదా?ఎదిగే పిల్లలు వున్న నింటిలో భార్యా భర్తలు చర్చించుకునే అంశాలు చాలా వుంటాయి. పిల్లలకు అర్ధం లేని భయాలు అంటే చీకటి భయం, లేదా దెయ్యాల భయం లేదా రాక్షసుల భయం వంటివి పోవాలంటే వారు ఒంటరిగా కూడా పడుకోవాలి. అటువంటి భయాలు వారికి సరి కాదు. మీరు ఏమైనా ఇటువంటి భయాలు వాడికి చెపితే వెంటనే వాటికి సవరణలు చెప్పేయండి.

మీ బిడ్డను ఎలా పెంచారనేది వాడు పెద్దవాడైతే గాని తెలియదు. కనుక వారికి సరియైన మార్గం చూపండి.