టీనేజ్ పిల్లలు తప్పటడుగులు వేయకుండా.. తీసుకోవాల్సిన జాగ్రత్తలు..!!

ఎక్కువగా కంట్రోల్ చేయడం

మరీ ఎక్కువగా మీ టినేజర్ ని కంట్రోల్ చేయకూడదు. కొన్ని విషయాల్లో నిర్ణయం తీసుకునే ఫ్రీడం ఇవ్వాలి. మరీ ఎక్కువగా కంట్రోల్ చేయడం వల్ల తప్పు నిర్ణయాలు తీసుకుంటారు.

ఓపెన్ గా ఉండటం

కొన్ని విషయాల్లో వాళ్లతో ఓపెన్ గా ఉండాలి. సరైన సలహాలు ఇవ్వాలి. ఉదాహరణకు స్మోకింగ్, డ్రగ్స్, ఆల్కహాల్ వంటి వాటివల్ల కలిగే హాని గురించి వివరించాలి.

కొత్త స్నేహాలు

కొత్త స్నేహాలు మంచిది కాదని భావించకండి. కొత్తవాళ్లతో పరిచయం అలవాటు అవ్వాలి. అలా కాకుండా.. తన ఫ్రెండ్స్ ని ఇంటికి తీసుకురమ్మని చెప్పండి. దీనివల్ల వాళ్లు ఎలాంటి వాళ్లో మీకే తెలుస్తుంది.

పరిశీలించడం

ప్రతీ చిన్న విషయాన్నీ మానిటర్ చేయకండి. మీకు తెలుసుకోవాలి అని ఉంటే.. డైరెక్ట్ గా అడగండి. పిల్లల విషయాల గురించి మాట్లాడటానికి సంకోచించకండి.

అందం విషయంలో

టీనేజర్స్ లో వాళ్ల అందం, ఆకర్షణ గురించి తక్కువ అభిప్రాయం ఉంటుంది. ఒకవేళ అలాంటి సంకేతాలు గమనించినట్లైతే.. వాళ్లకు కావాల్సిన సలహాలు, సూచనలు ఇవ్వండి. సమాజం గురించి వివరించండి.

ఒత్తిడి

చదువు విషయంలో, ఎక్స్ ట్రా కరిక్యులమ్ యాక్టివిటీస్ లో మరీ ఎక్కువగా ఒత్తిడి చేయకూడదు. పదేపదే వాటి గురించి మాట్లాడుతూ ఉంటే.. వాళ్లకు మీపై కోపం పెరుగుతుంది.

ఫ్యామిలీ ట్రిప్స్

ఫ్యామిలీ ట్రిప్స్, సినిమాలు కలిసి చూడటం, డిన్నర్ ప్లాన్ చేయడం వంటివి తరచుగా ప్రణాళికలో చేర్చుకోండి. ఫ్యామిలీతో.. వాళ్లకు బంధం బలపడటానికి ఇలాంటి సరదాలు సహాయపడతాయి.