రాత్రిళ్లు పిల్లలను నిద్రపుచ్చేందుకు సరైన మార్గాలు

ఆహారం మీద శ్రద్ధ వహించండి :

మీ పిల్లల నిద్ర విషయంలో - ఆహారం (డైట్) అనేది చాలా ముఖ్యమైన పాత్రను పోషిస్తుంది. నిద్ర సమస్యలను కలిగి ఉన్న పిల్లలకు రాత్రివేళల్లో ఎక్కువ ఆహారాన్ని పెట్టకూడదు. పిల్లలు రాత్రి సమయంలో బాగా నిద్రపోవాలి అనుకుంటే, మీ పిల్లలు నిద్రపోయే ముందు "కెఫిన్" ను కలిగివున్న ఆహార పదార్థాలను తినకుండా నిరోధించడం అనేది ఉత్తమమైన చిట్కాలలో ఒకటి.

ఒకే సమయంలో నిద్రపోవడాన్ని అలవాటుగా చేయండి :

రాత్రివేళల్లో మీ పిల్లలను నిద్రావస్థ చేయడానికి ఉన్న ముఖ్యమైన మార్గాల్లో ఇది ఒకటి. ఎప్పుడూ ఒకే సమయంలో నిద్రించడం వల్ల, పిల్లల్లో ఒక స్థిరమైన సమయానికి నిద్రపోయే అలవాటును అభివృద్ధి చెందేందుకు సహాయపడుతుంది. ఈ అలవాటు మీ పిల్లలు ఎదుగుదలలో ఉన్నప్పటికీ కూడా గొప్పగా నిద్రించడానికి సహాయపడుతుంది.

బాగా నిద్రించేందుకు, ఆహ్లాదకరమైన ఇంటి వాతావరణాన్ని సృష్టించండి :

మంచం ఎక్కే ముందు - అసాధారణమైన పనులను చేసే అలవాటును మీ పిల్లల్లో పెంపొందించవద్దు. దానికి బదులుగా, పిల్లల మనసుకు శాంతిని చేకూర్చేలా ఉండే, శాంతియుతమైన వాతావరణంలో నిద్రపోయేలా వారికి సహాయపడండి. ప్రారంభ దశల్లో, మీ పిల్లలకు నిద్రపట్టడానికి మీరు లాలిపాటలను పాడే ఉంటారు.

సౌకర్యవంతమైన నిద్రను నిర్ధారించుకోండి :

బహుశా ఇది, రాత్రిపూట మీ పిల్లలు బాగా నిద్రపోయేలా చేయడానికి ఉన్న అన్ని చిట్కాలలో ఇది చాలా ముఖ్యమైనది. మీ పిల్లలు శారీరకంగా మరియు మానసికంగానూ చాలా సున్నితమైన వారిగా ఉంటారు. కాబట్టి, మీరు పిల్లల శరీరానికి సౌకర్యవంతమైన ఒక మంచమును ఏర్పాటు చెయ్యవలసిన అవసరం ఎంతైనా వుంది. సంప్రదాయబద్ధంగా మీ పిల్లలు నిద్రించేందుకు అవసరమయ్యే "టెడ్డిబేర్" వంటి బొమ్మలను అనుమతించాలి. ఇది మంచి నిద్రావస్థను పొందటానికి మరియు మీ తోడు లేకపోయినా ఒంటరిగా పడుకోవడానికి సహాయపడుతుంది.

పిల్లలు పడుకున్నప్పుడు కూడా మీరు వారి చుట్టూనే వుండండి :

దాదాపు పిల్లలందరూ నిద్రలో తమ తల్లిదండ్రులని కూడా చూసే అలవాటును కలిగివుంటారు. మీ పిల్లల దగ్గర నుండి అసాధారణమైన విషయాలను దేనినీ ఆశించవద్దు. పిల్లలు నిద్రిస్తున్నప్పుడు వారికి మీరు చాలా దగ్గరగా ఉండాలి దేనికోసమంటే, రాత్రి సమయంలో వారికి ఎదురయ్యే అవసరాలను తీర్చడం కోసం మీరు హాజరుకావలసి ఉండవచ్చు.

గది యొక్క ఉష్ణోగ్రతను పరిశీలించండి :

మీ పిల్లలు రాత్రిపూట సౌకర్యవంతంగా గదిలో నిద్రపోయేటప్పుడు, ఆ గది యొక్క ఉష్ణోగ్రతను చల్లగా (లేదా) వెచ్చగా మార్చడానికి ప్రయత్నించవద్దు, ఎందుకంటే అది మీ పిల్లల నిద్రకు భంగం కలిగించవచ్చు. సాధారణ ఉష్ణోగ్రత వద్ద మీ పిల్లలను నిద్రపోయేటట్లుగా చేసే ఉత్తమ మార్గాలలో ఒకటని భావించండి.

బహుమతులు ఇవ్వండి :

రాత్రిపూట పిల్లల చక్కగా నిద్రపోవటానికి సహకరించే వాటిలో, ఇది అత్యంత ప్రభావవంతమైన చిట్కాలలో ఒకటి. మీ పిల్లలు ప్రతిరోజూ నిర్ధేశించిన సమయానికి నిద్ర చేయగలిగితే బహుమతులను ఇవ్వండి.

తిట్టకూడదు (లేదా) కొట్టకూడదు :

తిట్టడం మరియు కొట్టడం వంటివి, మీ పిల్లలను దెబ్బతీసే హానికరమైన చర్య కావచ్చు. అలాంటి ఆందోళనలు మీ పిల్లలను శాంతియుతంగా నిద్రపో నియ్యకుండా ఆపగలవు.

పైన వివరించిన చిట్కాలను తల్లిదండ్రులు ప్రయోగాత్మకంగా వారి పిల్లల మీద అప్లై చేసి వచ్చిన ఫలితాలతో చాలా ఆనందంగా ఉన్నారు. ఇప్పుడు మీ వంతు సమయం వచ్చింది, ఇక ఆలస్యమెందుకు మీ పిల్లల పైన ఈ చిట్కాలను ప్రయోగించి మంచి ఫలితాలను పొందండి. గుర్తుంచుకోండి, మీ పిల్లలకు రోజువారీగా మంచి నిద్ర అనేది చాలా అవసరం, లేకపోతే పెరుగుదలలో చాలా రకాల సమస్యలకు కారణం కావచ్చు.