బాలింతల ఆహారం ఎలా వుండాలి?

By B N Sharma

Published: Friday, August 19, 2011, 15:11 [IST]

శిశువు జన్మించినప్పటి నుంచి బాలింతలు అత్యధిక విలువలుకల పోషకాహారం తీసుకోవాలి. జంక్ ఫుడ్ లు, పచ్చళ్లు, మైదాతో చేసిన ఆహార పదార్థాలను బాలింతలు తీసుకోకూడదని న్యూట్రీషన్లు అంటున్నారు. కేకులు, పేస్ట్రీలు, బిస్కట్లు, పఫ్‌లు,మొదలైన బేకరీ తిండ్లు తినడం వల్ల బాలింతలు వెంటనే అధిక బరువు పెరిగిపోవటానికి అవకాశాలు మెండుగా వున్నాయి. అలాగే టీ, కాఫీలు తీసుకోవడం వల్ల శరీరానికి కావాల్సిన ఇనుము అందదు. అందుచేత బయట అమ్మే వస్తువులు బాలింతలు తీసుకోరాదు.

ఇంకా బిడ్డలకు పాలిచ్చే తల్లులు రాజ్‌మా సెనగపప్పు, మొలకలు వంటి వాటిని తినడం వల్ల బిడ్డకు కడుపునొప్పి వస్తుందని చాలామంది అనుకుంటారు. కానీ బాలింతకి చక్కని పోషకాహారం అంటే ఈ రకం తృణధాన్యాలతో చేసిన పదార్థాలేనని న్యూట్రీషన్లు సూచిస్తున్నారు. తృణధాన్యాల్లోని మాంసకృత్తులు, జింక్, ఇనుము పుష్కలంగా పాలు పడి బిడ్డకు చక్కటి ఆహారాన్ని కూడా అందిస్తాయని వీరు చెపుతున్నారు.

పోషకాహారం కోసం గుడ్లు, పెరుగు, చీజ్, చేపలు, పండ్లు మొలకలు తినాలి. ఇనుము అధికంగా ఉండే ఎండు ఫలాలు, ఆకుకూరలు తీసుకోవాలి. అలాగే విటమిన్ సి లభించే జామ, టమాటాలు, నిమ్మ, ఉసిరి వంటివి కూడా ఎంచుకోవచ్చునని న్యూట్రీషన్లు సూచిస్తున్నారు.