అమెరికాలో చేపల పులుసును ఇలానే చేసుకుంటారు,సింపుల్‌గా ఇక్కడ ఎలా చేసుకోవాలంటే?

చేపల పులుసు అంటే ప్రతి ఒక్కరికీ ఎంతో ఇష్టం ఉంటుంది. దీనిని ఒక్కొక్కరు ఒక్కో విధంగా చేసుకుంటారు. ఇందులో దట్టించే మసాలా, ఆ చేపల ముక్కలు నోట్లోకి వెళ్ళగానే ఆహ కమ్మని రుచి కోసం అందరూ తహతహలాడుతుంటారు. మన దగ్గర ఈ చేపల పులుసును చాలా సాధారణమైన పద్దతిలో చేసేస్తారు. కానీ అమెరికాలో ఎలా చేసుకుంటారో తెలుసా? ఈ స్టోరీలో దాని గురించి వివరించాము, పూర్తిగా చదివి అమెరికాలో చేపల పులుసును ఎలా చేసుకుంటారో తెలుసుకొని మీరూ ట్రై చేయండి.

అమెరికాలో చేపల పులుసు తయారీకి కావాల్సిన పదార్థాలు

1 kg చేప ముక్కలు (మీరు ఏ రకమైన చేపను అయినా ఉపయోగించవచ్చు, కానీ తెలుపు చేపలు బాగుంటాయి)
2 ఉల్లిపాయలు, సన్నగా తరిగినవి
2 టమోటాలు, సన్నగా తరిగినవి
1 అల్లం ముక్క, చిన్నగా తరిగినది
4 వెల్లుల్లి రెబ్బలు, చిన్నగా తరిగినవి
2 పచ్చిమిర్చి, చీలికలు
1/2 టీస్పూన్ పసుపు పొడి
1 టీస్పూన్ కారం పొడి
1 టీస్పూన్ ధనియాల పొడి
1/2 టీస్పూన్ జీలకర్ర పొడి
1/4 టీస్పూన్ మెంతుల పొడి
కొద్దిగా చింతపండు పులుసు
రుచికి సరిపడా ఉప్పు
కొద్దిగా నూనె
కొత్తిమీర, సన్నగా తరిగినది (గార్నిష్ కోసం)

తయారీ విధానం

చేప ముక్కలను శుభ్రంగా కడిగి, కొద్దిగా ఉప్పు మరియు పసుపు పొడి వేసి పక్కన పెట్టండి. ఒక గిన్నెలో నూనె వేడి చేసి, అందులోనే ఉల్లిపాయలు వేసి బంగారు రంగు వచ్చే వరకు వేయించండి. అలాగే అందులోనే అల్లం, వెల్లుల్లి మరియు పచ్చిమిర్చి వేసి కొద్దిసేపు వేయించండి.

ఆ తరువాత ఆ మిశ్రమంలో టమాటోలు వేసుకోవాలి. అవి మెత్తగా అయ్యే వరకు వాటిని బాగా వేయించుకోవాలి. అనంతరం పసుపు పొడి, కారం పొడి, ధనియాల పొడి, జీలకర్ర పొడి మరియు మెంతుల పొడి వేసి బాగా కలపండి. కొద్దిసేపు ఉడికిన తరువాత అందులో చింతపండు పులుసు మరియు రుచికి సరిపడా ఉప్పు వేసి కలపండి.

పులుసు బాగా మరిగి తెర్లిన తరువాత అందులో ముందుగా శుభ్రం చేసి పెట్టుకున్న చేప ముక్కలను వేసుకొని ఓ పది నిమిషాల పాటు బాగా ఉడికించుకోవాలి. అనంతరం పై నుంచి కొత్తిమీర చల్లుకుంటే ఎంత రుచికరమైన అమెరికా స్టైల్ చేపల పులుసు సిద్ధమైనట్లే.