బేలే ఒబ్బట్టు రెసిపి. ఇంట్లోనే పూరన్ పోలీ తయారీ ఎలా

పండగలప్పుడు కర్ణాటకలో చేసుకునే ప్రసిద్ధ పిండివంటకం బేలె ఒబ్బట్టు. బెల్లం- పప్పుల పూర్ణాన్ని మైదాపిండి మధ్యలో పెట్టి, రోటీలలాగా వత్తి చేసి వేయించి ఈ వంటకాన్ని చేస్తారు.

బెలే హోలిగేని మహారాష్ట్రలో పూరన్ పోలీ అని కూడా అంటారు. దేశవ్యాప్తంగా కొద్దికొద్ది తేడాలతో చేసుకుంటారు. అందులో వేసే పదార్థాలు స్థానిక స్థలాన్ని బట్టి మారుతుంటాయి. కానీ చేసే పద్ధతి ఒకటే.

ఇది చేయటానికి చాలా శ్రమ, సమయం పడుతుంది. దీనిలో ముఖ్యంగా పైన పిండి, పూర్ణం తయారీ శ్రద్ధగా చేయాలి. దీన్ని ఇంట్లోనే తయారుచేయాలనుకుంటే, చిత్రాలు, వీడియో సాయంతో తయారీ విధానం చదివి చేయండి.

స్టెప్ బై స్టెప్ - బేలె ఒబ్బట్టు తయారీ ఎలా

1. రవ్వ, మైదా, చిటికెడు పసుపును కలపండి.

2. బాగా కలపండి.

3. కొంచెం కొంచెంగా ¾ కప్పు నీళ్ళు పోస్తూ పిండి ముద్దలా కలుపుకోండి.

4. 2 చెంచాల నూనె వేసి తిరిగి కలపండి.

5. మరో 3 చెంచాల నూనె వేసి ఆ పిండి ముద్దపై పూతలా చేయండి.

6. 4-5 గంటలు అలా నాననివ్వండి.

7.అదే సమయంలో కుక్కర్ లో కందిపప్పును తీసుకోండి.

8. 3 కప్పుల నీళ్ళు పోసి, చిటికెడు పసుపు వేయండి.

9. నాలుగు విజిల్ కూతలు వచ్చే వరకూ కుక్కర్ ను ఉడకనివ్వండి, తర్వాత చల్లబడనివ్వండి.

10. అదే సమయంలో , బెల్లాన్ని వేడిపెనంలో వేయండి.

11. పావు కప్పు నీళ్ళు పోయండి.

12. బెల్లం కరిగి పాకంలా అయ్యేవరకు ఉడకనివ్వండి.

13. అదే సమయంలో ఉడికిన పప్పులో అధిక నీరు తీసేసి, పప్పును మిక్సిలో వేయండి.

14. కొబ్బరికోరును, ఏలకులను వేసి మిక్సీలో అన్నిటినీ తిప్పండి.

15.బెల్లం పాకం తయారయ్యాక, ఈ మిక్సీ పొడిని పెనంలో వేయండి.

16. ఉండలు కట్టకుండా బాగా కలుపుతూనే ఉండండి.

17.మిశ్రమం పక్కల నుండి బయటకి వస్తూ, మధ్యలో ముద్దగా మారుతూ ఉంటుంది.

18. బాగా చల్లబడనివ్వండి.

19. మధ్యసైజులో లడ్డూలలాగా చేతిలో ముద్దలు చేసుకోండి.

20. తర్వాత ప్లాస్టిక్ షీటు మీద నూనెతో జిడ్డుగా చేసి, అప్పడాల కర్రకి కూడా కొంచెం నూనె రాయండి.

21.పిండి ముద్దను తీసుకుని, ఇంకోసారి మంచిగా ముద్దలా చేతిలో వత్తుకోండి.

22. కొంచెం చేత్తో పిండిని అప్పడంలా వత్తి మధ్యలో పూర్ణాన్ని కొంచెం పెట్టుకోండి.

23. పైన పిండితో పూర్ణాన్ని మూసేసి, కొంచెం నూనె చుక్కలు పైన రాయండి.

24. జిడ్డు చేసిన ప్లాస్టిక్ షీటుపై పెట్టి , పూరీలా అప్పడాల కర్రతో వత్తండి.

25.బాండీని వేడిచేసి, ఈ వత్తిన దాన్ని అందులో వేసి వేయించండి.

26. ముందు ఒకవైపు వేయించి, ఇంకోవైపు కొంచెం నూనెచుక్కలు వేస్తూ ఉండండి.

27. మరలా తిప్పి గోధుమ రంగులోకి మారేవరకు వేయించండి.