వంకాయ,పెరుగుతో అద్భుతం..అన్నంలోకి, చపాతీలోకి పర్‌ ఫెక్ట్..ఎలా చేసుకోవాలంటే

వంకాయ పెరుగు తాలింపు..ఈ పేరు వినగానే చాలామందికి కొత్తగా అనిపించవచ్చు. సాధారణంగా వంకాయతో పులుసు, కూర, ఫ్రై, పచ్చడి వంటివి చేస్తుంటారు. కానీ వంకాయను పెరుగుతో కలిపి తాలింపు చేయడం అనేది కాస్త ఢిఫరెంట్ గా అనిపించినప్పటికీ దీని రుచి మాత్రం అనూహ్యంగా అద్భుతంగా ఉంటుంది. అన్నంలోకి, చపాతీలోకి, చివరికి ఉదయం టిఫిన్‌ లోకి కూడా సైడ్ డిష్‌ గా దీనిని తీసుకోవచ్చు. వంకాయ పెరుగు తాలింపు కేవలం రుచికరంగా ఉండటమే కాకుండా, ఆరోగ్యానికి కూడా బోలెడు ప్రయోజనాలను అందిస్తుంది. ఈ వంటకంలో ఉపయోగించే ప్రధాన పదార్థాలైన వంకాయ, పెరుగు రెండూ పోషక విలువలు కలిగినవే. వంకాయ పెరుగు తాలింపు తయారుచేయడానికి కావాల్సిన పదార్థాలు,తయారీ విధానం ఇక్కడ చూడండి.

వంకాయ పెరుగు తాలింపు తయారీకి కావాల్సిన పదార్థాలు

-పెరుగు
-ఉల్లిపాయ
-ధనియాల పొడి
-కరివేపాకు
-పచ్చిమిర్చి
-పసుపు
-ఉప్పు
-ఆయిల్
-వంకాయ
-తాళింపు గింజలు
-ఇంగువ
-ఎండుమిరపకాయలు

వంకాయ పెరుగు తాళింపు తయారీ విధానం

-ముందుగా ఓ పెద్ద గిన్నె తీసుకోండి. అందులో అ పెద్ద కప్పు పెరుగు, అరకప్పు నీళ్లు, సన్నగా తరిగిన 1 ఉల్లిపాయ ముక్కలు వేసి కలిపి పక్కన పెట్టుకోండి.

-నాలుగు పెద్ద సైజు పొడవు వంకాయలను కడిగి రౌండ్ ముక్కలుగా కట్ చేసుకోండి. ఈ ముక్కలను ఉప్పు వేసి కలిపిన నీళ్లలో వేయండి.

-తర్వాత స్టవ్ మీద పాన్ పెట్టి అందులో 1 టేబుల్ స్పూన్ ఆయిల్ పోసి వేడి చేసి కట్ చేసిన వంకాయ ముక్కలను నీళ్లు లేకుండా వేసి 2-3 నిమిషాలు ఫ్రై చేసుకోవాలి.

-వంకాయ ముక్కలు సగంపైగా వేగిన తర్వాత అందులో రుచికి సరిపడా ఉప్పు, రెండు రెమ్మల కరివేపాకు, 3 పచ్చిమిర్చి పొడవాటి చీలికలు, కొంచెం పసుపు వేసి మరో 2 నిమిషాలు బాగా ఫ్రై చేసుకోవాలి.

-పచ్చిమిర్చి,కరివేపాకు కూడా వేగిన తర్వాత అందులో 1 టీస్పూన్ ధనియాల పొడి వేసి ఒకసారి కలపి స్టవ్ ఆఫ్ చేసి చల్లారనివ్వాలి.

-వంకాయ ముక్కలు చల్లారిన తర్వాత ఆ మొత్తాన్ని పెరుగులో వేసి కలుపుకోవాలి.

-తర్వాత స్టవ్ మీద మరో పాన్ పెట్టి అందులో 1 టేబుల్ స్పూన్ ఆయిల్ వేసి వేడి చేసి 1 టీస్పూన్ తాళింపు గింజలు, 2 ఎండుమిరపకాయల ముక్కలు, 1 రెమ్మ కరివేపాకు వేసి ఫ్రై చేసుకోవాలి.

-తాళింపు వేగిన తర్వాత అందులో పావు టీస్పూన్, పావు టీస్పూన్ ఇంగువ వేసి కలిపి ఈ తాళింపుని పెరుగులో వేసి కలుపుకోండి.