దహీ తడ్కా శాండ్ విచ్..ఒక్కసారి తిన్నారంటే ఇంకా ఇంకా అంటారు,ఎలా చేయాలంటే

సాయంత్రం సమయంలో ఏదైనా టేస్ట్ స్నాక్ తినాలని అనిపిస్తుంటే ఓ సారి దహీ తడ్కా శాండ్ విచ్(Dahi Tadka Sandwich)ట్రై చేయండి. దీని కోసం రెస్టారెంట్లు,బేకరీలకు వెళ్లి వందల రూపాయలు ఖర్చు చేయకుండా ఇంట్లోనే ఈజీగా తయారుచేసుకోవచ్చు. దహీ తడ్కా శాండ్‌విచ్ రుచికరమైన, ఆరోగ్యకరమైన వంటకం. ఇది పెరుగు, కూరగాయలు, మసాలాల కలయికతో తయారుచేస్తారు. ఇది తేలికపాటి అల్పాహారం లేదా స్నాక్‌గా తినడానికి అనుకూలంగా ఉంటుంది. దీనిని తయారుచేయడానికి కావలసిన పదార్థాలు,తయారీ విధానం,ప్రయోజనాలు ఇక్కడ చూడండి.

దహీ తడ్కా శాండ్ విచ్ తయారీకి కావలసిన పదార్థాలు

బ్రెడ్ స్లైసులు: 4
పెరుగు: 1 కప్పు
ఉల్లిపాయ: 1
టమోటా: 1
పచ్చిమిర్చి: 2
కొత్తిమీర: కొద్దిగా
కరివేపాకు: కొద్దిగా
ఆవాలు: 1/2 టీ స్పూన్
జీలకర్ర: 1/2 టీ స్పూన్
పసుపు: 1/4 టీ స్పూన్
కారం: 1/2 టీ స్పూన్
ఉప్పు: తగినంత
నూనె: 1 టేబుల్ స్పూన్

దహీ తడ్కా శాండ్ విచ్ తయారీ విధానం

-ముందుగా పెరుగును ఒక గిన్నెలో వేసి బాగా చిలకాలి.

-తర్వాత అందులో ఉల్లిపాయ ముక్కలు, టమోటా ముక్కలు, పచ్చిమిర్చి ముక్కలు, కొత్తిమీర, ఉప్పు, కారం వేసి బాగా కలపాలి. మీరు కావాలనుకుంటే పెరుగు మిశ్రమంలో తురిమిన క్యారెట్, క్యాప్సికమ్ లేదా ఇతర కూరగాయలను కూడా వేసుకోవచ్చు.

-ఇప్పడు స్టవ్ మీద పాన్ పెట్టి నూనె వేడి చేయాలి.

-ఆయిల్ వేడయ్యాక అందులో ఆవాలు, జీలకర్ర, కరివేపాకు వేసి వేయించాలి.

-తర్వాత పసుపు వేసి కలపాలి.

-ఇప్పుడు పెరుగు మిశ్రమాన్ని పాన్ లో వేసి 2-3 నిమిషాలు ఉడికించాలి.

-బ్రెడ్ స్లైసులకు పెరుగు మిశ్రమాన్ని సమానంగా పట్టించాలి.

-తర్వాత రెండు బ్రెడ్ స్లైసులను కలిపి శాండ్‌విచ్ లా తయారుచేయాలి.

-పాన్ మీద కొద్దిగా నూనె వేసి శాండ్‌ విచ్‌ లను రెండు వైపులా బంగారు రంగు వచ్చేవరకు కాల్చాలి. అంతే దహీ తడ్కా శాండ్‌విచ్‌ రెడీ. శాండ్‌విచ్‌లను కాల్చేటప్పుడు, మంటను తక్కువగా ఉంచాలి, లేకపోతే అవి మాడిపోతాయి.

గోదావరి జిల్లాల ఈ స్పెషల్ పచ్చడి తింటే..జన్మకి ఇంకేదీ అక్కర్లుదు అంటారు,ఎలా చేయాలంటే

దహీ తడ్కా శాండ్‌విచ్ ప్రయోజనాలు

ఇది తేలికపాటి, ఆరోగ్యకరమైన అల్పాహారం. త్వరగా తయారుచేయగల వంటకం కూడా. ఇది పిల్లలకు,పెద్దలకు ఇద్దరికీ నచ్చుతుంది. పెరుగులో ప్రోటీన్, కాల్షియం, విటమిన్ డి పుష్కలంగా ఉంటాయి. కూరగాయలలో విటమిన్లు, ఖనిజాలు, ఫైబర్ ఉంటాయి.