ఈ విధమైన చికెన్ రోస్ట్ మీరెప్పుడూ తిని ఉండరు, ఇండియాలో మొత్తంలో అక్కడ మాత్రమే దొరుకుతుంది, ఎలా చేసుకోవాలంటే?

మీకు నాన్ వెజ్ ఇష్టమైతే, చికెన్‌తో కొత్త వంటకాలను ప్రయత్నించడం ఇష్టం ఉంటే, ఈ అస్సామీ స్టైల్ రోస్టెడ్ చికెన్ రెసిపీ మీరు తప్పకుండా ట్రై చేయాలి. సాధారణ చికెన్ ఫ్రైతో పోలిస్తే ఇది ఎంతో రుచికరంగా ఉంటుంది. అలాగే చేసుకోవడం కూడా అత్యంత సులభం. కేవలం సాధారణమైన పద్దతిలో చేసుకునే ఈ వంట ఎలా చేసుకోవాలి? దానికి కావాల్సిన పదార్థాలు ఏంటి? అనేది ఈ స్టోరీలో తెలుసుకుందాం.

రోస్టెడ్ చికెన్ రెసిపీకి కావాల్సిన పదార్థాలు

చికెన్ - 500 గ్రాములు
ఉప్పు - రుచికి సరిపడా
పసుపు - 1 tsp
కారం - 1 tsp
జీలకర్ర పొడి - 1 tsp
మిరియాల పొడి - 1 tsp
నిమ్మరసం - 3 tbsp
నల్ల నువ్వులు - ½ కప్పు
నూనె - 4 tbsp
వెల్లుల్లి పేస్ట్ - 1 tsp
అల్లం పేస్ట్ - 2 tsp
ఉల్లిపాయ ముక్కలు - అరకప్పు

రోస్టెడ్ చికెన్ తయారీ విధానం

1. ముందుగా చికెన్ ముక్కలను శుభ్రంగా కడిగి ఒక గిన్నెలో ఉంచాలి.
2. అందులో ఉప్పు, పసుపు, కారం, జీలకర్ర పొడి, మిరియాల పొడి, నిమ్మరసం వేసి బాగా కలపాలి.
3. ఈ మిశ్రమాన్ని 20 నిమిషాలు మెరినేట్ చేయాలి.
4. ఆ తరువాత, ఒక పాన్ వేడి చేసి అందులో నల్ల నువ్వులను వేసి 1 నిమిషం వేయించాలి. వేయించిన నువ్వులు చల్లార్చి, మిక్సీ జార్‌లో వేసి నూనె, వెల్లుల్లి, అల్లం, పచ్చిమిర్చి, ఉల్లిపాయలు వేసి గ్రైండ్ చేసి పేస్ట్ గా చేసుకోవాలి.
5. ఇప్పుడు ఈ పేస్టును పక్కన పెట్టుకోవాలి.
6. ఇప్పుడు మెరినేట్ చేసిన చికెన్ నుంచి అదనపు నీటిని తీసి, ఇంతకు ముందు చేసుకున్న పేస్ట్‌ను చికెన్‌లో బాగా కలపాలి. తర్వాత, మరో 30 నిమిషాలు మెరినేట్ చేయాలి.
7. ఈ మధ్యలో, మీ మైక్రోవేవ్ ఓవెన్‌ను 180 డిగ్రీలకు ప్రీహీట్ చేయండి.
8. ప్రీహీట్ చేసిన ఓవెన్‌లో ట్రేలో చికెన్ ముక్కలను పెట్టి 30 నిమిషాలు ఉడికించాలి.
9. 30 నిమిషాలు ఉడికాక.. చికెన్‌ను ఓవెన్ నుంచి తీసి వెంటనే నెయ్యి లేదా వెన్నతో పూయండి.
10. అంతే రుచికరమైన అస్సామీ రోస్టెడ్ చికెన్ రెడీ.