ఈ దిబ్బరొట్టె ఢిల్లీలో ఫుల్ ఫేమస్.. ఆరోగ్యానికి ఎంతో మేలు చేస్తుంది, ఎలా చేసుకోవాలంటే?

మీరు ఇప్పటి వరకు ఎన్నో రకాల దిబ్బరొట్టెలు చేసుకొని తిని ఉంటారు. వాటి రుచి కేవలం పిండి పిండిగా ఉండడంతో పాటు అంతగా ఆస్వాదించే విధంగా ఉండలేకపోవచ్చు. కానీ ఢిల్లీలో ఓ ఫేమస్ దిబ్బరొట్టె ఉంది. దీనిని అక్కడి ప్రజలు ఎగబడి ఎగబడి మరీ కొనుక్కొని తింటారు. అదే డ్రై ఫ్రూట్స్ దిబ్బరొట్టె. దీనిని చేసుకోవడం చాలా సులభం. డ్రై ఫ్రూట్స్‌తో దీనిని తయారు చేస్తారు. ఇది రుచికరంగా ఉండడంతో పాటు ఆరోగ్యానికి కూడా చాలా మంచిది. దీనిని ఎలా చేసుకోవాలి, దానికి కావాల్సిన పదార్థాలు ఏంటి అనేది ఈ స్టోరీలో తెలుసుకుందాం.

కావలసిన పదార్థాలు:

మినపప్పు - 1 కప్పు
బియ్యం - 2 కప్పులు
ఉప్పు - రుచికి సరిపడా
నూనె - తగినంత
జీడిపప్పు, బాదం, కిస్‌మిస్, పిస్తా - 1/2 కప్పు (సన్నగా తరిగినవి)
యాలకుల పొడి - 1/2 టీస్పూన్

తయారీ విధానం:

మినపప్పు, బియ్యం వేర్వేరుగా 4-5 గంటలు నానబెట్టాలి.
మినపప్పును మెత్తగా రుబ్బుకోవాలి. తర్వాత బియ్యం కూడా మెత్తగా రుబ్బుకోవాలి.
రెండు పిండిలను కలిపి, తగినంత ఉప్పు వేసి బాగా కలపాలి. ఈ పిండిని 8-10 గంటలు పులియనివ్వాలి.
పులిసిన పిండిలో తరిగిన డ్రై ఫ్రూట్స్, యాలకుల పొడి వేసి బాగా కలపాలి.
మందపాటి గిన్నెలో నూనె వేసి వేడి చేయాలి.
వేడి నూనెలో పిండిని వేసి, మూత పెట్టి చిన్న మంటపై 20-30 నిమిషాలు ఉడికించాలి.
దిబ్బరొట్టె రెండు వైపులా బంగారు రంగు వచ్చేవరకు కాల్చాలి.
చల్లారిన తర్వాత ముక్కలుగా కోసి సర్వ్ చేయాలి. అంతే డ్రై ఫ్రూట్స్ దిబ్బరొట్టె సిద్ధమైనట్లే.