ఎంతకష్టమైనా ఇలాంటి పులిహోర ఒక్క ముద్ద అయినా తినాలి, అబ్బా ఏమి రుచి గురు, ఎలా చేసుకోవాలంటే?

తెలుగు ప్రజలకు ఎంతో ఇష్టమైన వంటకాల్లో పులిహోర కూడా ఒకటి. ఇంట్లో అన్నం మిగిలిపోతే ప్రతిఒక్కరూ చేసుకునేది ఇదే. అలాగే ఏదైనా నైవేద్యం పెట్టాలన్నా కూడా అందరూ ఇష్టపడి చేసుకునే కూడా పులిహోర మాత్రమే. దీనిని చేసుకోవడం చాలా సులభం. అలాగే చాలా అంటే చాలా రుచికరంగా ఉండడంతో అందరూ దీనివైపు మొగ్గు చూపుతుంటారు. మన తెలుగు రాష్ట్రాల్లోనే కాకుండా మన దేశంలోని అనేక ప్రాంతాల్లో ఈ పులిహోరను చేసుకుంటారు. ఒక్కో ప్రాంతంలో ఒక్కో విధంగా దీనిని చేసుకొని తింటూ ఉంటారు.

ఇప్పటి వరకు మీరు సాధారణ పులిహోర, ఇంగువ వేసిన పులిహోర, తెల్లపులిహోర మొదలైనవి రుచి చేసి ఉంటారు. కానీ మీరెప్పుడైనా వెల్లుల్లి పులిహోరా తిన్నారా? అబ్బబ్బబ్బా ఏం చెప్తామండి. ఆ వెల్లుల్లి పులిహోర రుచి అమోఘంగా ఉంటుంది. పులిహోర కమ్మదనం, వెల్లుల్లి ఘాటుదనం రెండు కలిపి తింటే అబ్బా నా సామిరంగా అనాల్సిందే. కాకపోతే ఇది చేసుకోవడం అందరికీ తెలియదు. అందుకే ఈ స్టోరీలో వెల్లుల్లి పులిహోర ఎలా చేసుకోవాలి? ఆ పులిహోర చేసుకోవడానికి కావాల్సిన పదార్థాలు ఏంటి ఈ స్టోరీల్లో తెలుసుకుందాం.

వెల్లుల్లి పులిహోర తయారీకి కావలసిన పదార్థాలు:

ఉడికించిన అన్నం: 2 కప్పులు
వెల్లుల్లి రెబ్బలు: 15-20
చింతపండు: చిన్న నిమ్మకాయ సైజు
పల్లీలు: 2 టేబుల్ స్పూన్లు
శనగపప్పు: 1 టేబుల్ స్పూన్
మినపప్పు: 1 టేబుల్ స్పూన్
ఆవాలు: 1 టీ స్పూన్
జీలకర్ర: 1/2 టీ స్పూన్
ఎండుమిర్చి: 2-3
పచ్చిమిర్చి: 2 (సన్నగా తరిగినవి)
కరివేపాకు: కొద్దిగా
పసుపు: 1/2 టీ స్పూన్
నూనె: 3 టేబుల్ స్పూన్లు
ఉప్పు: రుచికి సరిపడా

వెల్లుల్లి పులిహోర తయారీ విధానం:

చింతపండును గోరువెచ్చని నీటిలో నానబెట్టి, గుజ్జు తీయాలి.
వెల్లుల్లి రెబ్బలను మెత్తగా దంచుకోవాలి.
ఒక పాన్ లో నూనె వేడి చేసి ఆవాలు, జీలకర్ర, పల్లీలు, శనగపప్పు, మినపప్పు వేసి వేయించాలి.
ఎండుమిర్చి, పచ్చిమిర్చి, కరివేపాకు వేసి వేయించాలి.
దంచిన వెల్లుల్లి వేసి బంగారు రంగు వచ్చేవరకు వేయించాలి.
చింతపండు గుజ్జు, పసుపు, ఉప్పు వేసి నూనె పైకి తేలే వరకు ఉడికించాలి.
ఉడికించిన పులుసును చల్లారిన అన్నంలో వేసి బాగా కలపాలి.
వేడి వేడిగా లేదా చల్లగా వెల్లుల్లి పులిహోరను వడ్డించండి.

వెల్లుల్లి పులిహోర వల్ల కలిగే ఆరోగ్య ప్రయోజనాలు:

వెల్లుల్లిలో యాంటీఆక్సిడెంట్లు పుష్కలంగా ఉంటాయి, ఇవి రోగనిరోధక శక్తిని పెంచడంలో సహాయపడతాయి.
ఇది రక్తపోటును తగ్గించడంలో సహాయపడుతుంది.
కొలెస్ట్రాల్ స్థాయిలను తగ్గించడంలో సహాయపడుతుంది.
గుండె జబ్బులను నివారించడంలో సహాయపడుతుంది.
జీర్ణక్రియను మెరుగుపరుస్తుంది.
శరీరంలో రోగనిరోధక శక్తిని పెంచుతుంది.
శరీరంలో వాపును తగ్గిస్తుంది.

వెల్లుల్లి పులిహోర వండేందుకు కావాల్సిన చిట్కాలు:

వెల్లుల్లిని బాగా వేయించడం వల్ల పులిహోరకు మంచి రుచి వస్తుంది.
మీ రుచికి అనుగుణంగా పచ్చిమిర్చి, ఎండుమిర్చిని పెంచుకోవచ్చు లేదా తగ్గించుకోవచ్చు.
పులిహోరను మరింత రుచికరంగా చేయడానికి, మీరు వేయించిన జీడిపప్పు లేదా కిస్మిస్ జోడించవచ్చు.
పులిహోరను మరీ మెత్తగా కాకుండా పొడి పొడిగా కలుపుకోవాలి.