ఇంట్లోనే హోటల్ స్టైల్ దోశ పిండి..ఎలా తయారుచేసుకోవాలో చూడండి

మన తెలుగువాళ్ల ఇళ్లల్లో లేదా హోటల్స్ లో ఉదయాన్నే తినడానికి దొరికే బ్రేక్ ఫాస్ట్ ఐటమ్ దోశ. దోశ రుచి చూడని తెలుగువారు ఉండరంటే ఆశ్చర్చపోనక్కర్లేదు. మన ఇళ్లల్లో ఎక్కువగా రెగ్యులర్ గా చేసే బ్రేక్ ఫాస్ట్ ఇదే. అయితే హోటల్ లో తినే దోశ రుచి, మన ఇంట్లో చేసుకునే దోశ రుచి చాలా భిన్నం ఉంటుంది. హోటల్ దోశ మాదిరి ఇంట్లో ఎందుకు టేస్ట్ రావడం లేదు అని చాలామంది ఆలోచిస్తుంటారు.

అయితే సీక్రెట్ అంతా దోశ పిండి రెడీ చేసే విధానంలోనే ఉంది. పిండి తయారుచేయడానికి వాడే పదార్థాలు ఒకటే, కానీ దాన్ని తయారుచేసుకునే విధానంలోనే అసలైన సీక్రెట్ దాగి ఉంటది. హోటల్ స్టైల్ లో దోశలు మీ ఇంట్లో రావాలంటే దోశ పిండి ఎలా రెడీ చేసుకోవాలో ఇక్కడ చూడండి.

తయారీకి కావాల్సిన పదార్థాలు

-బియ్యం
-మెంతులు
-పచ్చి శెనగపప్పు
-మినపప్పు
-మెంతులు

రచితో పాటే ఆరోగ్యం కూడా..గోధుమ రవ్వ పొంగల్ ఇలా చేస్తే..తింటుంటే మర్చిపోలేని మజా..

హోటల్ స్టైల్ దోశ పిండి తయారీ విధానం

-ముందుగా ఒక గిన్నెలో 3 కప్పుల బియ్యం వేసి ఇందులో కూడా నీళ్లు పోసి 12 గంటలు నానబెట్టుకోండి.

-మరో గిన్నెలో 1 కప్పు మినపప్పు, 1 టేబుల్ స్పూన్ మెంతులు, 1 టేబుల్ స్పూన్ పచ్చి శెనగపప్పు వేసి మొత్తం కలిసేలా చేత్తో కలుపుకోండి. తర్వాత ఇందులో నీళ్లు పోసి 12 గంటలు నానబెట్టుకోండి.

-12 గంటల పాటు నానిన తర్వాత బియ్యం, మినపప్పు మిశ్రమాన్ని ఒకసారి నీళ్లతో శుభ్రంగా కడుక్కోవాలి.

-తర్వాత గ్రైండర్ లేదా మిక్సీ జార్ లో ముందుగా అందులో మినపప్పు మిశ్రమం వేయండి. తర్వాత అందులో నానబెట్టిన బియ్యం వేసి గ్రైండ్ చేసుకోండి. ఎక్కువ నీళ్లు పోయకండి. బరక అనేది లేకుండా పిండి జారుగా, స్మూత్ గా ఉండాలి.

గ్రైండ్ చేసిన పిండిన ఒక గిన్నెలోకి తీసుకోండి. అయితే వెంటనే దోశలు వేస్తే రావు. కాబట్టి ఒకసారి పిండిని స్పూన్ తో కలిపి మూతపెట్టి 12 గంటల పాటు పిండిని పులియబెట్టండి. అంటే దీనికోసం మీరు ఏం చేయనక్కర్లేదు. 12 గంటల పాటు మూతపెట్టి పిండిని వదిలేస్తే చాలు.

-12 గంటల తర్వాత పిండిని ఒకసారి కలుపుకుకోండి.

-తర్వాత స్టవ్ మీద పెన్ పెట్టి వేడయ్యాక పిండితో దోశ పోసుకోండి. అంతే ఇప్పుడు హోటల్ స్టైల్ లో మాదిరిగి దోశలు మీ ఇంట్లోనే ఉంటాయి. కొబ్బరి చట్నీ లేదా పల్లీ చట్నీతో దీన్ని తింటుంటే మస్త్ మజా వస్తుంది.