మనిషన్న వాడు ఉదయాన్నే తినాల్సిన బ్రేక్‌ఫాస్ట్ ఇదే, సింపుల్‌గా మీకొచ్చే పద్దతిలో ఎలా చేసుకోవాలంటే?

రోజులు మారుతున్నాయి, కొత్త కొత్త టెక్నాలజీ బయట పడుతుంది. అయినప్పటికీ మనుషులు ఆహరం విషయం మళ్ళీ వెనక్కి వెళ్తున్నారు. పాత కాలం నాటి ఆహారమే తీసుకోవడానికి ఇష్టపడుతున్నారు. చాలా మంది మళ్ళీ మిల్లెట్స్ భోజనం తినేందుకు ఆసక్తి చూపిస్తున్నారు. అలాంటి మిల్లెట్స్‌తో ఉదయాన్నే ఉప్మా చేసుకుంటే ఆరోగ్యానికి ఆరోగ్యంతో పాటు రుచికరమైన భోజనం తిన్న ఫీలింగ్ కలుగుతుంది. కానీ చాలా మందికి ఈ అరికెలతో ఉప్మా ఎలా చేసుకోవాలి అనేది తెలియదు. అందుకే ఈ స్టోరీలో అరికెలతో ఉప్మా ఎలా చేసుకోవాలి? దానికి కావాల్సిన పదార్థాలు ఏంటి అనేది వివరించాము. స్టోరీని పూర్తిగా చదివి, మీరు ట్రై చేయండి.

Ragi Kanji: ఈ రాగి కంజి తింటే ఎలాంటి ఆరోగ్య సమస్యలు రావు, ఎలా చేసుకోవాలంటే?

అరికెలతో ఉప్మా తయారీకి కావాల్సిన పదార్థాలు

1 కప్పు అరికెలు
1 ఉల్లిపాయ
2 పచ్చిమిర్చి
1/4 టీస్పూన్ పసుపు పొడి
1/2 టీస్పూన్ ఆవాలు
1 టీస్పూన్ మినపప్పు
1/2 టీస్పూన్ శనగపప్పు
1 టేబుల్ స్పూన్ వేరుశనగ
1 ఎండు మిర్చి
1/4 టీస్పూన్ జీలకర్ర
1 రెమ్మ కరివేపాకు
2 టీస్పూన్ నూనె
రుచికి తగినంత ఉప్పు
తాజా కొత్తిమీర

తయారీ విధానం:

1. ముందుగా అరికెలను కడిగి పక్కన పెట్టండి(నానబెట్టవద్దు)
2. ఆపై ఉల్లిపాయలు, ఎండుమిర్చి, కూరగాయలు తరిగి సిద్ధంగా పెట్టుకోండి.
3. ఇప్పుడు బాణాలిలో నూనె వేడి చేసి, వేడయ్యాక ఆవాలు, జీలకర్ర, ఎండు మిరపకాయలు వేసి చిటపటలాడనివ్వాలి.
4. ఆపైన మినపపప్పు, శనగపప్పు వేసి కొద్దిగా రంగు మారే వరకు దోరగా వేయించాలి.
5. పప్పులు రంగు మారాక అందులో కరివేపాకు, తరిగిన ఉల్లిపాయలు, మిరపకాయలు, కూరగాయలు వేసి వేయించాలి.
6. కూరగాయలు ఉడికిన తర్వాత అరికెలు, రుచికి సరిపడా ఉప్పు వేసి మృదువుగా కలపండి.
7. కొన్ని నిమిషాలు ఉడికించి, మంటను ఆపివేసి, కొత్తిమీర చల్లండి. అంతే ఎంతో రుచికరమైన ఆరోగ్యానికి ఎంతో మేలు చేసే అరికెల ఉప్మా సిద్ధమైనట్లే.